ಮೊದಲ ಓವರ್ ನಲ್ಲಿಯೇ ಗಾಯಗೊಂಡ ಶಿಖರ್ ಧವನ್ ಕ್ರೀಸ್ ತೊರೆದಿದ್ದು, ಸನ್ ರೈಸರ್ಸ್ ಗೆ ಹಿನ್ನಡೆಯುಂಟು ಮಾಡಿತು. ಸಾಹ (06) ಬೇಗನೆ ಔಟಾದರು, ಪವರ್ ಪ್ಲೇ ಮುಗಿಯುವ ಮೊದಲೇ ಯೂಸುಫ್ ಪಠಾಣ್ (19) ಸಹ ಔಟಾದರು. 3 ಪ್ರಮುಖ ಬ್ಯಾಟ್ಸ್ ಮನ್ ಗಳನ್ನು ಕಳೆದುಕೊಂಡ ಸನ್ ರೈಸರ್ಸ್ ಭಾರೀ ಒತ್ತಡಕ್ಕೆ ಸಿಲುಕಿತು.
4ನೇ ವಿಕೆಟ್ ಗೆ ಕ್ರೀಸ್ ಹಂಚಿಕೊಂಡ ಕೇನ್ ವಿಲಿಯಮ್ಸನ್ ಹಾಗೂ ಮನೀಶ್ ನಡುವೆ ಉತ್ತಮ ಜೊತೆಯಾಟ ಮೂಡಿಬಂದರೂ, ತಂಡ ನಿಧಾನಗತಿಯಲ್ಲಿ ಬ್ಯಾಟಿಂಗ್ ಮಾಡಿದ್ದು ಮುಳುವಾಯಿತು. 17ನೇ ಓವರ್ ವರೆಗೂ ತಂಡ ಕೇವಲ 2 ಸಿಕ್ಸರ್ ಅಷ್ಟೇ ಬಾರಿಸಿತು. ವಿಲಿಯಮ್ಸನ್ (54) ರನ್ ಗಳಿಗೆ ಓಟಾದರೆ, ಪಾಂಡೆ (54) ರನ್ ಗಳಿಸಿ ಅಜೇಯರಾಗಿ ಉಳಿದರು.