ಇನ್ನು ಭಾರತ ಆಲ್ ಔಟ್ ಆದ ಬಳಿಕ ಇನ್ನಿಂಗ್ಸ್ ಆರಂಭಿಸಿದ ಆಫ್ರಿಕಾ ತಂಡ, ಮೊದಲ ಇನಿಂಗ್ಸ್ನಲ್ಲಿ ಆಗಿದ್ದ ತಪ್ಪುಗಳನ್ನು ಪುನರಾವರ್ತಿಸದೆ ಆಡಿತು. ಆಫ್ರಿಕಾದ ಆರಂಭಿಕರಾದ ಡೀನ್ ಎಲ್ಗರ್(25 ರನ್) ಹಾಗೂ ಮಾರ್ಕ್ರಾಮ್(34 ರನ್) ಮೊದಲ ವಿಕೆಟ್ ಗೆ 52ರನ್ ಜತೆಯಾಟವಾಡಿದರು. ಆದರೆ ಅಪಾಯಕಾರಿಯಾಗಿ ಪರಿಣಮಿಸುತ್ತಿದ್ದ ಈ ಇಬ್ಬರೂ ಆಟಗಾರರನ್ನು ಹಾರ್ದಿಕ್ ಪಾಂಡ್ಯಾ ಪೆವಿಲಿಯನ್ ಗೆ ಅಟ್ಟಿದರು. ಮಾರ್ಕ್ರಾಮ್, ಭುವಿಗೆ ಕ್ಯಾಚ್ ನೀಡಿದರೆ, ಎಲ್ಗಾರ್ ವಿಕೆಟ್ ಕೀಪರ್ ಸಾಹಗೆ ಕ್ಯಾಚ್ ಕೊಟ್ಟು ಹೊರನಡೆದರು.