ಇವತ್ತು ಜಗತ್ತು ಯಾವ ಮಟ್ಟಕ್ಕೆ ಬಂದು ಕುಳಿತಿದೆ ಎಂದರೆ ಸಾಲವೇ ಹಣ ಎನ್ನುವ ಮಟ್ಟಕ್ಕೆ! ಅಂದರೆ "ಹಣ ಎಂದ ತಕ್ಷಣ ಅದು ಸಾಲದ ಹಣವೇ ಆಗಿರುತ್ತದೆ" ಎನ್ನುವ ಮಟ್ಟಕ್ಕೆ ಜಗತ್ತು ಬದಲಾಗಿ ಹೋಗಿದೆ.
ಸಾಲ ತೀರಿಸಲು ಹೊಸ ಸಾಲ ಮಾಡುವುದು ಆರ್ಡರ್ ಆಫ್ ದಿ ಡೇ ಎನ್ನುವ ಮಟ್ಟಕ್ಕೆ ಜಗತ್ತು ಬಂದಿದೆ. ಸಾಲ ಕೊಡುವವರಲ್ಲಿ ಮತ್ತು ತೆಗೆದುಕೊಳ್ಳುವವರಲ್ಲಿ ಇಬ್ಬರಲ್ಲೂ ಹಿಂದಿನ ಸೂಕ್ಷ್ಮ ಮನೋಭಾವ ಇಲ್ಲವಾಗಿದೆ. ಸಾಲವಿಲ್ಲದ ಸಂಸ್ಥೆಗಳು ವಿರಳ ಎನ್ನುವಂತಾಗಿದೆ. ಅಂದ ಮಾತ್ರಕ್ಕೆ ಕೇಳಿದವರಿಗೆಲ್ಲಾ ಮುಖ್ಯವಾಹಿನಿ ಬ್ಯಾಂಕುಗಳು ಸಾಲ ಕೊಡುತ್ತವೆ ಎನ್ನುವಂತೆಯೂ ಇಲ್ಲ. ಮುಖ್ಯವಾಹಿನಿ ಬ್ಯಾಂಕುಗಳ ಈ ನಿಬಂಧನೆಗಳು ನಾನ್ ಬ್ಯಾಂಕಿಂಗ್ ಫೈನಾನ್ಸಿಯಲ್ ಕಾರ್ಪೋರೇಶನ್ ಗಳಿಗೆ ಮತ್ತು ಆನ್ಲೈನ್ ಲೆಂಡಿಂಗ್ ಪೋರ್ಟಲ್ ಮತ್ತು ಆಪ್ ಗಳಿಗೆ ಹೊಸ ವ್ಯಾಪಾರದ ದಾರಿಯನ್ನ ಸೃಷ್ಟಿ ಮಾಡಿಕೊಟ್ಟಿದೆ. ಗಮನಿಸಿ ನಾನ್ ಬ್ಯಾಂಕಿಂಗ್ ಫೈನಾನ್ಸಿಯಲ್ ಕಾರ್ಪೋರೇಶನ್ ಗಳು ಕೂಡ ಆರ್ ಬಿಐ ನ ನಿಗರಾಣಿಯಲ್ಲಿ ಬರುತ್ತದೆ. ಈ ಹಿಂದೆ ಮಾಡಿದಷ್ಟು ಬಿಡುಬೀಸು ಲೆಂಡಿಂಗ್ ಮತ್ತು ವಸೂಲಿಗೆ ಬಳಸುವ ವಿಧಾನಗಳಿಗೆ ಬಹಳಷ್ಟು ಬ್ರೇಕ್ ಬಿದ್ದಿದೆ. ಹೀಗೆ ಇಲ್ಲಿ ಸಾಲ ಸಿಗದವರು ಮತ್ತು ಹಣದ ತುರ್ತು ಬಹಳ ಇದ್ದವರ ಸಹಾಯಕ್ಕೆ ಬರುತ್ತಿದ್ದವು ಆನ್ಲೈನ್ ಲೆಂಡಿಂಗ್ ಪೊರ್ಟಲ್ಸ್ ಮತ್ತು ಆಪ್ಗಳು. ಇಲ್ಲಿಯವರೆಗೆ ಇಲ್ಲಿ ಯಾವುದೇ ರೀತಿಯ ಕಟ್ಟುಪಾಡುಗಳು ಮತ್ತು ನಿಬಂಧನೆಗಳು ಇರಲಿಲ್ಲ. ಬಹಳಷ್ಟು ಬಾರಿ ಸಾಲ ಪಡೆದುಕೊಂಡವರು ಬಡ್ಡಿ ಮತ್ತು ಚಕ್ರಬಡ್ಡಿಯ ಸುಳಿಯಲ್ಲಿ ಸಿಲುಕಿ ಹೈರಾಣಾದ ಉದಾಹರಣೆಗಳಿವೆ. ಇದೀಗ ಆರ್ ಬಿಐ ಇದಕ್ಕೂ ಒಂದು ಚೌಕಟ್ಟು ವಿಧಿಸಿದೆ. ಮುಖ್ಯವಾಹಿನಿ ಬ್ಯಾಂಕಿಂಗ್ ಸಿಸ್ಟಮ್ಗಳ ಹೆಸರು ಹೇಳಿಕೊಂಡು ನಮ್ಮ ದೇಶದಲ್ಲಿ ಆಗುತ್ತಿರುವ ಆನ್ಲೈನ್ ಫ್ರಾಡ್ಗಳು ಲೆಕ್ಕಕ್ಕಿಲ್ಲ, ಇನ್ನೂ ಖಾಸಗಿ ಪೋರ್ಟಲ್ ಮತ್ತು ಆಪ್ಗಳ ಕಥೆ ಹೊಸದಾಗಿ ಹೇಳುವ ಅವಶ್ಯಕತೆ ಇಲ್ಲವೆಂದುಕೊಳ್ಳುವೆ.
