ಶುಭಮನ್ ಗಿಲ್ ಮತ್ತು ವಿರಾಟ್ ಕೊಹ್ಲಿ ನಡುವಿನ ಸ್ನೇಹ ಎಷ್ಟಿದೆಯೆಂದರೆ, ಇಬ್ಬರೂ ಮೈದಾನದಲ್ಲಿ ಒಬ್ಬರನ್ನೊಬ್ಬರು ಅಪಹಾಸ್ಯ ಮಾಡಬಹುದು, ಸ್ಲೆಡ್ಜ್ ಮಾಡಬಹುದು ಮತ್ತು ಯಾರಿಗೂ ತೊಂದರೆಯಾಗದಂತೆ ಪರಸ್ಪರ ಕೆಣಕಬಹುದು. ಗುರುವಾರ ನಡೆದ ಐಪಿಎಲ್ 2026ನೇ ಆವೃತ್ತಿಯ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ (GT) ತಂಡವು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ವಿರುದ್ಧ ಭರ್ಜರಿ ಜಯ ಸಾಧಿಸಿತು. ಮೈದಾನದಲ್ಲಿ, ಗಿಲ್ ಮತ್ತು ಕೊಹ್ಲಿ ನಡುವಿನ ಬಾಂಧವ್ಯವನ್ನು ಅಭಿಮಾನಿಗಳು ಹಲವಾರು ಸಂದರ್ಭಗಳಲ್ಲಿ ವೀಕ್ಷಿಸಿದರು. ಆದಾಗ್ಯೂ, ಪಂದ್ಯ ಮುಗಿದ ನಂತರ ಗಿಲ್ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಮಾಡಿದ ಪೋಸ್ಟ್ ಇದೀಗ ವೈರಲ್ ಆಗಿದೆ. ಇದು ಕಿಂಗ್ ಮತ್ತು ಪ್ರಿನ್ಸ್ ನಡುವಿನ ಕಥೆ ಹೇಳಿದೆ.
ಪಂದ್ಯದ ಸಮಯದಲ್ಲಿ, ಕ್ಯಾಚ್ ಹಿಡಿದು ಶುಭಮನ್ ಗಿಲ್ ಅವರನ್ನು ಔಟ್ ಮಾಡಿದಾಗ ವಿರಾಟ್ ಕೊಹ್ಲಿ ಆಕ್ರಮಣಕಾರಿ ಸಂಭ್ರಮಾಚರಣೆ ಮಾಡಿದರು. ಪಂದ್ಯದ ನಂತರ ಗಿಲ್ ಮತ್ತು ಕೊಹ್ಲಿ ಮಾತುಕತೆಯಲ್ಲಿ ತೊಡಗಿರುವುದು ಕಂಡುಬಂತು. ಅದು ಬಹುಶಃ ಜಿಟಿಯ ಜೇಸನ್ ಹೋಲ್ಡರ್ ತೆಗೆದುಕೊಂಡ ವಿವಾದಾತ್ಮಕ ಕ್ಯಾಚ್ಗೆ ಸಂಬಂಧಿಸಿದಂತೆ ನಾಲ್ಕನೇ ಅಂಪೈರ್ ಜೊತೆಗಿನ ಅವರ ವಾಗ್ವಾದದ ಬಗ್ಗೆ ಇರಬಹುದು.
ಪಂದ್ಯದ ನಂತರ ಇನ್ಸ್ಟಾಗ್ರಾಂನಲ್ಲಿ ಆರ್ಸಿಬಿಯ 'ಪ್ಲೇ ಬೋಲ್ಡ್' ಎಂಬ ಟ್ಯಾಗ್ಲೈನ್ ಅನ್ನು ಅಣಕಿಸುವ ರೀತಿಯಲ್ಲಿ ಗಿಲ್ ವಿರಾಟ್ ಕೊಹ್ಲಿಯ ಚಿತ್ರವನ್ನು ಹಂಚಿಕೊಂಡಿದ್ದಾರೆ.
