ಸ್ಯಾಂಡಲ್ ವುಡ್ ಇದೀಗ ಹೊಸ ದಾಖಲೆಯೊಂದಕ್ಕೆ ಸಿದ್ದವಾಗುತ್ತಿದೆ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಒಡೆತನದ ಪಿಆರ್ಕೆ ಪ್ರೊಡಕ್ಷನ್ಸ್ ಸಂಸ್ಥೆಯಲ್ಲಿ ನಿರ್ಮಾಣವಾದ ಎರಡು ಚಲನಚಿತ್ರಗಳನ್ನು ನೇರವಾಗಿ ಒಟಿಟಿ ಪ್ಲಾಟ್ ಫಾರಂಗಳಲ್ಲಿ ಬಿಡುಗಡೆ ಮಾಡಲು ತಯಾರಿ ನಡೆಸಿದೆ.
ಕೊರೋನಾವೈರಸ್ ಹಾವಳಿ ಹೆಚ್ಚಾಗುತ್ತಿರುವ ಈ ದಿನಗಳಲ್ಲಿ ಜನರು ಮನೆಯಿಂದ ಹೊರಬಂದು ಚಿತ್ರಮಂದಿರಗಳತ್ತ ಮುಖಮಾಡುವುದು ಸಧ್ಯಕ್ಕಂತೂ ಅಸಾಧ್ಯವೇನೋ ಎಂಬಂತಾಗಿದ್ದು ಇದಕ್ಕೆ ಪರಿಹಾರವಾಗಿ ನಿರ್ಮಾಣ ಸಂಸ್ಥೆಗಳು ಆನ್ಲೈನ್ ಪ್ಲಾಟ್ಫಾರ್ಮ್ಗಳ ಮೊರೆ ಹೋಕ್ಕಿದೆ. ತಮಿಳು, ಹಿಂದಿ ಸೇರಿ ಎಲ್ಲಾ ಭಾಷೆಗಳಲ್ಲಿ ಚಿತ್ರಗಳು ನೇರವಾಗಿ ಒಟಿಟಿ ಪ್ಲಾಟ್ಫಾರ್ಮ್ಗಳಲ್ಲಿ ತೆರೆ ಕಾಣಲು ಸಿದ್ದತೆ ನಡೆದಿದೆ. ಅಂತೆಯೇ ಕನ್ನಡದಲ್ಲಿ ಪಿಆರ್ಕೆ ಸಂಸ್ಥೆ ಈ ಸಾಹಸಕ್ಕೆ ಸಿದ್ದವಾಗಿದೆ.
ಡ್ಯಾನೀಶ್ ಸೇಥ್ ಅಭಿನಯದ ’ಫ್ರೆಂಚ್ ಬಿರಿಯಾನಿ’ ಹಾಗೂ ನಟ ಪ್ರಜ್ವಲ್ ದೇವರಾಜ್ ಪತ್ನಿ ರಾಗಿಣಿ ಅಭಿನಯದ ಲಾ’ಚಿತ್ರಗಳು ನೇರವಾಗಿ ಅಮೇಜಾನ್ನಲ್ಲಿ ಬಿಡುಗಡೆಯಾಗಲಿದೆ. ಜೂನ್ 26ಕ್ಕೆ "ಲಾ" ಹಾಗೂ ಜುಲೈ 24ಕ್ಕೆ "ಫ್ರೆಂಚ್ ಬಿರಿಯಾನಿ" ಚಿತ್ರಗಳಲ್ಲಿ ಒಟಿಟಿ ಮೂಲಕ ಬಿಡುಗಡೆ ಮಾಡುವುದಾಗಿ ನಿರ್ಮಾಣ ಸಂಸ್ಥೆ ಟ್ವೀಟ್ ಮೂಲಕ ಘೋಷಿಸಿದೆ. ಇದರೊಡನೆ ಕನ್ನಡದಲ್ಲಿ ಇದೇ ಮೊದಲ ಬಾರಿಗೆ ಆನ್ಲೈನ್ ವೇದಿಕೆ ಮುಖಾಂತರ ಚಿತ್ರ ಬಿಡುಗಡೆ ನಡೆಯುತ್ತಿದೆ.
Advertisement