ಇದನ್ನೂ ಓದಿ: ಭಾರತದ ಆರ್ಥಿಕತೆ ಕೂಡ ಕುಸಿತ ಕಾಣಲಿದೆಯೆ?
ಹೇಳುವ ಬಡ್ಡಿದರಕ್ಕೂ ಕೊನೆಯಲ್ಲಿ ಸಂದಾಯ ಮಾಡಿದ ಬಡ್ಡಿದರಕ್ಕೂ ಇರುವ ವ್ಯತ್ಯಾಸ, ನೇರವಾಗಿ ಕಾಣದ ಅನೇಕ ಖರ್ಚುಗಳನ್ನ ಗ್ರಾಹಕನ ತಲೆಯ ಮೇಲೆ ಹೊರಿಸುವುದು, ಹೀಗೆ ಅವ್ಯಾಹತವಾಗಿ ಹಗಲು ದರೋಡೆ ನಡೆಯುತ್ತಿತ್ತು. ಆದರೆ ಹಣದ ಅವಶ್ಯಕತೆ ಇರುವ ಗ್ರಾಹಕ ಇಂತಹ ವ್ಯವಸ್ಥೆಗಳಿಂದ ಶೋಷಣೆಗೊಳಗಾಗುವುದು ಬಿಟ್ಟು ಬೇರೇನೂ ಮಾಡಲಾಗದ ಅಸಹಾಯಕ ಪರಿಸ್ಥಿತಿಯಲ್ಲಿದ್ದರು.
ವರ್ಕಿಂಗ್ ಗ್ರೂಪ್ ಫಾರ್ ಡಿಜಿಟಲ್ ಲೆಂಡಿಂಗ್ ಎನ್ನುವುದು ಆರ್ ಬಿಐ ಇಂತಹ ವಿಷಯಗಳನ್ನ ಅಧ್ಯಯನ ಮಾಡಿ ಒಂದು ವರದಿಯನ್ನ ಸಲ್ಲಿಸುವಂತೆ ಕೇಳಿಕೊಂಡಿತ್ತು. ಈ ವರದಿಯನ್ನ ನವೆಂಬರ್ 2021 ರಲ್ಲಿ ಜನರ ಮುಂದೆ ಮತ್ತು ಆರ್ ಬಿಐ ಮುಂದೆ ಇಡಲಾಗಿತ್ತು. ಇದೀಗ ಇದರ ಅಂತಿಮ ಮಾರ್ಗಸೂಚಿಗಳನ್ನ ಬಿಡುಗಡೆ ಮಾಡಿದೆ. ಇದನ್ನ ಕಟ್ಟುನಿಟ್ಟಾಗಿ ಪಾಲಿಸುವಂತೆ ತನ್ನ ಮಾರ್ಗಸೂಚಿಯಲ್ಲಿ ಹೇಳಿದೆ.
ಇಂತಹ ಮಾರ್ಗಸೂಚಿಗಳಿಂದ ಸಾಲ ಪಡೆಯುವವರಿಗೆ ಬಹಳ ಅನುಕೂಲವಾಗುತ್ತದೆ ನಿಜ, ಆದರೆ ಇದರಲ್ಲಿ ಆಗಿರುವ ಬದಲಾವಣೆಗಳನ್ನ ಗ್ರಾಹಕ ತಿಳಿದುಕೊಳ್ಳುವುದು ಅತಿ ಮುಖ್ಯ. ಏನಿದು ಮಾರ್ಗಸೂಚಿಗಳು ಎನ್ನುವುದರ ಬಗ್ಗೆ ಒಂದಷ್ಟು ತಿಳಿದುಕೊಳ್ಳುವ ಪ್ರಯತ್ನವನ್ನ ಮಾಡೋಣ. ಅತಿ ಮುಖ್ಯವಾಗಿ ಇದು:
ಹೊಸ ಮಾರ್ಗಸೂಚಿ ಪ್ರಕಾರ ಸಾಲಗಳನ್ನ ನೀಡುವ ಸಂಸ್ಥೆಗಳನ್ನ ಸ್ಥೂಲವಾಗಿ ಮೂರು ವರ್ಗಿಕರಣ ಮಾಡಲಾಗಿದೆ:
ಇವೆರೆಡನ್ನೂ ರೆಗ್ಯುಲೇಟೆಡ್ ಎನ್ಟಿಟಿಸ್ (RE ) ಎನ್ನಲಾಗುತ್ತದೆ.
