15 ರನ್ಗಳನ್ನು ಬಾರಿಸಿದ ಅರೋನ್ ಫ್ಲಿಂಚ್ ಇಮಾದ್ ವಾಸಿಂಗೆ ವಿಕೆಟ್ ಒಪ್ಪಿಸಿದಾಗ ತಂಡ ಸ್ಕೋರ್ 57 ಆಗಿತ್ತು. ನಂತರ ನಾಯಕ ಸ್ಟೀವನ್ ಸ್ಮಿತ್ ಮತ್ತು ಗ್ಲ್ಯಾನ್ ಮ್ಯಾಕ್ಸ್ವೆಲ್ನ ಸಮಯೋಜಿತ ಜತೆಯಾಟ ಆಸ್ಟ್ರೇಲಿಯಾದ ಸ್ಕೋರ್ ಏರಿಕೆಯಾಗುವಂತೆ ಮಾಡಿತು. 14 ನೇ ಓವರ್ ನಲ್ಲಿ ಇಮಾದ್ ವಾಸಿಂ ಎಸೆತದಲ್ಲಿ ಅಹ್ಮದ್ ಶೆಹಜಾದ್ ಕ್ಯಾಚ್ ಹಿಡಿಯುವ ಮೂಲಕ ಮ್ಯಾಕ್ಸ್ವೆಲ್ (30) ರನ್ನು ಪೆವಿಲಿಯನ್ಗೆ ಅಟ್ಟಿದರು. ಮ್ಯಾಕ್ಸ್ ವೆಲ್ ನಂತರ ಬಂದ ಶೇನ್ ವಾಟ್ಸನ್, ಸ್ಮಿತ್ ಗೆ ಉತ್ತಮ ಸಾಥ್ ನೀಡಿದರು. 21 ಎಸೆತಗಳನ್ನೆದುರಿಸಿದ ವಾಟ್ಸನ್ 44 (ಅಜೇಯ) ಮತ್ತು 43 ಎಸೆತಗಳನ್ನೆದುರಿಸಿದ ಸ್ಮಿತ್ 61 (ಅಜೇಯ) ರನ್ ಗಳ ಸಹಾಯದಿಂದ ಆಸ್ಟ್ರೇಲಿಯಾ 193 ರನ್ಗಳ ಬೃಹತ್ ಮೊತ್ತವನ್ನು ದಾಖಲಿಸಿತು.