ಕೊಬ್ಬರಿ ಲಾಡು

ಬೇಕಾಗುವ ಪದಾರ್ಥಗಳು...

• ತುಪ್ಪ- ಸ್ವಲ್ಪ
• ತೆಂಗಿನ ಕಾಯಿ ತುರಿ- ಎರಡೂವರೆ ಬಟ್ಟಲು
• ಬೆಲ್ಲ- ಮುಕ್ಕಾಲು ಬಟ್ಟಲು
• ಏಲಕ್ಕಿ ಪುಡಿ- ಸ್ವಲ್ಪ

ಮಾಡುವ ವಿಧಾನ...

• ಮೊದಲಿಗೆ ಒಲೆಯ ಮೇಲೆ ಬಾಣಲೆ ಇಟ್ಟು ತುಪ್ಪ ಹಾಕಿ ಬಿಸಿ ಮಾಡಿ. ನಂತರ ತೆಂಗಿನ ಕಾಯಿ ತುರಿ ಹಾಕಿ ತೇವಾಂಶ ಹೋಗುವವರೆಗೆ ಮಧ್ಯಮ ಅಥವಾ ಸಣ್ಣ ಉರಿಯಲ್ಲಿಟ್ಟು ಹುರಿಯಿರಿ.
• ಬಳಿಕ ಬೆಲ್ಲವನ್ನು ಹಾಕಿ ಕೈಯಾಡಿಸುತ್ತಿರಿ. ಮಿಶ್ರಣವು ಆಕಾರವನ್ನು ಹಿಡಿದಿಡಲು ಪ್ರಾರಂಭಿಸುವವರೆಗೆ ಬೇಯಿಸುವುದನ್ನು ಮುಂದುವರಿಸಿ.
• ನಂತರ ಏಲಕ್ಕಿ ಪುಡಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಬೆಚ್ಚಗಿರುವಾಗಲೇ ಉಂಡೆಗಳನ್ನು ಮಾಡಿದರೆ ರುಚಿಕರವಾದ ಕೊಬ್ಬರಿ ಲಾಡು ಸವಿಯಲು ಸಿದ್ಧ.