ಭಾರತ-ಲಂಕಾ ಟೆಸ್ಟ್ 3 ನೇ ದಿನ: ಭಾರತ ತಂಡಕ್ಕೆ 498 ರನ್ ಮುನ್ನಡೆ

ಗ್ಯಾಲೆ: ಗ್ಯಾಲೆಯಲ್ಲಿ ನಡೆಯುತ್ತಿರುವ ಭಾರತ-ಲಂಕಾ ಮೊದಲ ಟೆಸ್ಟ್ ಪಂದ್ಯದ 3 ನೇ ದಿನಾಂತ್ಯಕ್ಕೆ ಭಾರತ ತಂಡ 498 ರನ್ ಗಳ ಇನ್ನಿಂಗ್ಸ್ ಮುನ್ನಡೆ ಕಾಯ್ದುಕೊಂಡಿದೆ. 

ನಾಯಕ ವಿರಾಟ್ ಕೋಹ್ಲಿ ಹಾಗೂ ಅಭಿನವ್ ಮುಕುಂದ್ ಅವರ ಅರ್ಧಶತಕದ ನೆರವಿನಿಂದ ಭಾರತ 2 ನೇ ಇನ್ನಿಂಗ್ಸ್ ನಲ್ಲಿ ಲಂಕಾ ವಿರುದ್ಧ 498 ರನ್ ಗಳಷ್ಟು ಮುನ್ನಡೆ ಕಾಯ್ದುಕೊಂಡಿದೆ. ಭಾರತ 189 ಕ್ಕೆ 3ವಿಕೆಟ್ ಕಳೆದುಕೊಂಡಿದ್ದು, ಕೋಹ್ಲಿ 76 ರನ್ ಗಳನ್ನು ಗಳಿಸಿದ್ದು, ದಿನದ ಕೊನೆಯ ಎಸೆತದಲ್ಲಿ 81 ರನ್ ಗಳಿಸಿದ್ದ ಮುಕುಂದ್ ಔಟ್ ಆಗಿದ್ದಾರೆ. 

ಮೊದಲ ಇನ್ನಿಂಗ್ಸ್ ನಲ್ಲಿ ಶ್ರೀಲಂಕಾ ತಂಡ 291 ರನ್ ಗಳಿಗೆ ಸರ್ವಪತನ ಕಂಡಿತು. ಭಾರತ ನೀಡಿದ್ದ 600 ರನ್ ಗಳ ಬೃಹತ್ ರನ್ ಗಳಿಗೆ ಎದುರಾಗಿ ಶ್ರೀಲಂಕಾ ತಂಡ ಕೇವಲ 291 ರನ್ ಗಳಿಗೆ ಆಲೌಟ್ ಆಗಿ, ಎರಡನೇ ಇನ್ನಿಂಗ್ಸ್ ನಲ್ಲಿ ಭಾರತ 498 ರನ್ ಗಳ ಮುನ್ನಡೆ ಸಾಧಿಸಿದೆ.