ಕೊಕೇನ್ ಸೇವಿಸಿದ್ದಕ್ಕಾಗಿ ಆಸ್ಟ್ರೇಲಿಯಾದ ಬಿಗ್ ಹಿಟ್ಟರ್ ಟಿ20 ಸ್ಪೆಷಲಿಸ್ಟ್ ಕ್ರಿಸ್ ಲಿನ್ ಅವರಿಗೆ ಒಂದು ತಿಂಗಳ ನಿಷೇಧ ಹೇರಲಾಗಿದೆ ಎಂದು ಇಂಗ್ಲೆಂಡ್ ಕ್ರಿಕೆಟ್ ನಿಯಂತ್ರಕ ಶುಕ್ರವಾರ ಬಹಿರಂಗಪಡಿಸಿದೆ. ಬಿಗ್ ಬ್ಯಾಷ್ ಲೀಗ್‌ನಲ್ಲಿ ಸಾರ್ವಕಾಲಿಕ ಪ್ರಮುಖ ರನ್ ಸ್ಕೋರರ್ ಜುಲೈ 18 ರಂದು ಇಂಗ್ಲೆಂಡ್‌ನಲ್ಲಿ ನಡೆದ ಟಿ20 ಬ್ಲಾಸ್ಟ್ ಫೈನಲ್ಸ್ ವೇಳೆ ನಿಯಮಿತ ಡೋಪಿಂಗ್ ವಿರೋಧಿ ಪರೀಕ್ಷೆಯಲ್ಲಿ ಪಾಸಿಟಿವ್ ಬಂದಿದೆ. ಆ ಸಮಯದಲ್ಲಿ ಅವರು ನಾರ್ಥಾಂಪ್ಟನ್‌ಶೈರ್ ಆಟಗಾರರಾಗಿದ್ದರು. ಇಂಗ್ಲೆಂಡ್ ಕ್ರಿಕೆಟ್ ನಿಯಂತ್ರಕ ಶುಕ್ರವಾರ ಈ ವಿಚಾರವನ್ನು ಬಹಿರಂಗಪಡಿಸಿದೆ.
'ನಾರ್ಥಾಂಪ್ಟನ್‌ಶೈರ್ ಸ್ಟೀಲ್‌ಬ್ಯಾಕ್ಸ್‌ನ ಮಾಜಿ ಕ್ರಿಕೆಟಿಗ ಕ್ರಿಸ್ ಲಿನ್ ಮೇಲೆ ಕ್ರಿಕೆಟ್ ನಿಯಂತ್ರಕರು ಒಂದು ತಿಂಗಳ ಅಮಾನತು ವಿಧಿಸಿದ್ದಾರೆ. ಅಮಾನತು ಅವಧಿಯನ್ನು ಈಗಾಗಲೇ ಪೂರೈಸಲಾಗಿದೆ' ಎಂದು ಅದು ಹೇಳಿದೆ.
ಪರೀಕ್ಷೆಯಲ್ಲಿ 36 ವರ್ಷದ ಲಿನ್ ಅವರಲ್ಲಿ ಕೊಕೇನ್‌ನ ಉಪ ಉತ್ಪನ್ನವಾದ 'ಬೆಂಜೋಯಿಲೆಕ್ಗೋನಿನ್' (benzoylecgonine) ಅಲ್ಪ ಪ್ರಮಾಣದಲ್ಲಿರುವುದು ದೃಢಪಟ್ಟಿತು; ಅವರು ಈ ಆರೋಪವನ್ನು ಒಪ್ಪಿಕೊಂಡರು ಎಂದು ತಿಳಿಸಿದೆ.
ಅವರು ಪುನರ್ವಸತಿ ಕಾರ್ಯಕ್ರಮವನ್ನು ಪೂರ್ಣಗೊಳಿಸಿದ ನಂತರ, ಅವರ ಮೇಲಿದ್ದ ನಿಷೇಧದ ಅವಧಿಯನ್ನು ಮೂರು ತಿಂಗಳಿಗಿಂತ ಕಡಿಮೆಗೊಳಿಸಲಾಯಿತು. ಅಲ್ಲದೆ, ಈ ಸೇವನೆಯು ಕ್ರೀಡಾ ಸ್ಪರ್ಧೆಯ ಹೊರಗಿನ ಸಂದರ್ಭದಲ್ಲಿ ನಡೆದಿದ್ದು ಮತ್ತು ಇದು ಕ್ರೀಡಾ ಪ್ರದರ್ಶನಕ್ಕೆ ಸಂಬಂಧಿಸಿದ್ದಲ್ಲ ಎಂದು ನಿಯಂತ್ರಕ ಸಂಸ್ಥೆಯು ಒಪ್ಪಿಕೊಂಡಿದೆ.
ಲಿನ್ ಆಸ್ಟ್ರೇಲಿಯಾ ಪರ 18 ಟಿ20 ಅಂತರರಾಷ್ಟ್ರೀಯ ಪಂದ್ಯಗಳನ್ನು ಮತ್ತು ನಾಲ್ಕು ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಇದಲ್ಲದೆ, ಅವರು ಐಪಿಎಲ್‌ನಲ್ಲಿ ಡೆಕ್ಕನ್ ಚಾರ್ಜರ್ಸ್, ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳ ಪರ ಆಡಿದ್ದಾರೆ. 2021ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಮುಂಬೈ ಇಂಡಿಯನ್ಸ್ (MI) ಪರ ಆಡಿದ್ದು, ಐಪಿಎಲ್‌ನಲ್ಲಿ ಅವರ ಕೊನೆಯ ಪ್ರದರ್ಶನವಾಗಿತ್ತು.
ಮುಂದಿನ ತಿಂಗಳು ಪ್ರಾರಂಭವಾಗಲಿರುವ 'ಬಿಗ್ ಬ್ಯಾಷ್ ಲೀಗ್'ನ ಈ ಆವೃತ್ತಿಯಲ್ಲಿ, ಲಿನ್ 'ಮೆಲ್ಬೋರ್ನ್ ರೆನೆಗೇಡ್ಸ್' ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂದು ಆಸ್ಟ್ರೇಲಿಯಾದ ಮಾಧ್ಯಮಗಳು ವರದಿ ಮಾಡಿವೆ.
