T20 World Cup 2026: 'ಶಾಕ್ ಥೆರಪಿ' ಕೆಲಸ ಮಾಡಿದೆ; ಜಿಂಬಾಬ್ವೆ ವಿರುದ್ಧ ಗೆದ್ದ ಟೀಂ ಇಂಡಿಯಾಗೆ ಸುನೀಲ್ ಗವಾಸ್ಕರ್ ಮೆಚ್ಚುಗೆ

ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಸೂಪರ್ 8 ಪಂದ್ಯದಲ್ಲಿ ಸೋತ ನಂತರ, ಟೀಂ ಇಂಡಿಯಾ ಗುರುವಾರ ನಡೆದ ಪಂದ್ಯದಲ್ಲಿ ಜಿಂಬಾಬ್ವೆಯನ್ನು 72 ರನ್‌ಗಳಿಂದ ಸೋಲಿಸಿ 2026ರ ಟಿ20 ವಿಶ್ವಕಪ್ ಸೆಮಿಫೈನಲ್‌ ಆಸೆಯನ್ನು ಜೀವಂತವಾಗಿಟ್ಟಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಭಾರತವು ನಾಲ್ಕು ವಿಕೆಟ್ ನಷ್ಟಕ್ಕೆ 256 ಬೃಹತ್ ಮೊತ್ತವನ್ನು ಗಳಿಸಿತು. ಅಭಿಷೇಕ್ ಶರ್ಮಾ 30 ಎಸೆತಗಳಲ್ಲಿ 55 ರನ್ ಗಳಿಸಿದರು ಮತ್ತು ಹಾರ್ದಿಕ್ ಪಾಂಡ್ಯ ಕೇವಲ 23 ಎಸೆತಗಳಲ್ಲಿ 50 ರನ್ ಗಳಿಸಿ ಅಜೇಯರಾಗಿ ಉಳಿದರು. ಜಿಂಬಾಬ್ವೆ ತಂಡವು ಹೋರಾಟ ನೀಡಿತಾಯಿದಾದರೂ, ಭಾರತೀಯ ಬೌಲರ್‌ಗಳು ಪ್ರಾಬಲ್ಯ ಸಾಧಿಸಿದರು. ಅಂತಿಮವಾಗಿ ತಂಡ ಆರು ವಿಕೆಟ್ ನಷ್ಟಕ್ಕೆ ಕೇವಲ 184 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ದೊಡ್ಡ ಗೆಲುವು ಭಾರತಕ್ಕೆ ನಿರ್ಣಾಯಕ ಮನೋಸ್ಥೈರ್ಯವನ್ನು ಹೆಚ್ಚಿಸಿತು.

ಗೆಲುವಿನ ನಂತರ, ದಿಗ್ಗಜ ಬ್ಯಾಟ್ಸ್‌ಮನ್ ಸುನೀಲ್ ಗವಾಸ್ಕರ್ ಮಾತನಾಡಿ, ಸೂರ್ಯಕುಮಾರ್ ಯಾದವ್ ಮತ್ತು ಅವರ ತಂಡವು ದಕ್ಷಿಣ ಆಫ್ರಿಕಾ ವಿರುದ್ಧದ ಸೋಲಿನ ಆಘಾತಕ್ಕೆ ಸಕಾರಾತ್ಮಕವಾಗಿ ಪ್ರತಿಕ್ರಿಯಿಸಿತು ಮತ್ತು ಜಿಂಬಾಬ್ವೆ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿತು ಎಂದಿದ್ದಾರೆ.

'ಸೋಲಿನ ಅಂತರವು ಅವರನ್ನು ಬೆಚ್ಚಿಬೀಳಿಸಿತ್ತು ಮತ್ತು ಅವರು ಆ ಆಘಾತವನ್ನು ಸಕಾರಾತ್ಮಕ ರೀತಿಯಲ್ಲಿ ತೆಗೆದುಕೊಂಡರು ಎಂದು ನಾನು ಭಾವಿಸುತ್ತೇನೆ. ಅವರು ಬಲವಾಗಿ ಮತ್ತು ನೋಡಲು ಉತ್ತಮ ರೀತಿಯಲ್ಲಿ ಮರಳಿದರು. ಅವರು ಬದಲಾವಣೆಗಳನ್ನು ಮಾಡಿದರು. ಅದು ನಾವೆಲ್ಲರೂ ಚರ್ಚಿಸಿದ ವಿಷಯವಾಗಿತ್ತು ಮತ್ತು ಎರಡೂ ಬದಲಾವಣೆಗಳು ಚೆನ್ನಾಗಿ ಕೆಲಸ ಮಾಡಿದ್ದವು' ಎಂದು ಸ್ಟಾರ್ ಸ್ಪೋರ್ಟ್ಸ್‌ನಲ್ಲಿ ಹೇಳಿದರು.

