ಪನ್ನಗಾಭರಣ ಜೊತೆ ಔಟ್-ಅಂಡ್-ಔಟ್ ಕಾಮಿಡಿ ಕಥೆಗೆ ಕೈಜೋಡಿಸಲಿದ್ದಾರೆ ಗಣೇಶ್!
ಬೆಳ್ಳಿತೆರೆಯಲ್ಲಿ ಮನರಂಜನೆಗೆ ಹೆಸರಾದ ಗೋಲ್ಡನ್ ಸ್ಟಾರ್ ಗಣೇಶ್, ತಮ್ಮ ಭಾವನಾತ್ಮಕ ಹಾಸ್ಯದಿಂದ ಪ್ರೇಕ್ಷಕರನ್ನು ಸೆರೆಹಿಡಿದಿದ್ದಾರೆ.
ನಾಟಕ ಮತ್ತು ಹಾಸ್ಯವನ್ನು ಸಮತೋಲನಗೊಳಿಸುವ ಅವರ ವಿಶಿಷ್ಟ ಸಾಮರ್ಥ್ಯವು ಸ್ಯಾಂಡಲ್ ವುಡ್ ನಲ್ಲಿ ಅಪಾರ ಜನಪ್ರಿಯತೆ ಗಳಿಸಿತು. ಶ್ರೀನಿವಾಸ್ ರಾಜು ನಿರ್ದೇಶನದ ಕೃಷ್ಣಂ ಪ್ರಣಯ ಸಖಿ ಬಿಡುಗಡೆಗೆ ಸಜ್ಜಾಗುತ್ತಿದ್ದಂತೆ, ಗಣೇಶ್ ಅವರ ಮುಂಬರುವ ಯೋಜನೆಗಳ ಬಗ್ಗೆ ರೋಚಕ ಸುದ್ದಿ ಹೊರಬಿದ್ದಿದೆ. ನಟ ವಿವಿಧ ನಿರ್ದೇಶಕರೊಂದಿಗೆ ಮಾತುಕತೆ ನಡೆಸುತ್ತಿದ್ದಾರೆ ಎಂದು ವರದಿಯಾಗಿದೆ.
ಇನ್ನೂ ಗಣೇಶ್ ಫ್ರೆಂಚ್ ಬಿರಿಯಾನಿ ನಿರ್ದೇಶಕ ಪನ್ನಗಾ ಭರಣ ಅವರೊಂದಿಗೆ ಔಟ್-ಅಂಡ್-ಔಟ್ ಕಾಮಿಡಿ ಪ್ರಾಜೆಕ್ಟ್‌ಗಾಗಿ ಜೊತೆಯಾಗಲಿದ್ದಾರೆ. ಇವರಿಬ್ಬರು ಈಗಾಗಲೇ ಕೆಲವು ಸುತ್ತಿನ ಚರ್ಚೆ ನಡೆಸಿದ್ದು, ಗಣೇಶ್ ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎನ್ನಲಾಗಿದೆ. ಪ್ರಸ್ತುತ ಚರ್ಚೆಯ ಹಂತದಲ್ಲಿರುವ ಈ ಯೋಜನೆಯು ಶೀಘ್ರದಲ್ಲೇ ಶೂಟಿಂಗ್ ಆರಂಭಗೊಳ್ಳುವ ನಿರೀಕ್ಷೆಯಿದೆ. ಅಧಿಕೃತ ಘೋಷಣೆಯ ನಂತರ ಪ್ರೊಡಕ್ಷನ್ ಹೌಸ್ ಮತ್ತು ಇತರ ವಿವರಗಳಿಗೆ ಸಂಬಂಧಿಸಿದ ವಿವರಗಳನ್ನು ಬಹಿರಂಗಪಡಿಸಲಾಗುತ್ತದೆ.
ಇದರ ಜೊತೆಗೆ, ನಿರ್ದೇಶಕ ಎಆರ್ ವಿಖ್ಯಾತ್ ಅವರೊಂದಿಗೆ ಗಣೇಶ್ ಮತ್ತೊಂದು ಸಿನಿಮಾಗೆ ಸಹಿ ಹಾಕಿದ್ದಾರೆ. ಸತ್ಯ ರಾಯಲ ನಿರ್ಮಿಸಿದ, ಈ ಹೆಸರಿಡದ ಚಿತ್ರವು ಗಣೇಶ್ ಅವರ ಮೊದಲ ಸಹಯೋಗವನ್ನು ಗುರುತಿಸುತ್ತದೆ. ಹಿರಿಯ ನಟ ರಮೇಶ್ ಅರವಿಂದ್ ಜೊತೆ ಗಣೇಶ್ ನಟಿಸುತ್ತಿದ್ದಾರೆ. ಆದರೆ ಈ ಪ್ರಾಜೆಕ್ಟ್ ಯಾವಾಗ ಶೂಟಿಂಗ್ ಆರಂಭವಾಗುತ್ತದೆ ಎಂಬ ಬಗ್ಗೆ ತಿಳಿದಿಲ್ಲ.
