ಸ್ಯಾನ್ ಡಿಯಾಗೋ: ಜನಪ್ರಿಯ ತೆಲುಗು ನಟ ಪ್ರಭಾಸ್ ಮತ್ತು ದೀಪಿಕಾ ಪಡುಕೋಣೆ ಅಭಿನಯದ ನಾಗ್ ಅಶ್ವಿನ್ ನಿರ್ದೇಶನದ ವೈಜ್ಞಾನಿಕ ಚಿತ್ರ ಪ್ರಾಜೆಕ್ಟ್ K ಗೆ ಇದೀಗ 'ಕಲ್ಕಿ 2898-AD' ಎಂದು ಟೈಟಲ್ ಇಡಲಾಗಿದೆ. ಸ್ಯಾನ್ ಡಿಯಾಗೋ ಕಾಮಿಕ್-ಕಾನ್ ನಲ್ಲಿ ಚಿತ್ರತಂಡ ಈ ಟೈಟಲ್ ಘೋಷಿಸಿದರು.
ಬಹು ನಿರೀಕ್ಷಿತ ಚಿತ್ರದ ಪ್ರಭಾಸ್ ಹಾಗೂ ಹಿರಿಯ ನಟ ಕಮಲ್ ಹಾಸನ್ ಅವರ ಫಸ್ಟ್ ಲುಕ್ ನ್ನು ನಿರ್ಮಾಪಕರಾದ ವೈಜಯಂತಿ ಮೂವೀಸ್ ಅವರು ಎಸ್ ಡಿಸಿಸಿಯಲ್ಲಿ ಹಂಚಿಕೊಂಡಿದ್ದಾರೆ. ಕಲ್ಕಿ 2898-AD ಭಾರತೀಯ ಚಿತ್ರರಂಗದಲ್ಲಿ ಹಿಂದೆಂದೂ ನೋಡಿರದ ಜಗತ್ತಿಗೆ ಪ್ರೇಕ್ಷಕರನ್ನು ಸಾಗಿಸುವ ಭರವಸೆ ನೀಡುತ್ತದೆ. ಈ ಚಲನಚಿತ್ರವು 2898 ADಗೆ ಹೊಂದಿಕೊಂಡಂತಿದ್ದು, ವಿಶಿಷ್ಟ ಅನುಭವ ನೀಡುತ್ತದೆ ಎಂದು ಚಿತ್ರ ನಿರ್ಮಾಪಕರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
Advertisement