'ಅಸಾಮಾನ್ಯ ದಾಖಲೆ' ಆಟಗಾರನಾಗಿ ಉನದ್ಕತ್ ಕೊಹ್ಲಿಗೆ ಹಿರಿಯ: ಆದರೆ 2ನೇ ಟೆಸ್ಟ್ ಪಂದ್ಯವಾಡಿದ್ದು 12 ವರ್ಷಗಳ ಬಳಿಕ!

ಮೀರ್ಪುರ್: ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಟೆಸ್ಟ್ ಸರಣಿಯ ಎರಡನೇ ಪಂದ್ಯಕ್ಕಾಗಿ ಜಯದೇವ್ ಉನದ್ಕತ್ ಭಾರತ ತಂಡಕ್ಕೆ ಸೇರ್ಪಡೆಗೊಂಡಿದ್ದಾರೆ. 12 ವರ್ಷಗಳ ನಂತರ ಭಾರತ ಟೆಸ್ಟ್ ತಂಡಕ್ಕೆ ಮರಳಿದ್ದಾರೆ. 

ಕುಲದೀಪ್ ಯಾದವ್ ಬದಲಿಗೆ ಉನದ್ಕತ್‌ಗೆ ತಂಡದಲ್ಲಿ ಅವಕಾಶ ನೀಡಲಾಗಿದೆ. ಕುಲದೀಪ್ ಈ ಸರಣಿಯ ಮೊದಲ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದು ಮೊದಲ ಇನ್ನಿಂಗ್ಸ್‌ನಲ್ಲಿ ಐದು ವಿಕೆಟ್‌ಗಳನ್ನು ಪಡೆದಿದ್ದರು. ಇನ್ನು ಪಂದ್ಯದಲ್ಲಿ 8 ವಿಕೆಟ್‌ ಪಡೆದಿದ್ದರೂ ಅವರ ಬದಲಿಗೆ ಉನಾದ್ಕಟ್‌ಗೆ ಆದ್ಯತೆ ನೀಡಲಾಗಿದೆ. ಉನಾದ್ಕತ್ 12 ವರ್ಷಗಳ ಹಿಂದೆ ಭಾರತಕ್ಕೆ ಟೆಸ್ಟ್‌ಗೆ ಪದಾರ್ಪಣೆ ಮಾಡಿದ್ದರು. 2010ರಲ್ಲಿ ಧೋನಿ ನಾಯಕತ್ವದಲ್ಲಿ ಉನಾದ್ಕತ್ ತಮ್ಮ ಮೊದಲ ಪಂದ್ಯವನ್ನು ದಕ್ಷಿಣ ಆಫ್ರಿಕಾದಲ್ಲಿ ಆಡಿದರು. ಈ ಸಮಯದಲ್ಲಿ ಅವರ ವಯಸ್ಸು ಕೇವಲ 19 ವರ್ಷ. ಆದರೆ ಈ ಪಂದ್ಯದಲ್ಲಿ ಭಾರತ ಇನ್ನಿಂಗ್ಸ್ ಹಾಗೂ 25 ರನ್ ಗಳಿಂದ ಸೋಲನುಭವಿಸಿತು.

