ವೀಸಾ, ಮಾಸ್ಟರ್ ಕಾರ್ಡ್ ಅಥವಾ ಇನ್ನಾವುದೇ ಕಾರ್ಡ್ ಇರಬಹುದು ಇದು ಪ್ಲಾಸ್ಟಿಕ್ ನಿಂದ ಮಾಡಿದ ಒಂದು ಕಾರ್ಡ್, ಗ್ರಾಹಕನ ಹೆಸರು, ಕಾರ್ಡ್ ಸಂಖ್ಯೆ, ಕಾರ್ಡ್ ಇಶ್ಯೂ ಮಾಡಿದ ದಿನಾಂಕ, ಎಕ್ಷ್ಪಿರಿ ದಿನಾಂಕ ಹೀಗೆ ಹಲವು ವಿಷಯ ಕಾರ್ಡ್ ಮೇಲೆ ಮುದ್ರಿತವಾಗಿರುತ್ತದೆ. ನೆನಪಿರಲಿ ವೀಸಾ ಅಥವಾ ಮಾಸ್ಟರ್ ಕಾರ್ಡ್ ಇಶ್ಯೂ ಮಾಡುವ ಸಂಸ್ಥೆ ಹಣಕಾಸು ಸಂಸ್ಥೆಯಲ್ಲ, ಇವುಗಳ ಕೆಲಸ ಮಧ್ಯವರ್ತಿಯ ತರಹ, ಯಾವುದೇ ಬ್ಯಾಂಕ್ ಅದು sbi ಇರಬಹುದು, ಕೆನರಾ ಇರಬಹುದು ಅಥವಾ ಇನ್ನ್ಯಾವುದೇ ಬ್ಯಾಂಕ್ ಇರಬಹುದು ಅವರು ವೀಸಾ ಅಥವಾ ಮಾಸ್ಟರ್ ಕಾರ್ಡ್ ವಿತರಣೆ ಮಾಡಬಹುದು. ಅಂದರೆ ವೀಸಾ, ಮಾಸ್ಟರ್ ಕಾರ್ಡ್ ಸಂಸ್ಥೆಗಳು ಸಾಲ ನಿಡುವ ಕೆಲಸ ಮಾಡುವುದಿಲ್ಲ, ಅದೇನಿದ್ದರೂ ಸಂಬಂದಪಟ್ಟ ಬ್ಯಾಂಕ್ ನ ಕೆಲಸ. ಅಮೆರಿಕನ್ ಎಕ್ಸ್ಪ್ರೆಸ್ ಕಾರ್ಡ್ ಮಾತ್ರ ಇದಕ್ಕಿಂತ ಬಿನ್ನ, ಅಮೆರಿಕನ್ ಎಕ್ಸ್ಪ್ರೆಸ್ ಖರೀದಿದಾರನಿಗೆ ಸಾಲ ನೀಡುವ ಸಂಸ್ಥೆಯಾಗಿಯೂ ಕೆಲಸ ನಿರ್ವಹಿಸುತ್ತದೆ.