ತಮ್ಮ ಅಚ್ಚುಮೆಚ್ಚಿನ ವ್ಯಾಯಾಮದ ವಿಡಿಯೋ ಹಂಚಿಕೊಂಡ ವಿರಾಟ್ ಕೊಹ್ಲಿ

ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಕೋವಿಡ್-19 ಸಾಂಕ್ರಾಮಿಕದ ಹಿನ್ನೆಲೆಯಲ್ಲಿ ಮುಂಬೈ ನ ತಮ್ಮ ನಿವಾಸದಲ್ಲಿ ಕುಟುಂಬದ ಜೊತೆ ಇದ್ದಾರೆ. ಆದರೆ ಫಿಟ್ನೆಸ್ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಕೊಹ್ಲಿ ತಮ್ಮ ದೈನಂದಿನ ವರ್ಕ್ ಔಟ್ ನ್ನು ನಿಲ್ಲಿಸಿಲ್ಲ.

ಇತ್ತೀಚೆಗಷ್ಟೇ ಕ್ಲ್ಯಾಪ್ ಪುಶ್-ಅಪ್ಸ್ ವರ್ಕೌಟ್ ನ ವಿಡಿಯೋ ಅಪ್ಲೋಡ್ ಮಾಡಿದ್ದ ವಿರಾಟ್ ಕೊಹ್ಲಿ, ಈಗ ತಮ್ಮ ಅಚ್ಚುಮೆಚ್ಚಿನ ವರ್ಕ್ ಔಟ್ ನ ಮತ್ತೊಂದು ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ ಲೋಡ್ ಮಾಡಿದ್ದಾರೆ. 

ಪ್ರತಿದಿನವೂ ಸಹ ಈ ವ್ಯಾಯಾಮ ಮಾಡುವುದನ್ನು ಇಷ್ಟಪಡುತ್ತೇನೆ ಎಂದು ವಿರಾಟ್ ಕೊಹ್ಲಿ ಹೇಳಿದ್ದಾರೆ. 
ಒಂದು ವೇಳೆ ನಾನು ಪ್ರತಿದಿನವೂ ಒಂದು ವ್ಯಾಯಾಮ ಮಾಡುವ ಆಯ್ಕೆ ಮಾಡುವುದಿದ್ದರೆ, ಈ ವ್ಯಾಯಾಮವನ್ನೇ ಮಾಡುತ್ತೇನೆ, ಪವರ್ ಸ್ನ್ಯಾಚ್ ನನ್ನ ಅಚ್ಚುಮೆಚ್ಚಿನ ವ್ಯಾಯಾಮ ಎಂದು ಕೊಹ್ಲಿ ವಿಡಿಯೋದಲ್ಲಿ ಹೇಳಿದ್ದಾರೆ.