ಸುಮಲತಾ ಜೀವನ ಕುರಿತ ವೆಬ್ ಸಿರೀಸ್ ತರಲು ನಿರ್ದೇಶಕ ಗುರು ದೇಶಪಾಂಡೆ ಯೋಜನೆ!

ಸಂಸದೆ ಸುಮಲತಾ ಅಂಬರೀಷ್ ಅವರನ್ನು ಇತ್ತೀಚೆಗೆ ರಾಜಾಹುಲಿ ನಿರ್ದೇಶಕ ಗುರು ದೇಶಪಾಂಡೆ ಭೇಟಿ ಮಾಡಿದ್ದರು. ಈ ಭೇಟಿ ಸಿನಿಮಾ ರಂಗದಲ್ಲಿ ಹಲವು ಊಹಾ ಪೋಹಗಳಿಗೆ ಕಾರಣವಾಗಿತ್ತು. 

ಸುಮಲತಾ ಅವರ ಜೀವನ ಕುರಿತ ವೆಬ್ ಸಿರೀಸ್ ತಯಾರಿಸಲು ಗುರು ದೇಶಪಾಂಡೆ ಪ್ಲಾನ್ ಮಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ, ಸುಮಾರು 10 ರಿಂದ 15 ಎಪಿಸೋಡ್ ನಲ್ಲಿ ಸುಮಲತಾ ಜೀವನ ತೆರೆಯ ಮೇಲೆ ಅನಾವರಣಗೊಳ್ಳಲಿದೆ.

ವೆಬ್ ಸಿರೀಸ್ ಅಥವಾ ಡಾಕ್ಯುಮೆಂಟರಿ ಇಲ್ಲವೇ ಸಿನಿಮಾ ಮಾಡಲಿದ್ದಾರೆ ಎಂಬು ಸುದ್ದಿಗಳು ಹರಿದಾಡುತ್ತಿವೆ.  ಆದರೆ ವಿಷಯ ಹೆಚ್ಚಿನ ಪ್ರಮಾಣದಲ್ಲಿ ಇರುವ ಕಾರಣ ಜೀವನ ಚರಿತ್ರೆಗಾಗಿ ಸಿದ್ಧತೆ ನಡೆಸಲಾಗುತ್ತಿದೆ.

220 ಸಿನಿಮಾಗಳಲ್ಲಿ ನಟಿಸಿರುವ ಸಂಸದೆ ಸುಮಲತಾ ಅವರ ಜೀವನ ಪಯಣ, ರಾಜಕೀಯ ವೃತ್ತಿ ಸಂಬಂಧ ಸುದೀರ್ಘ ಜೀವನ ಚರಿತ್ರೆಗಾಗಿ ಯೋಜಿಸಲಾಗುತ್ತಿದೆ ಎಂದು ತಿಳಿದು ಬಂದಿದೆ.

2019ರ ಮಂಡ್ಯ ಲೋಕಸಭಾ ಅಂದರೆ ಸ್ವತಂತ್ರ್ಯ ಅಭ್ಯರ್ಥಿಯಾಗಿ ಸ್ಪರ್ದಿಸಿ ಗೆದ್ದಿದ್ದನ್ನು  ಹೈಲೈಟ್ ಮಾಡಲು ನಿರ್ದೇಶಕರು ಪ್ಲಾನ್ ಮಾಡುತ್ತಿದ್ದಾರೆ.