12 ವರ್ಷಗಳಲ್ಲಿ ಇಡೀ ತಂಡ ಬದಲಾಗಿದೆ
ಜಯದೇವ್ ಉನದ್ಕತ್ ಅವರ ಮೊದಲ ಮತ್ತು ಎರಡನೇ ಟೆಸ್ಟ್ ಪಂದ್ಯಗಳ ನಡುವೆ ಭಾರತ ತಂಡವು ಸಂಪೂರ್ಣವಾಗಿ ಬದಲಾಗಿದೆ. ಆ ಪಂದ್ಯದ ಸಾರಥ್ಯ ವಹಿಸಿದ್ದ ಧೋನಿ ಇದೀಗ ನಿವೃತ್ತಿಯಾಗಿದ್ದಾರೆ. ಅದೇ ವೇಳೆ ಆ ಪಂದ್ಯದಲ್ಲಿ ಉನದ್ಕತ್ ಜೊತೆ ಆಡಿದ ರಾಹುಲ್ ದ್ರಾವಿಡ್ ಈಗ ಭಾರತ ತಂಡದ ಕೋಚ್ ಆಗಿದ್ದಾರೆ. ಇಶಾಂತ್ ಶರ್ಮಾ ಹೊರತುಪಡಿಸಿ ಆ ತಂಡದ ಎಲ್ಲ ಆಟಗಾರರು ನಿವೃತ್ತರಾಗಿದ್ದಾರೆ. ಇಶಾಂತ್ ಅವರು ನಿವೃತ್ತಿಯಾಗದೇ ಇರಬಹುದು, ಆದರೆ ಅವರೂ ತಂಡದಿಂದ ಹೊರಗುಳಿದಿದ್ದಾರೆ ಮತ್ತು ಅವರ ಪುನರಾಗಮನದ ಸಾಧ್ಯತೆಗಳು ಕಡಿಮೆ ಇದೆ.

ಇದನ್ನೂ ಓದಿ: 2ನೇ ಟೆಸ್ಟ್: ಬಾಂಗ್ಲಾವನ್ನು 227ಕ್ಕೆ ಕಟ್ಟಿಹಾಕಿ ಮೈಲುಗೈ ಸಾಧಿಸಿದ ಭಾರತ; ದಿನದಂತ್ಯಕ್ಕೆ ಟೀಂ ಇಂಡಿಯಾ 19/0!

ಜಯದೇವ್ ಉನದ್ಕತ್ ಅವರ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಹೀಗಿತ್ತು
ವೀರೇಂದ್ರ ಸೆಹ್ವಾಗ್, ಗೌತಮ್ ಗಂಭೀರ್, ರಾಹುಲ್ ದ್ರಾವಿಡ್, ಸಚಿನ್ ತೆಂಡೂಲ್ಕರ್, ವಿವಿಎಸ್ ಲಕ್ಷ್ಮಣ್, ಸುರೇಶ್ ರೈನಾ, ಎಂಎಸ್ ಧೋನಿ (ನಾಯಕ ಮತ್ತು ವಿಕೆಟ್ ಕೀಪರ್), ಹರ್ಭಜನ್ ಸಿಂಗ್, ಇಶಾಂತ್ ಶರ್ಮಾ, ಎಸ್ ಶ್ರೀಶಾಂತ್, ಜಯದೇವ್ ಉನಾದ್ಕತ್.

ಜಯದೇವ್ ಉನದ್ಕತ್ ಅವರ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ
ಕೆಎಲ್ ರಾಹುಲ್ (ನಾಯಕ), ಶುಭಮನ್ ಗಿಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ರಿಷಬ್ ಪಂತ್ (ವಿಕೆಟ್ ಕೀಪರ್), ಶ್ರೇಯಸ್ ಅಯ್ಯರ್, ಅಕ್ಷರ್ ಪಟೇಲ್, ರವಿಚಂದ್ರನ್ ಅಶ್ವಿನ್, ಜಯದೇವ್ ಉನದ್ಕತ್, ಉಮೇಶ್ ಯಾದವ್, ಮೊಹಮ್ಮದ್ ಸಿರಾಜ್.

