ಪುಣೆ: ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್)ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಡೆಲ್ಲಿ ಡೇರ್ ಡೇವಿಲ್ಸ್ ತಂಡ 13 ರನ್ ಗಳಿಂದ ಸೋಲು ಕಂಡಿದೆ.
ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಶನ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲ ಬ್ಯಾಟಿಂಗ್ ಮಾಡಿದ ಚೆನ್ನೈ ತಂಡ ವಾಟ್ಸನ್ ಹಾಗೂ ಎಂಎಸ್ ಧೋನಿಯ ಅರ್ಧ ಶತಕದ ನೆರವಿನಿಂದ 211 ರನ್ ಗಳನ್ನು ಪೇರಿಸಿತು.
ಚೆನ್ನೈ ನೀಡಿದ 212 ರನ್ ಗಳ ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡ ನಿಗದಿತ ಓವರ್ ನಲ್ಲಿ 5 ವಿಕೆಟ್ ನಷ್ಟಕ್ಕೆ 198 ರನ್ ಗಳಿಸಿದ್ದು 13 ರನ್ ಗಳಿಂದ ಚೆನ್ನೈಗೆ ಶರಣಾಗಿದೆ.
ಚೆನ್ನೈ ಪರ ವಾಟ್ಸನ್ 78, ಡುಪ್ಲೇಸಿಸ್ 33, ಅಂಬಟ್ಟಿ ರಾಯುಡು 41 ಮತ್ತು ಎಂಎಸ್ ಧೋನಿ ಅಜೇಯ 51 ರನ್ ಸಿಡಿಸಿದ್ದಾರೆ.
ಡೆಲ್ಲಿ ಪರ ರಿಷಬ್ ಪಂತ್ 79, ಮನ್ರೋ 26 ವಿಜಯ್ ಶಂಕರ್ 54 ರನ್ ಗಳಿಸಿದ್ದಾರೆ.