'ಪ್ಲೇ ಹೋಲ್ಡ್ ಜೇಸನ್ ಹೋಲ್ಡರ್, ಇಂದು ರಾತ್ರಿ ತಂಡದಿಂದ ಬೋಲ್ಡ್ ಪ್ರದರ್ಶನ ಮೂಡಿಬಂತು' ಎಂದು ತಮ್ಮ ಪೋಸ್ಟ್ಗೆ ಶೀರ್ಷಿಕೆ ನೀಡಿದ್ದಾರೆ.
ಪಂದ್ಯದ ನಂತರದ ಪ್ರಸ್ತುತಿಯಲ್ಲಿ ಮಾತನಾಡಿದ ಶುಭಮನ್ ಗಿಲ್, ಗೆಲುವಿನಿಂದ ಸಂತೋಷವಾಗಿದೆ. ಉತ್ತಮ ಬ್ಯಾಟಿಂಗ್ ಮೇಲ್ಮೈಯಲ್ಲಿ ಎದುರಾಳಿ ತಂಡವನ್ನು 160ಕ್ಕಿಂತ ಕಡಿಮೆ ರನ್ಗಳಿಗೆ ಕಟ್ಟಿಹಾಕಿದ್ದಕ್ಕೆ ಬೌಲರ್ಗಳನ್ನು ಶ್ಲಾಘಿಸಿದರು.
ತಮ್ಮ ಬ್ಯಾಟಿಂಗ್ ಬಗ್ಗೆ ಮಾತನಾಡುತ್ತಾ, 'ವಲಯದಲ್ಲಿ' ಇದ್ದೇನೆ ಎಂದು ಭಾವಿಸಿದೆ ಮತ್ತು ಬೌಲರ್ಗಳನ್ನು ಎದುರಿಸಲು ಬಯಸಿದ್ದೆ. ತಂಡದ ಗೆಲುವಿಗೆ ಫೈನಲ್ ಟಚ್ ನೀಡಿದ ರಾಹುಲ್ ತೆವಾಟಿಯಾ ಅವರಿಗೆ ಅಭಿನಂದನೆಗಳು. ತಂಡವು ನಿರೀಕ್ಷೆಗಿಂತ ಕೆಲವು ಹೆಚ್ಚು ವಿಕೆಟ್ಗಳನ್ನು ಕಳೆದುಕೊಂಡಿತು. ಆದರೆ, ಬ್ಯಾಟಿಂಗ್ ಲೈನಪ್ ನೀಡಿದ ಕೊಡುಗೆಗಳಿಂದ ತಂಡಕ್ಕೆ ಪ್ರಯೋಜನವಾಯಿತು' ಎಂದರು.
'ತುಂಬಾ ತೃಪ್ತಿ ಅನಿಸುತ್ತಿದೆ. ಇಂತಹ ವಿಕೆಟ್ನಲ್ಲಿ, ಅವರನ್ನು 160ಕ್ಕಿಂತ ಕಡಿಮೆ ರನ್ಗಳಿಗೆ ಸೀಮಿತಗೊಳಿಸುವುದು ಬೌಲರ್ಗಳ ಅದ್ಭುತ ಕೆಲಸವಾಗಿತ್ತು. ನಮ್ಮ ಫೀಲ್ಡಿಂಗ್ ಕೂಡ ಉತ್ತಮವಾಗಿತ್ತು. ಮೈದಾನದಲ್ಲಿನ ಶಕ್ತಿ ತುಂಬಾ ಚೆನ್ನಾಗಿತ್ತು. (ಅವರ ಬ್ಯಾಟಿಂಗ್ನಲ್ಲಿ) ನಾನು ವಲಯದಲ್ಲಿದ್ದೇನೆ ಎಂದು ನನಗೆ ಅನಿಸುತ್ತಿತ್ತು. ಇದು ನನ್ನ ದಿನ ಎಂದು ಭಾವಿಸಿದೆ ಮತ್ತು ಬೌಲರ್ಗಳನ್ನು ತರಾಟೆಗೆ ತೆಗೆದುಕೊಳ್ಳಲು ಬಯಸಿದ್ದೆ. ನಾವು ಬಯಸಿದ್ದಕ್ಕಿಂತ ಒಂದೆರಡು ಹೆಚ್ಚು ವಿಕೆಟ್ಗಳನ್ನು ಕಳೆದುಕೊಂಡೆವು' ಎಂದು ಗಿಲ್ ಹೇಳಿದರು.
