ಇದಕ್ಕೆ ಪ್ರತಿಕ್ರಿಯಿಸಿದ್ದ ಹರ್ಷಲ್ ಗಿಬ್ಸ್, ‘ಇನ್ನು ಮುಂದಾದರೂ ನೀವು ಅಂಗಳದಲ್ಲಿ ಕ್ಷೇತ್ರರಕ್ಷಣೆ ಮಾಡುವಾಗ ಮೊದಲಿಗಿಂತಲೂ ತುಸು ವೇಗವಾಗಿ ಓಡಬಹುದೇನೊ ಅಲ್ಲವೇ ಅಶ್ವಿನ್’ ಎಂದು ವ್ಯಂಗ್ಯ ಮಾಡಿದ್ದರು. ಗಿಬ್ಸ್ ಅವರ ಈ ಟ್ವೀಟ್ ಗೆ ಖಾರವಾಗಿ ಪ್ರತಿಕ್ರಿಯಿಸಿದ್ದ ಅಶ್ವಿನ್, 'ಹೌದು...ನಿಮ್ಮಷ್ಟು ವೇಗವಾಗಿ ಖಂಡಿತವಾಗಿಯೂ ಓಡಲಾಗುವುದಿಲ್ಲ. ಆ ಅದೃಷ್ಟ ನನಗಿಲ್ಲ. ಅದರೆ ಫಿಕ್ಸಿಂಗ್ ನಿಂದ ಹಣ ಗಳಿಸಿ ಬದುಕು ಸಾಗಿಸುವ ದುರ್ಗತಿ ಖಂಡಿತವಾಗಿಯೂ ಬಂದಿಲ್ಲ. ನಾನು ಜೀವನದಲ್ಲಿ ಉತ್ತಮ ಮೌಲ್ಯಗಳನ್ನು ರೂಢಿಸಿಕೊಂಡು ಬದುಕುತ್ತಿದ್ದೇನೆ’ ಎಂದು ಪ್ರತಿಕ್ರಿಯಿಸಿದ್ದರು.