ಕಳಪೆ ಫಾರ್ಮ್ ಮುಂದುವರಿಸಿದ ಶುಭಮನ್ ಗಿಲ್, ಸೂರ್ಯಕುಮಾರ್ ಯಾವದ್; ಅಭಿಷೇಕ್ ಶರ್ಮಾ ಬೆಂಬಲ!

ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಯಲ್ಲಿ ಭಾರತ 2-1 ಮುನ್ನಡೆ ಕಾಯ್ದುಕೊಂಡಿದ್ದರೂ, ನಾಯಕ ಸೂರ್ಯಕುಮಾರ್ ಯಾದವ್ ಮತ್ತು ಉಪನಾಯಕ ಶುಭಮನ್ ಗಿಲ್ ಅವರ ಫಾರ್ಮ್ ಬಗ್ಗೆ ಟೀಕೆಗಳು ಕೇಳಿಬರುತ್ತಿವೆ. ಆಕ್ರಮಣಕಾರಿ ಬ್ಯಾಟಿಂಗ್ ಮೂಲಕ ತಂಡಕ್ಕೆ ನೆರವಾಗುತ್ತಿರುವ ಅಭಿಷೇಕ್ ಶರ್ಮಾ ಇದೀಗ ಸೂರ್ಯಕುಮಾರ್ ಯಾದವ್ ಮತ್ತು ಶುಭಮನ್ ಗಿಲ್ ಅವರ ಬೆಂಬಲಕ್ಕೆ ನಿಂತಿದ್ದಾರೆ. ಮುಂದಿನ ವರ್ಷ ನಡೆಯಲಿರುವ ಟಿ20 ವಿಶ್ವಕಪ್ ಸೇರಿದಂತೆ ಈ ಜೋಡಿ ಅತ್ಯಂತ ಮುಖ್ಯವಾದ ಸಮಯದಲ್ಲಿ ಉತ್ತಮವಾಗಿ ಆಡುತ್ತದೆ ಎಂದಿದ್ದಾರೆ.

ಗೆಲುವಿನ ನಂತರ ಮಾತನಾಡಿದ ಅಭಿಷೇಕ್, ಸೂರ್ಯಕುಮಾರ್ ಮತ್ತು ಗಿಲ್ ಅವರನ್ನು ಎಲ್ಲರೂ ನಂಬಬೇಕೆಂದು ಅವರು ಒತ್ತಾಯಿಸಿದರು. ಟಿ20 ವಿಶ್ವಕಪ್‌ನಲ್ಲಿ ಮತ್ತು ಅದಕ್ಕೂ ಮುನ್ನ ನಡೆಯಲಿರುವ ಸರಣಿಯಲ್ಲಿ ಇಬ್ಬರೂ ಭಾರತದ ಪರ ಉತ್ತಮ ಪ್ರದರ್ಶನ ನೀಡಿ, ಪಂದ್ಯಗಳನ್ನು ಗೆಲ್ಲಲು ನೆರವಾಗುತ್ತಾರೆ. ನನಗೆ ಅವರೊಂದಿಗೆ ವರ್ಷಗಳ ಕ್ರಿಕೆಟ್ ಅನುಭವವಿದೆ, ಇದು ನನಗೆ, ವಿಶೇಷವಾಗಿ ಗಿಲ್‌ ಅವರಲ್ಲಿ ವಿಶ್ವಾಸ ನೀಡುತ್ತದೆ. ವಯೋಮಾನದ ಕ್ರಿಕೆಟ್‌ನಿಂದ ಒಟ್ಟಿಗೆ ಆಡುತ್ತಿರುವುದರಿಂದ, ಗಿಲ್ ಅವರ ಆಟದ ಬಗ್ಗೆ ಹೆಚ್ಚಿನವರಿಗಿಂತ ನನಗೆ ಆಳವಾದ ತಿಳುವಳಿಕೆ ಇದೆ' ಎಂದು ಅಭಿಷೇಕ್ ನಂಬುತ್ತಾರೆ.

'ಫಾರ್ಮ್ ತಾತ್ಕಾಲಿಕ, ಆದರೆ ಕ್ಲಾಸ್ ಶಾಶ್ವತ' ಎಂಬ ಪ್ರಸಿದ್ಧ ಗಾದೆ ಇದೆ. ಸದ್ಯ ಭಾರತದ ಏಕದಿನ ಮತ್ತು ಟೆಸ್ಟ್ ನಾಯಕ ನಿರ್ದಿಷ್ಟ ಪರಿಸ್ಥಿತಿಗಳಲ್ಲಿ, ಯಾವುದೇ ಎದುರಾಳಿಯ ವಿರುದ್ಧ, ಪರಿಸ್ಥಿತಿಯನ್ನು ಲೆಕ್ಕಿಸದೆ ನಿಯಂತ್ರಣ ಸಾಧಿಸುತ್ತಾರೆ ಎಂದರು.

ಧರ್ಮಶಾಲಾದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅಭಿಷೇಕ್, 'ನಾನು ನಿಮಗೆ (ಮಾಧ್ಯಮಕ್ಕೆ) ನೇರವಾಗಿ ಹೇಳುತ್ತಿದ್ದೇನೆ. ಈ ಇಬ್ಬರು ವ್ಯಕ್ತಿಗಳು (ಸೂರ್ಯ ಮತ್ತು ಗಿಲ್) ಟಿ20 ವಿಶ್ವಕಪ್ ಮತ್ತು ಅದಕ್ಕೂ ಹಿಂದಿನ ಸರಣಿಗಳಲ್ಲಿ ನಮ್ಮ ಪಂದ್ಯಗಳನ್ನು ಗೆಲ್ಲಿಸಲಿದ್ದಾರೆ. ನಾನು ಅವರೊಂದಿಗೆ ಬಹಳ ಸಮಯದಿಂದ ಆಡುತ್ತಿದ್ದೇನೆ, ವಿಶೇಷವಾಗಿ ಶುಭಮನ್ ಅವರೊಂದಿಗೆ. ಆದ್ದರಿಂದ, ಅವರು (ಗಿಲ್) ಯಾವ ಪಂದ್ಯವನ್ನು ಗೆಲ್ಲಬಹುದು, ಎದುರಾಳಿ ಯಾರು ಎಂಬುದನ್ನು ಲೆಕ್ಕಿಸದೆ ಯಾವ ಯಾವ ಪರಿಸ್ಥಿತಿಗಳಲ್ಲಿ ತಂಡವನ್ನು ಗೆಲ್ಲಿಸಬಹುದು ಎಂಬುದು ನನಗೆ ತಿಳಿದಿದೆ. ಆದ್ದರಿಂದ, ನನಗೆ ಮೊದಲಿನಿಂದಲೂ ಅವರ ಮೇಲೆ ಸಾಕಷ್ಟು ನಂಬಿಕೆ ಇದೆ, ಮತ್ತು ಎಲ್ಲರೂ ಅದನ್ನು ಶೀಘ್ರದಲ್ಲೇ ನೋಡುತ್ತಾರೆ ಮತ್ತು ಎಲ್ಲರೂ ಅವರನ್ನು ನಂಬುತ್ತಾರೆ ಎಂದು ನಾನು ಭಾವಿಸುತ್ತೇನೆ' ಎಂದರು.