ಈಗಿನ ನಿಯಮಾವಳಿಗಳು ಅಥವಾ ಮಾರ್ಗಸೂಚಿ ಜಾರಿಗೆ ತಂದಿರುವುದು ಮೂರನೇ ಸಂಸ್ಥೆಗಳು ಅರ್ಥಾತ್ ಲೋನ್ ಸರ್ವಿಸ್ ಪ್ರೊವೈಡರ್ಸ್. ಮೇಲಿನ ಎರಡು ಸಂಸ್ಥೆಗಳು ಆರ್ಬಿಐ ಅಥವಾ ಇತರ ಮಾರ್ಗಸೂಚಿಗಳಂತೆ ಕಾರ್ಯ ನಿರ್ವಹಿಸುವ ಕಾರಣ ತಮಗೆ ಬೇಕಾದ ಲಿವರೇಜ್ ಪಡೆದುಕೊಳ್ಳಲು, ಇಂತಹ ಲೋನ್ ಸರ್ವಿಸ್ ಪ್ರೊವೈಡರ್ಸ್ ಸಂಸ್ಥೆಗಳನ್ನ ಬಳಸಿಕೊಳ್ಳುತ್ತಿದ್ದವು. ಹೊಸ ಮಾರ್ಗಸೂಚಿ ಇಂತಹ ಎಲ್ಲಾ ಅಕ್ರಮಗಳಿಗೆ ಮಂಗಳ ಹಾಡಲಿದೆ.
ಕೊನೆಮಾತು: ಮೇಲೆ ಹೇಳಿರುವ ಅಂಶಗಳು ಸ್ಥೂಲ ಚಿತ್ರಣವನ್ನ ಮಾತ್ರ ನೀಡಿವೆ. ಇದರ ಜೊತೆಗೆ ಹತ್ತಾರು ಸಣ್ಣಪುಟ್ಟ ನಿಯಮಾವಳಿಗಳನ್ನ ಕೂಡ ಪಾಲಿಸಬೇಕಾಗುತ್ತದೆ. ಉದಾಹರಣೆಗೆ ಗ್ರಾಹಕ ದೂರು ನೀಡಿದರೆ ಅದನ್ನ 30 ದಿನಗಳಲ್ಲಿ ಇತ್ಯರ್ಥಗೊಳಿಸಬೇಕಾಗುತ್ತದೆ. ಗ್ರಾಹಕನ ಅಹವಾಲು ಸ್ವೀಕರಿಸಲು ಗ್ರಿವೆನ್ಸ್ ಸೆಲ್ ಗಳ ನಿರ್ಮಾಣ ಮಾಡುವುದು ಹೀಗೆ ಹತ್ತಾರು ನಿಬಂಧನಗೆಳು ಇಲ್ಲಿ ಸೇರಿಸಲಾಗಿದೆ. ಇದೆಲ್ಲವನ್ನೂ ಗ್ರಾಹಕನ ಹಿತವನ್ನ ಕಾಯುವ ಉದ್ದೇಶದಿಂದ ಜಾರಿಗೆ ತರಲಾಗಿದೆ. ಇಷ್ಟೆಲ್ಲಾ ಬದಲಾವಣೆಗಳಾಗಿವೆ ಎನ್ನುವುದನ್ನ ಗ್ರಾಹಕ ಮೊದಲು ಅರಿತುಕೊಳ್ಳಬೇಕು. ಇದರ ಸಾಮಾನ್ಯಜ್ಞಾನವಿಲ್ಲದೆ ಹೋದರೆ ಶೋಷಣೆ ನಿಲ್ಲುವುದು ಹೇಗೆ? ಪ್ರತಿಯೊಬ್ಬ ಸಾಲ ಪಡೆಯಲು ಇಚ್ಛಿಸುವ ವ್ಯಕ್ತಿ ಇದನ್ನ ಅಮೂಲಾಗ್ರವಾಗಿ ತಿಳಿದುಕೊಳ್ಳುವ ಅವಶ್ಯಕತೆಯಿದೆ.
-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
Advertisement