ಮುಂಬರುವ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಗೂ ಮುನ್ನಾ ಐಸಿಸಿ (ICC) ಏಕದಿನ ಬ್ಯಾಟಿಂಗ್ ಶ್ರೇಯಾಂಕ ಬಿಡುಗಡೆಯಾಗಿದ್ದು, ವಿಶ್ವದ ಅಗ್ರ ಬ್ಯಾಟರ್ ಗಳ ಪೈಕಿ ಮೂವರು ಭಾರತೀಯ ಬ್ಯಾಟರ್ಗಳು ಸ್ಥಾನ ಪಡೆದಿದ್ದಾರೆ.
ಪ್ರಸ್ತುತ ಶುಭಮನ್ ಗಿಲ್ ಅಗ್ರ ಸ್ಥಾನದಲ್ಲಿದ್ದರೆ, ಹಿರಿಯ ಆಟಗಾರರಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಶುಭಮನ್ ಗಿಲ್ 801 ರೇಟಿಂಗ್ ಪಾಯಿಂಟ್ಗಳೊಂದಿಗೆ ಐಸಿಸಿ ಏಕದಿನ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಇತ್ತೀಚೆಗಷ್ಟೇ ಗಿಲ್ ಅವರು ಅಗ್ರ ಸ್ಥಾನಕ್ಕೇರುವ ಮೊದಲು ನ್ಯೂಜಿಲೆಂಡ್ನ ಡೇರಿಲ್ ಮಿಚೆಲ್ ಆ ಸ್ಥಾನದಲ್ಲಿದ್ದರು.ಈಗ ಅವರು ಎರಡನೇ ಸ್ಥಾನದಲ್ಲಿದ್ದಾರೆ.
ಗಿಲ್ 2026ರಲ್ಲಿ ಏಕದಿನ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿದ್ದಾರೆ. ಅವರು ಎಂಟು ಇನ್ನಿಂಗ್ಸ್ಗಳಲ್ಲಿ ಒಂದು ಶತಕ ಮತ್ತು ಐದು ಅರ್ಧಶತಕಗಳೊಂದಿಗೆ ಒಟ್ಟು 561 ರನ್ ಗಳಿಸಿದ್ದಾರೆ. ವಿರಾಟ್ ಕೊಹ್ಲಿ ಶ್ರೇಯಾಂಕದಲ್ಲಿ ಮೂರನೇ ಸ್ಥಾನದಲ್ಲಿದ್ದರೆ, ರೋಹಿತ್ ಶರ್ಮಾ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಗಿಲ್ ಅವರೊಂದಿಗೆ ಇವರೂ ಇರುವುದರಿಂದ, ವಿಶ್ವದ ಅಗ್ರ ನಾಲ್ಕು ಏಕದಿನ ಬ್ಯಾಟರ್ಗಳ ಪೈಕಿ ಭಾರತದ ಮೂವರು ಆಟಗಾರರು ಸ್ಥಾನ ಪಡೆದಂತಾಗಿದೆ.
ಶ್ರೇಯಸ್ ಅಯ್ಯರ್ 12ನೇ ಸ್ಥಾನದೊಂದಿಗೆ ನಂತರದ ಅತ್ಯಧಿಕ ಶ್ರೇಯಾಂಕದ ಭಾರತೀಯ ಬ್ಯಾಟ್ಸ್ಮನ್ ಆಗಿದ್ದಾರೆ, ಹಾಗೆಯೇ ಕೆ.ಎಲ್. ರಾಹುಲ್ 17ನೇ ಸ್ಥಾನದಲ್ಲಿದ್ದಾರೆ. ಪಾಕಿಸ್ತಾನದ ಬಾಬರ್ ಆಜಮ್ ಪ್ರಸ್ತುತ ಆರನೇ ಸ್ಥಾನದಲ್ಲಿದ್ದಾರೆ.
Top Seven ODI Batsmen
ಶುಭಮನ್ ಗಿಲ್ - ಭಾರತ
ಡ್ಯಾರಿಲ್ ಮಿಚೆಲ್ - ನ್ಯೂಜಿಲೆಂಡ್
ವಿರಾಟ್ ಕೊಹ್ಲಿ - ಭಾರತ
ರೋಹಿತ್ ಶರ್ಮಾ - ಭಾರತ
ಇಬ್ರಾಹಿಂ ಝದ್ರಾನ್ - ಅಫ್ಘಾನಿಸ್ತಾನ
ಬಾಬರ್ ಆಜಮ್ - ಪಾಕಿಸ್ತಾನ
ಜೋ ರೂಟ್ - ಇಂಗ್ಲೆಂಡ್
ಟಾಪ್ 50ರಲ್ಲಿ ಕೇವಲ ಐವರು ಭಾರತೀಯರು: ವಿಶ್ವದ ಅಗ್ರ ನಾಲ್ವರು ಬ್ಯಾಟರ್ ಗಳಲ್ಲಿ ಮೂವರು ಭಾರತೀಯ ಬ್ಯಾಟರ್ಗಳನ್ನು ಹೊಂದಿದ್ದರೂ, ಐಸಿಸಿ ಏಕದಿನ (ODI) ಬ್ಯಾಟಿಂಗ್ ಶ್ರೇಯಾಂಕದ ಅಗ್ರ 50ರ ಪಟ್ಟಿಯಲ್ಲಿ ಭಾರತದ ಕೇವಲ ಐವರು ಆಟಗಾರರಿದ್ದಾರೆ. ಗಿಲ್ ಮೊದಲ ಸ್ಥಾನದಲ್ಲಿದ್ದರೆ, ನಂತರದ ಸ್ಥಾನಗಳಲ್ಲಿ ಕೊಹ್ಲಿ (3ನೇ), ರೋಹಿತ್ (4ನೇ), ಅಯ್ಯರ್ (12ನೇ) ಮತ್ತು ರಾಹುಲ್ (17ನೇ) ಇದ್ದಾರೆ. ಬೌಲಿಂಗ್ ಶ್ರೇಯಾಂಕದಲ್ಲಿ ಕುಲದೀಪ್ ಯಾದವ್ ಮಾತ್ರ ಅಗ್ರ 10ರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದು, 10ನೇ ಸ್ಥಾನದಲ್ಲಿದ್ದಾರೆ.
