ಪ್ರೇಮ್-ಧ್ರುವ ಸರ್ಜಾ ಅವರ ಮುಂಬರುವ ಬಹುಭಾಷಾ ಸಿನಿಮಾಗಾಗಿ ವಿವಿಧ ಪ್ರದೇಶಗಳ ದೊಡ್ಡ ನಟರನ್ನು ಸಂಪರ್ಕಿಸುವ ಮೂಲಕ ಭಾರೀ ಹವಾ ಸೃಷ್ಟಿಸುತ್ತಿದೆ. ಬಾಲಿವುಡ್ ನಟ ಸಂಜಯ್ ದತ್ ಪ್ರೇಮ್ ನಿರ್ದೇಶನದ ಸಿನಿಮಾ ಮೂಲಕ ಮತ್ತೆ ಕನ್ನಡಕ್ಕೆ ಬರುತ್ತಿದ್ದಾರೆ.
ಧ್ರುವ ಸರ್ಜಾ ಮತ್ತು ನಿರ್ದೇಶಕ ಪ್ರೇಮ್ ಕಾಂಬಿನೇಷನ್ ಸಿನಿಮಾ ಬರ್ತಿದೆ ಎಂದಾಗಲೇ ಒಂದಷ್ಟು ಕುತೂಹಲಗಳು ಗರಿಗೆದರಿದ್ದವು. ನಿರೀಕ್ಷೆಯೂ ಅಷ್ಟೇ ಜೋರಾಗಿತ್ತು. ಇದೀಗ ಸದ್ದಿಲ್ಲದೆ ಸಿನಿಮಾ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವ ಪ್ರೇಮ್, ಇತ್ತೀಚೆಗಷ್ಟೇ ಹೊಸ ವಿಚಾರವೊಂದನ್ನು ಹಂಚಿಕೊಂಡಿದ್ದರು. ಈ ಕಾಂಬಿನೇಷನ್ನ ಸಿನಿಮಾ ಹೇಗಿರಲಿದೆ? ಶೀರ್ಷಿಕೆ ಏನು ಎಂಬಿತ್ಯಾದಿ ಯಾವುದೇ ಮಾಹಿತಿ ಇಲ್ಲಿಯವರೆಗೂ ಹೊರಬಿದ್ದಿರಲಿಲ್ಲ. ಇದೀಗ ಸದ್ದಿಲ್ಲದೆ ಅಕಾಡಕ್ಕಿಳಿದಿರುವ ನಿರ್ದೇಶಕ ಪ್ರೇಮ್ ಕೆಲ ಸಾಹಸಗಳಿಗೆ ಇಳಿದಿದ್ದಾರೆ.
ಸಂಜಯ್ ದತ್ ಅವರೊಂದಿಗಿನ ಚಿತ್ರವನ್ನು ಹಂಚಿಕೊಂಡ ಪ್ರೇಮ್, “ಇದು ಅತ್ಯಂತ ಸಂತೋಷ ಮತ್ತು ಸಂತೋಷದ ಕ್ಷಣ! ಎಂದೆಂದಿಗೂ ಶಕ್ತಿಶಾಲಿ ಸಂಜಯ್ ದತ್ ಅವರನ್ನು ಭೇಟಿಯಾಗುವುದು ಶಾಶ್ವತವಾಗಿ ಗೌರವಿಸಲ್ಪಡುತ್ತದೆ. ನಿಮ್ಮ ಬೆಂಬಲಕ್ಕೆ ಎಂದೆಂದಿಗೂ ಕೃತಜ್ಞರಾಗಿರುತ್ತೇನೆ ಬಾಬಾ! ” ಹಿರಿಯ ನಟ ತಾರಾಗಣಕ್ಕೆ ಸೇರುವ ಬಗ್ಗೆ ಅಧಿಕೃತ ದೃಢೀಕರಣ ಶೀಘ್ರದಲ್ಲೇ ಹೊರಬೀಳುವ ನಿರೀಕ್ಷೆಯಿದೆ.
ಅದೇ ರೀತಿ, ಮಲಯಾಳಂನ ಲೆಜೆಂಡರಿ ಸೂಪರ್ಸ್ಟಾರ್ ಮೋಹನ್ಲಾಲ್ ಅವರನ್ನೂ ಈ ಚಿತ್ರಕ್ಕಾಗಿ ಹೇಗೆ ಬಳಸಿಕೊಳ್ಳಬಹುದು ಎಂಬುದನ್ನು ಸಹ ನಾವು ವರದಿ ಮಾಡಿದ್ದೇವೆ.
