ಡ್ರೀಮ್ 11 ಗೆ ಏಕಕಾಲದಲ್ಲಿ 5.3 ಮಿಲಿಯನ್ ಬಳಕೆದಾರರು!

ಐಪಿಎಲ್-2020 ಯ ಟೈಟಲ್ ಸ್ಪಾನ್ಸರ್ ಡ್ರೀಮ್11 ಫ್ಯಾಂಟೆಸಿ ಸ್ಪೋರ್ಟ್ಸ್ ದಾಖಲೆಯ 5.3 ಮಿಲಿಯನ್ ಬಳಕೆದಾರರು (ಏಕಕಾಲಕ್ಕೆ ವೀಕ್ಷಿಸುವ) ನ್ನು ಹೊಂದಿರುವುದಾಗಿ ಘೋಷಿಸಿದೆ. 

ಅ.14 ರಂದು ಏಕಕಾಲಕ್ಕೆ 5.3 ಮಿಲಿಯನ್ ಗ್ರಾಹಕರು ಏಕಕಾಲಕ್ಕೆ ಡ್ರೀಮ್ 11 ನ್ನು ಬಳಕೆ ಮಾಡಿದ್ದಾರೆ. ಪ್ರತಿ ನಿಮಿಷಕ್ಕೆ60 ಮಿಲಿಯನ್ ರಿಕ್ವೆಸ್ಟ್ ಬಂದಿದ್ದು, ಐಪಿಎಲ್ 2019 ರ ಫೈನಲ್ ಪಂದ್ಯಕ್ಕಿಂತ ಶೇ.44.4 ರಷ್ಟು ಹೆಚ್ಚು ಟ್ರಾಫಿಕ್ ಗಳಿಸಿದೆ.

ಭಾರತದ ಅತ್ಯಂತ ದೊಡ್ಡ ಫ್ಯಾಂಟೆಸಿ ಸ್ಪೋರ್ಟ್ಸ್ ವೇದಿಕೆಯಾಗಿರುವ ಡ್ರೀಮ್11 9 ಕೋಟಿಗೂ ಅಧಿಕ ಗ್ರಾಹಕರನ್ನು ಹೊಂದಿದೆ. 

2ಜಿ ನೆಟ್ವರ್ಕ್ ಬಳಕೆ ಮಾಡುತ್ತಿರುವವರಿಗೆ ಬಳಕೆದಾರರ ಇಂಟರ್ಫೇಸ್ ಸೌಲಭ್ಯ ಕಲ್ಪಿಸಿ ಹಿಂದಿಗಿಂತಲೂ ಶೇ.15-20 ರಷ್ಟು ವೇಗವಾಗಿರುವಂತೆ ಮಾಡಿದೆ. ಅಷ್ಟೇ ಅಲ್ಲದೇ ಆಪ್ ಸ್ಟಾರ್ಟ್ ಟೈಮ್ ನ್ನು ಶೇ.7 ರಷ್ಟು ಕಡಿಮೆ ಮಾಡಿ ಸ್ಕ್ರೀನ್ ಲೋಡ್ ಟೈಮ್ ನ್ನು ಕಡಿಮೆ ಮಾಡಿದೆ.