ಆರಂಭಿಕ ಆಟಗಾರನಾಗಿ 15 ಎಸೆತಗಳಲ್ಲಿ 24 ರನ್ ಗಳಿಸಿ ಉತ್ತಮ ಪ್ರದರ್ಶನ ನೀಡಿದ ಸಂಜು ಸ್ಯಾಮ್ಸನ್ ಅವರನ್ನು ಗವಾಸ್ಕರ್ ಶ್ಲಾಘಿಸಿದರು.

'ಸಂಜು ಸ್ಯಾಮ್ಸನ್ ಅಗ್ರಸ್ಥಾನದಲ್ಲಿ ಇರುವುದು ಸಹಾಯ ಮಾಡಿತು. ಅವರು ಅರ್ಧಶತಕ ಗಳಿಸದೇ ಇರಬಹುದು, ಆದರೆ ಅವರು ತಂಡಕ್ಕೆ ಅದ್ಭುತ ಆರಂಭ ನೀಡಿದರು - ನಿಖರವಾಗಿ ಬೇಕಾಗಿದ್ದು ಇದೇ ಆಗಿತ್ತು. ಹಿಂದಿನ ಪಂದ್ಯಗಳಲ್ಲಿ, ಆರಂಭಿಕರಲ್ಲಿ ಒಬ್ಬರು ಬೇಗನೆ ಔಟಾದರು. ಇಂದು ಕೂಡ ನಾವು ಪವರ್‌ಪ್ಲೇನಲ್ಲಿ ಒಂದು ವಿಕೆಟ್ ಕಳೆದುಕೊಂಡೆವು. ಆದರೆ, ಮೊಮೆಂಟಮ್ ಇತ್ತು' ಎಂದು ಗವಾಸ್ಕರ್ ಹೇಳಿದರು.

ಭಾರತದ ಪರ ಅತ್ಯುತ್ತಮ ಬೌಲರ್ ಆಗಿದ್ದ ಅರ್ಶದೀಪ್ ಸಿಂಗ್ ನಾಲ್ಕು ಓವರ್‌ಗಳಲ್ಲಿ ಕೇವಲ 24 ರನ್ ನೀಡಿ ಮೂರು ವಿಕೆಟ್ ಪಡೆದರು. ಭಾನುವಾರ ನಡೆಯಲಿರುವ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯವು ಹೆಚ್ಚು ಕಠಿಣ ಸವಾಲಿನದ್ದಾಗಿರುತ್ತದೆ ಎಂದು ಗವಾಸ್ಕರ್ ಗಮನಿಸಿದರು.

'ಓವರ್‌ಗೆ 10 ಕ್ಕಿಂತ ಹೆಚ್ಚು ರನ್ ಗಳಿಸುವುದು ಉತ್ತಮ ಆರಂಭ. ಬೌಲಿಂಗ್ ಕೂಡ ಉತ್ತಮವಾಗಿತ್ತು. ಹೌದು, ಬ್ರಿಯಾನ್ ಬೆನೆಟ್ ಕೆಲವೊಮ್ಮೆ ಅಪಾಯಕಾರಿಯಾಗಿ ಕಾಣುತ್ತಿದ್ದರು. ಆದರೆ, ನೀವು ಬೋರ್ಡ್‌ನಲ್ಲಿ 254 ರನ್‌ಗಳನ್ನು ಹೊಂದಿರುವಾಗ ಮತ್ತು ಒತ್ತಡದಲ್ಲಿ ಕಷ್ಟವಾಗುತ್ತದೆ. ಅದು ಒಳ್ಳೆಯ ಸಂಕೇತ. ಆದರೆ, ಯಾವುದನ್ನೂ ಹಗುರವಾಗಿ ಪರಿಗಣಿಸಲಾಗುವುದಿಲ್ಲ. ಭಾನುವಾರ ಸಂಪೂರ್ಣವಾಗಿ ವಿಭಿನ್ನವಾದ ಪಂದ್ಯವಾಗಿರುತ್ತದೆ' ಎಂದು ಗವಾಸ್ಕರ್ ಹೇಳಿದರು.