ಹಿರಿಯ ನಟ ಡಿಂಗ್ರಿ ನಾಗರಾಜ್ ಗೆ ಗೌರವ ಡಾಕ್ಟರೇಟ್ ಪುರಸ್ಕಾರ

ಬೆಂಗಳುರು: ಕನ್ನಡದ ಹಿರಿಯ ನಟ ಡಿಗ್ರಿ ನಾಗರಾಜ್ ಅವರಿಗೆ ಗೌರವ ಡಾಕ್ಟರೇಟ್ ದೊರಕಿದೆ.ವರ್ಚುವಲ್ ಆಫ್ ಯುನಿವರ್ಸಿಟಿ ಆಫ್ ಪೀಸ್ ಆಂಡ್ ಎಜುಕೇಷನ್ ಡಿಂಗ್ರಿ ನಾಗರಾಜ್ ಅವರಿಗೆ ಗೌರವ ಡಾಕ್ಟರೇಟ್ ನಿಡಿ ಪುರಸ್ಕರಿಸಿದೆ.

ಶನಿವಾರ ಬೆಂಗಳುರು ಭಾರತೀಯ ವಿದ್ಯಾಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನಟರಿಗೆ ಡಾಕ್ತರೇಟ್ ಪದವಿ ನೀಡಿ ಸನ್ಮಾನಿಸಲಾಗಿದ್ದು ಈ ಬಗ್ಗೆ ಅವರ ಪುತ್ರ ರಾಜವರ್ಧನ್ ಸಂತಸ ವ್ಯಕ್ತಪಡಿಸಿದ್ದಾರೆ.

ಎರಡೂವರೆ ದಶಕಗಳಿಂದ ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟ ಡಿಂಗ್ರಿ ನಾಗರಾಜ್ "ಸೋಲಿಲ್ಲದ ಸರದಾರ", "ದೊರೆ" ಸೇರಿ ಸುಮಾರು ನೂರೈವತ್ತೆಕ್ಕೆ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ನಾಗರಾಜ್ ಅವರಿಗೆ ಗೌರವ ಡಾಕ್ಟರೇಟ್ ದೊರಕಿರುವುದು ಸಹಜವಾಗಿ ಕನ್ನಡ ಚಿತ್ರಪ್ರೇಮಿಗಳಿಗೆ ಸಂತೋಷ ತಂದಿದೆ.

ಇದೀಗ ಡಿಂಗ್ರಿ ಅವರ ಪುತ್ರ ರಾಜವರ್ಧನ್ ಸಹ ಸ್ಯಾಂಡಲ್ ವುಡ್ ಗೆ ಪ್ರವೇಶಿಸಿದ್ದು ಅವರ "ಬಿಚ್ಚುಗತ್ತಿ" ಚಿತ್ರ ಈ ವರ್ಷ ತೆರೆ ಕಾಣುವ ನಿರೀಕ್ಷೆ ಇದೆ.