ವಿರಾಟ್‌ಗಿಂತ ಮೊದಲೇ ಉನದ್ಕತ್ ಚೊಚ್ಚಲ ಪಂದ್ಯವಾಡಿದ್ದರು!
ವಿರಾಟ್ ಕೊಹ್ಲಿಗಿಂತ ಮೊದಲು ಜಯದೇವ್ ಉನದ್ಕತ್ ಭಾರತಕ್ಕೆ ಟೆಸ್ಟ್ ಗೆ ಪದಾರ್ಪಣೆ ಮಾಡಿದ್ದರು. ಆ ಬಳಿಕ ವಿರಾಟ್ ಭಾರತದ ಟೆಸ್ಟ್ ತಂಡ ಸೇರಿಕೊಂಡಿದ್ದು ಬ್ಯಾಟಿಂಗ್ ಮೂಲಕ ಹಲವು ಅಮೋಘ ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಅಲ್ಲದೆ ತಂಡದ ನಾಯಕರಾಗಿ ವಿದೇಶದಲ್ಲಿ ಹಲವು ಟೆಸ್ಟ್ ಸರಣಿಗಳನ್ನು ಗೆದ್ದಿದ್ದಾರೆ. ಅವರು ಭಾರತದ ಅತ್ಯಂತ ಯಶಸ್ವಿ ಟೆಸ್ಟ್ ನಾಯಕರಾಗಿದ್ದರು. ಈಗ ಅವರು ಬ್ಯಾಟ್ಸ್‌ಮನ್ ಆಗಿ ಭಾರತೀಯ ಟೆಸ್ಟ್ ತಂಡದ ಭಾಗವಾಗಿದ್ದಾರೆ ಮತ್ತು ಉನದ್ಕತ್ ಅವರ ಎರಡನೇ ಟೆಸ್ಟ್‌ನಲ್ಲಿ ಟೀಮ್ ಇಂಡಿಯಾದ ಭಾಗವಾಗಿದ್ದಾರೆ.

ಸುದೀರ್ಘ ಸಮಯದ ನಂತರ ಮರಳಿದ ಭಾರತೀಯ ಉನದ್ಕತ್
ಜಯದೇವ್ ಉನದ್ಕತ್ 12 ವರ್ಷಗಳ ನಂತರ ಟೆಸ್ಟ್‌ಗೆ ಮರಳಿದ್ದಾರೆ ಮತ್ತು ಅವರು ಸುದೀರ್ಘ ಸಮಯದ ನಂತರ ಭಾರತದ ಟೆಸ್ಟ್ ತಂಡಕ್ಕೆ ಮರಳಿದ ಎರಡನೇ ಆಟಗಾರರಾಗಿದ್ದಾರೆ. ಈ ವಿಷಯದಲ್ಲಿ ಲಾಲಾ ಅಮರನಾಥ್ ಮೊದಲ ಸ್ಥಾನದಲ್ಲಿದ್ದಾರೆ. ಅಮರನಾಥ್ 12 ವರ್ಷ 129 ದಿನಗಳ ನಂತರ ಟೆಸ್ಟ್‌ಗೆ ಮರಳಿದರು. ಅದೇ ಸಮಯದಲ್ಲಿ, ಉನದ್ಕತ್ 12 ವರ್ಷ ಮತ್ತು ಎರಡು ದಿನಗಳ ನಂತರ ಟೆಸ್ಟ್ ತಂಡಕ್ಕೆ ಮರಳಿದರು.

ಎರಡು ಟೆಸ್ಟ್‌ಗಳ ನಡುವೆ ಅತಿ ಹೆಚ್ಚು ಪಂದ್ಯಗಳಿಂದ ವಜಾಗೊಂಡ ಆಟಗಾರರ ಪಟ್ಟಿಯಲ್ಲಿ ಉನದ್ಕತ್ ಎರಡನೇ ಸ್ಥಾನದಲ್ಲಿದ್ದಾರೆ. 142 ಟೆಸ್ಟ್ ಪಂದ್ಯಗಳಿಂದ ತಂಡದಿಂದ ಹೊರಗುಳಿದ ಬಳಿಕ ಮರಳಿದ ಗರೆತ್ ಬ್ಯಾಟಿ ಮೊದಲ ಸ್ಥಾನದಲ್ಲಿದ್ದಾರೆ. ಅದೇ ಸಮಯದಲ್ಲಿ ಉನದ್ಕತ್ 118 ಪಂದ್ಯಗಳ ನಂತರ ಪುನರಾಗಮನ ಮಾಡಿದ್ದಾರೆ.