ಇಬ್ಬರೂ ಜತೆಜತೆಗೆ ನಿಂತ ಫೋಟೋಗಳನ್ನು ಶೇರ್ ಮಾಡಿಕೊಂಡಿರುವ ಪ್ರೇಮ್, ಅತ್ಯಂತ ಸಂತಸದ ಕ್ಷಣವಿದು ಎಂದು ಬರೆದುಕೊಂಡಿದ್ದಾರೆ. ಆದರೆ, ಸಂಜಯ್ ದತ್ ಈ ಸಿನಿಮಾ ಮೂಲಕ ನಟನಾಗಿ ಮತ್ತೆ ಸ್ಯಾಂಡಲ್ವುಡ್ಗೆ ಬರ್ತಾರಾ ಅಥವಾ ಶೀರ್ಷಿಕೆ ಲಾಂಚ್ ಮಾಡುತ್ತಾರಾ? ಎಂಬುದು ಸದ್ಯದ ಕುತೂಹಲ.
ಇದಕ್ಕೂ ಮೊದಲು ಮಾಲಿವುಡ್ ನಟ ಮೋಹನ್ಲಾಲ್ ಅವರನ್ನು ಪ್ರೇಮ್ ಭೇಟಿ ಮಾಡಿ ಬಂದಿದ್ದರು. ಈ ಭೇಟಿಯ ಹಿನ್ನೆಲೆಯನ್ನು ನೋಡಿದರೆ, ಇದೇ ತಿಂಗಳ 20ರಂದು ಪ್ರೇಮ್ ಮತ್ತು ಧ್ರುವ ಸರ್ಜಾ ಕಾಂಬಿನೇಷನ್ ಸಿನಿಮಾದ ಶೀರ್ಷಿಕೆ ಲಾಂಚ್ ಆಗಲಿದೆ. ಆ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಮೋಹನ್ಲಾಲ್ ಅವರನ್ನು ಆಹ್ವಾನಿಸಿದ್ದಾರಂತೆ ಪ್ರೇಮ್. "ಭಾರತೀಯ ಸಿನಿಮಾ ಕಂಡ ಸೂಪರ್ ಸ್ಟಾರ್, ಅಷ್ಟೇ ಡೌನ್ ಟು ಅರ್ಥ್. ಈ ಭೇಟಿಯ ಖುಷಿಯನ್ನು ಹೇಗೆ ವರ್ಣಿಸಲಿ ಎಂಬುದು ನನ್ನಿಂದ ಸಾಧ್ಯವಾಗುತ್ತಿಲ್ಲ. ವಿವರಿಸಲು ನನ್ನ ಬಳಿ ಪದಗಳಿಲ್ಲ. ನಿಮ್ಮ ಈ ಬೆಂಬಲ್ಲ ನಮ್ಮನ್ನು ಮತ್ತಷ್ಟು ಎತ್ತರಕ್ಕೆ ಕರೆದೊಯ್ಯಲಿದೆ" ಎಂದು ಪ್ರೇಮ್ ಟ್ವಿಟ್ ಮಾಡಿದ್ದರು.
KVN ಬ್ಯಾನರ್ನಲ್ಲಿ ನಿರ್ಮಾಣವಾಗಲಿರುವ ಈ ಸಿನಿಮಾದ ಶೀರ್ಷಿಕೆ ಪೋಸ್ಟರ್ ಬಿಡುಗಡೆ ಸಲುವಾಗಿ ಧ್ರುವ ಎಲ್ಲ ಭಾಷೆಗಳಿಗೆ ಸ್ವತಃ ಅವರೇ ಡಬ್ ಮಾಡಿದ್ದಾರೆ. ಸಿನಿಮಾಗೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. 1968 ರಿಂದ 1978ರ ಅವಧಿಯಲ್ಲಿ ನಡೆದ ನೈಜ ಕಥೆ ಆಧರಿಸಿ ಸಿನಿಮಾ ಕಥೆ ಸಿದ್ಧ ಪಡಿಸಲಾಗಿದೆ.
Advertisement