ಮಲ್ಟಿಗ್ರೇನ್ ಬ್ರೆಡ್, ಬೆಳ್ಳುಳ್ಳಿ, ಶುಂಠಿ, ಪುದೀನಾ, ಕೊತ್ತಂಬರಿ ಸೊಪ್ಪು ಎಲ್ಲವನ್ನೂ ಸಣ್ಣಗೆ ಹೆಚ್ಚಿಕೊಳ್ಳಿ, ಫುಡ್ ಪ್ರಾಸೆಸರ್ ಇದ್ದರೆ ಅದಕ್ಕೆ ಹಾಕಿ ಸಣ್ಣಗೆ ಕತ್ತರಿಸಿಕೊಳ್ಳಿ.
ಕತ್ತರಿಸಿದ ಮಿಶ್ರಣವನ್ನು ಸಣ್ಣಗೆ ಕೊಚ್ಚಿಕೊಂಡ ಚಿಕನ್ ಜೊತೆಗೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
ಇದಕ್ಕೆ ಮೊಟ್ಟೆ, ಒಂದು ಚಮಚ ಕಾರ್ನ್ ಪ್ಲೋರ್ ಹಾಕಿ. ಅಗತ್ಯವಿರುವಷ್ಟು ಉಪ್ಪು, ಕಾಳು ಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
ಬಳಿಕ ಪ್ಯಾನ್ ವೊಂದಕ್ಕೆ ಎಣ್ಣೆ ಅಥವಾ ಬೆಣ್ಣ ಹಾಕಿ ಮಿಶ್ರಣವನ್ನು ಹಾಕಿ ಹುರಿದುಕೊಳ್ಳಿ.
ಬಳಿಕ ಬರ್ಗರ್ ಬನ್ ನ್ನು ಟೋಸ್ಟ್ ಮಾಡಿಕೊಳ್ಳಿ. ಟೋಸ್ಟ್ ಮಾಡಿದ ಒಂದು ಸ್ಲೈಸ್ ಬನ್ ಒಳ ಭಾಗದಲ್ಲಿ ನಿಮಗೆ ಬೇಕಾದ ಸಾಸ್ ಹಾಕಿ ನಂತರ ಎಲೆಕೋಸಿನ ಎಲೆಗಳನ್ನು ಇಡಿ. ಬಳಿಕ ಎಣ್ಣೆಯಲ್ಲಿ ಹುರಿದುಕೊಂಡ ಮಸಾಲೆ ಪದಾರ್ಥವನ್ನು ಹಾಕಿ, ಚೀಸ್ ಸ್ಲೈಸ್ ಗಳನ್ನು ಇಡಿ. ಬಳಿಕ ಈರುಳ್ಳಿ ಹಾಗೂ ಟೊಮ್ಯಾಟೋ ಸ್ಲೈಸ್ ಗಳನ್ನು ಇಟ್ಟು, ಮತ್ತೊಂದು ಸ್ಲೈಸ್ ಚೀಸ್ ಇಡಿ. ಬಳಿಕ ಮತ್ತೊಮ್ಮೆ ನಿಮಗಿಷ್ಟವಾದ ಸಾಸ್ ಹಾಕಿ. ಇದೀಗ ಸ್ಲೈಸ್ ಬನ್ ತೆಗೆದುಕೊಂಡು ಮುಚ್ಚಿದರೆ, ರುಚಿಕರವಾದ ಚಿಕನ್ ಚೀಸ್ ಬರ್ಗರ್ ಸವಿಯಲು ಸಿದ್ಧ.
