ಬೆಂಗಳೂರು: ಸಿಂಪಲ್ ಸುನಿ ಈಗ ಮತ್ತೊಂದು ಸಿನಿಮಾ ಕೈಗೆತ್ತಿಕೊಂಡಿದ್ದಾರೆ. ಪುಷ್ಕರ್‌ ಮಲ್ಲಿಕಾರ್ಜುನ್‌ ನಿರ್ಮಾಣದಲ್ಲಿ ಮೂಡಿ ಬರಲಿರುವ ಈ ಚಿತ್ರಕ್ಕೆ ಶರಣ್ ನಾಯಕ.
ಮೊದಲ ಬಾರಿಗೆ ಸುನಿ ಮತ್ತು ಶರಣ್ ಕಾಂಬಿನೇಷನ್‌ನಲ್ಲಿ ಈ ಸಿನಿಮಾ ಮೂಡಿ ಬರಲಿದ್ದು, 'ಸುನಿ ಜತೆ ಕೆಲಸ ಮಾಡುತ್ತಿರುವುದು ಖುಷಿ ಆಗುತ್ತಿದೆ. ಸಿನಿಮಾ ರಂಗದಲ್ಲಿ ಅವರು ಹೊಸ ಅಲೆಯನ್ನು ಸೃಷ್ಟಿ ಮಾಡಿದವರು. ಅವರ ಸಿನಿಮಾಗಳ ಬಗ್ಗೆ ನನಗೂ ಕುತೂಹಲವಿದೆ.ಇದುವರೆಗೂ ನೋಡಿರುವ ಶರಣ್ ಈ ಸಿನಿಮಾದಲ್ಲಿ ಇರುವುದಿಲ್ಲ' ಎಂದಿದ್ದಾರೆ.
'ಮಹಾಭಾರತದಲ್ಲಿ ತ್ರಿಶಂಕು ಸ್ವರ್ಗ ಬರುತ್ತಲ್ಲ, ಅದನ್ನು ಸಿನಿಮಾಗೆ ಬಳಸಿಕೊಂಡಿದ್ದೇವೆ. ಈ ಸಿನಿಮಾ ನನ್ನ ಸೋಲೋ ನಿರ್ಮಾಣದ ಚಿತ್ರ. ಒಂದೇ ಹಂತದಲ್ಲಿ ಶೂಟಿಂಗ್‌ ಮಾಡುವ ಪ್ಲ್ಯಾನ್‌ ಇದೆ ಎಂದು ಸುನಿ ಹೇಳಿದ್ದಾರೆ, ಆದರೆ ಚಿತ್ರಕ್ಕೆ ಇನ್ನು ಟೈಟಲ್ ಇಡಲಾಗಿಲ್ಲ.
