ಬಾಲಿವುಡ್ ನಟ ರಣವೀರ್ ಸಿಂಗ್ ಅಭಿನಯದ 'ಧುರಂಧರ್: ದಿ ರಿವೆಂಜ್' ಚಿತ್ರದ ಬಾಕ್ಸ್ ಆಫೀಸ್ ಆರ್ಭಟಕ್ಕೆ ಬೆದರಿದ ಮತ್ತೊಂದು ಸಿನಿಮಾ 'ಡಕಾಯಿತ್' ಬಿಡುಗಡೆ ದಿನಾಂಕವನ್ನು ಮುಂದೂಡಲಾಗಿದೆ.
ಈ ಮುಂಚೆ ಧುರಂಧರ್ 2 ಕಾರಣದಿಂದ ಸೂಪರ್ ಸ್ಟಾರ್ ಅಕ್ಷಯ್ ಕುಮಾರ್ ಅವರ ಭೂತ್ ಬಂಗ್ಲಾ ಚಿತ್ರದ ನಿರ್ಮಾಪಕರು, ತಮ್ಮ ಸಿನಿಮಾ ಬಿಡುಗಡೆಯನ್ನು ಒಂದು ವಾರ ಮುಂದೂಡಿದ್ದರು.
ಇದೀಗ ದಕ್ಷಿಣ ಭಾರತದ ನಟ ಅಡವಿ ಶೇಷ್ ಅವರು ಶನಿವಾರ ತಮ್ಮ ದ್ವಿಭಾಷಾ ಚಿತ್ರ "ಡಕಾಯಿತ್" ಬಿಡುಗಡೆಯನ್ನು ಮುಂದೂಡಬೇಕಾಗಿದೆ ಎಂದು ಹೇಳಿದ್ದಾರೆ.
ಆದಿತ್ಯ ಧರ್ ಅವರ "ಧುರಂಧರ್: ದಿ ರಿವೆಂಜ್" ಚಿತ್ರವು ಭಾರಿ ಪ್ರಮಾಣದಲ್ಲಿ ಚಿತ್ರಮಂದಿರಗಳನ್ನು ಅಕ್ರಮಿಸಿಕೊಂಡಿದೆ. ಹೀಗಾಗಿ ತಮ್ಮ ಸಿನಿಮಾ ಬಿಡುಗಡೆ ಮುಂದೂಡುತ್ತಿರುವುದಾಗಿ ತಿಳಿಸಿದ್ದಾರೆ.
ಶೇಷ್ ಅವರ ಚಿತ್ರವು ಮಾರ್ಚ್ 19 ರಂದು "ಧುರಂಧರ್ 2" ಜೊತೆ ಪೈಪೋಟಿ ನಡೆಸಲು ನಿರ್ಧರಿಸಿತ್ತು. ಆದರೆ ಚಿತ್ರದ ತಂಡವು ಚಿತ್ರವನ್ನು ಏಪ್ರಿಲ್ 10ಕ್ಕೆ ಮುಂದೂಡಿತು.
"ನಾವು ನಮ್ಮ ಸಿನಿಮಾವನ್ನು ಮಾರ್ಚ್ 19 ರಂದೇ ಬಿಡುಗಡೆ ಮಾಡಬೇಕಿತ್ತು ಮತ್ತು ದಕ್ಷಿಣದಲ್ಲಿ ತೆಲುಗು ಹೊಸ ವರ್ಷವಾದ ಯುಗಾದಿ ಸಂದರ್ಭ ಒಳ್ಳೆಯದಾಗಿತ್ತು. ಆದರೆ ನನ್ನ ಸ್ನೇಹಿತ ಆದಿತ್ಯ ಧರ್ ಅವರ "ಧುರಂಧರ್" ಕಾರಣದಿಂದಾಗಿ ನಾವು ಬಿಡುಗಡೆ ಮಾಡಲಿಲ್ಲ ಎಂದಿದ್ದಾರೆ.
"ನಾವು ಸರಿಯಾದ ಪ್ರದರ್ಶನವನ್ನು ಕಂಡುಕೊಳ್ಳಬೇಕೆಂದು ಭಾವಿಸಿದ್ದೇವೆ. ಹೀಗಾಗಿ ಏಪ್ರಿಲ್ 10ರ ಬಿಡುಗಡೆ ಮಾಡಲು ನಿರ್ಧರಿಸಿದ್ದೇವೆ ಎಂದು ಅಡವಿ ಶೇಷ್ ಅವರು ತಿಳಿಸಿದ್ದಾರೆ.
