ಪಂದ್ಯದ ಆರಂಭದಲ್ಲೇ ಆರ್‌ಸಿಬಿ ಬೌಲರ್‌ಗಳು ಲಯನ್ಸ್ ತಂಡವನ್ನು ನಡುಗುವಂತೆ ಮಾಡಿಬಿಟ್ಟರು. ಆರಂಭಿಕ ದಾಂಡಿಗರಾಗಿ ಕ್ರೀಸ್ ಗಿಳಿದಿದ್ದ ಮೆಕಲಮ್ ಕೇವಲ ಒಂದು ರನ್ ಬಾರಿಸಿ ಎರಡನೇ ಓವರ್‌ನಲ್ಲಿ ಪೆವಿಲಿಯನ್‌ಗೆ ಹೆಜ್ಜೆ ಹಾಕಿದರು. ಇಕ್ಬಾಲ್ ಅಬ್ದುಲ್ಲಾ ಎಸೆತಕ್ಕೆ ಡಿವಿಲಿಯರ್ಸ್ ಕ್ಯಾಚ್ ಹಿಡಿದಿದ್ದು, ಮೆಕಲಂ ಮೂಲಕ ಲಯನ್ಸ್ ಮೊದಲ ವಿಕೆಟ್ ಕಳೆದುಕೊಂಡಿತು. ಅದೇ ಓವರ್‌ನಲ್ಲಿ ಎಜೆ ಫಿಂಚ್ ಗೇಲ್‌ಗೆ ಕ್ಯಾಚಿತ್ತು ಪೆವಿಲಿಯನ್‌ಗೆ ನಡೆದರು. ಹೀಗೆ ಎರಡನೇ ಓವರ್‌ನಲ್ಲಿ ಅಬ್ದುಲ್ಲಾ ಎರಡು ವಿಕೆಟ್ ಕಬಳಿಸಿ ಆರ್‌ಸಿಬಿಗೆ ಉತ್ತಮ ಆರಂಭವನ್ನೇ ನೀಡಿದರು.
