ಭಾರತ ಟೆಸ್ಟ್ ತಂಡಕ್ಕೆ "ವರ್ಷದ ತಂಡ" ಪ್ರಶಸ್ತಿ ಗರಿ

ಮುಂಬೈ: ಆಸ್ಟ್ರೇಲಿಯಾ ನೆಲದಲ್ಲಿ 71 ವರ್ಷಗಳ ಬಳಿಕ ಟೆಸ್ಟ್ ಸರಣಿ ಗೆದ್ದು ಇತಿಹಾಸ ಸೃಷ್ಠಿಸಿದ ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಟೆಸ್ಟ್ ತಂಡ "ವರ್ಷದ ತಂಡ" ಪ್ರಶಸ್ತಿಗೆ ಭಾಜನವಾಗಿದೆ. 

ಪ್ರಶಸ್ತಿಯ ಪ್ರಾಯೋಜಕತ್ವವನ್ನು ಒಡಿಶಾ ಪ್ರವಾಸೋದ್ಯಮ, ಎಂ.ಆರ್. ಎಫ್, ಟಿಸ್ಸೊಟ್, ಸ್ಪೈಸ್ ಜೆಟ್, ವಿಸಿಟ್ ಮೊನಾಕೊ, ಎಲ್ಐಸಿ, ನಿಪ್ಪೊನ್ ಪೈಂಟ್ಸ್ ಹಾಗೂ ಸೋನಿ ಟೆನ್-1 ವಹಿಸಿಕೊಂಡಿದ್ದವು

ಭಾರತ ತಂಡದ ಪರವಾಗಿ ಬ್ಯಾಟಿಂಗ್ ಕೋಚ್ ವಿಕ್ರಮ್ ರಾಠೋಡ್ ಅವರು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಅವರಿಂದ ಪ್ರಶಸ್ತಿ ಸ್ವೀಕರಿಸಿದರು.

ವರ್ಷದ ತಂಡ ಪ್ರಶಸ್ತಿಗೆ ಭಾಜನವಾದ ಭಾರತ ತಂಡ ಹಾಗೂ ವಿಕ್ರಮ್ ಅವರಿಗೂ ಅಭಿನಂದನೆಗಳು. ಟಿ-20 ವಿಶ್ವಕಪ್ ವರ್ಷವನ್ನು ಅದೇ ಹಾದಿಯಲ್ಲಿ ಮುನ್ನಡೆದು ಮತ್ತೊಂದು ಸಾಧನೆ ಮಾಡುವಂತೆ ತಂಡಕ್ಕೆ ಗಂಗೂಲಿ ಆಶಿಸಿದರು.