ಕಾಂಟ್ರಾಕ್ಟ್ ಒಪ್ಪಂದ ಪರಿಷ್ಕರಣೆ ವೇಳೆಯಲ್ಲಿ ಚೆತೇಶ್ವರ್ ಪೂಜಾರ ಅವರನ್ನು ಎ ಗ್ರೂಪ್ ನಲ್ಲಿಯೇ ಮುಂದುವರೆಸಬೇಕು ಎಂದು ರವಿ ಶಾಸ್ತ್ರಿ ಬಿಸಿಸಿಐ ಗೆ ಸಲಹೆ ನೀಡಿದ್ದಾರೆ. ಚೆತೇಶ್ವರ್ ಪೂಜಾರ ಹೆಸರು ಪ್ರಸ್ತುತ ಗ್ರೇಡ್ ಎ ಕಾಂಟ್ರಾಕ್ಟ್ ನಲ್ಲಿಯೇ ಇದ್ದು ಮಹೇಂದ್ರ ಸಿಂಗ್ ಧೋನಿ, ವಿರಾಟ್ ಕೋಹ್ಲಿ, ರವಿಚಂದ್ರನ್ ಅಶ್ವಿನ್, ಅಜಿಂಕ್ಯಾ ರೆಹಾನೆ ಅವರ ಹೆಸರುಗಳ ಜೊತೆ ಇದೆ. ಪತ್ರಕರ್ತ ರಾಜ್ ದೀಪ್ ಸರ್ದೇಸಾಯಿ ಅವರ ಪುಸ್ತಕ ಡೆಮಾಕ್ರೆಸೀಸ್ XI ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮತನಾಡಿರುವ ರವಿ ಶಾಸ್ತ್ರಿ, ಚೆತೇಶ್ವರ ಪೂಜಾರ ಅವರಂತಹ ಆಟಗಾರರು ಕಾಂಟ್ರಾಕ್ಟ್ ಪಟ್ಟಿಯಲ್ಲಿ ಎ ಗ್ರೂಪ್ ನಲ್ಲಿರುವುದು ಮುಖ್ಯ ಎಂದು ಹೇಳಿದ್ದಾರೆ.
