
ಮಾವಿನಕಾಯಿ ಚಟ್ನಿ
ಬೇಕಾಗುವ ಪದಾರ್ಥಗಳು...
- ಮಾವಿನಕಾಯಿ- 1
- ಮೆಂತ್ಯೆ ಕಾಳು- 1/4 ಚಮಚ
- ತೆಂಗಿನ ತುರಿ- 1 ಬಟ್ಟಲು
- ಒಣ ಮೆಣಸಿನಕಾಯಿ- 3-4
- ಉದ್ದಿನ ಬೇಳೆ - 1 ಚಮಚ
- ಕಡಲೆಬೇಳೆ- - 1 ಚಮಚ
- ಜೀರಿಗೆ - 1 ಚಮಚ
- ಇಂಗು- ಸ್ವಲ್ಪ
- ಬೆಳ್ಳುಳ್ಳಿ- 5 ಎಸಳು
- ಕರಿಬೇವು-ಸ್ವಲ್ಪ
- ಸಾಸಿವೆ- ಸ್ವಲ್ಪ
- ಉಪ್ಪು- ರುಚಿಗೆ ತಕ್ಕಷ್ಟು
- ಅಡುಗೆ ಎಣ್ಣೆ- ಸ್ವಲ್ಪ
- ಬೆಲ್ಲ- ಸ್ವಲ್ಪ
ಮಾಡುವ ವಿಧಾನ...
- ಮಾವಿನಕಾಯಿಯನ್ನು ತೊಳೆದು ಸಿಪ್ಪೆ ತೆಗೆಯಿರಿ. ಸಿಪ್ಪೆ ತೆಗೆದ ಮಾವಿನಕಾಯಿಯನ್ನು ತುರಿದುಕೊಳ್ಳಿ
- ಒಲೆಯ ಮೇಲೆ ಒಂದು ಪ್ಯಾನ್ ಇಟ್ಟು ಅದಕ್ಕೆ 1 ಟೀ ಸ್ಪೂನ್ ಎಣ್ಣೆ ಹಾಕಿ. ಅದು ಬಿಸಿಯಾಗುತ್ತಲೆ ಅದಕ್ಕೆ ಕಡಲೆಬೇಳೆ, ಉದ್ದಿನಬೇಳೆ, ಮೆಂತ್ಯೆ ಕಾಳು ಹಾಕಿ ಹುರಿಯಿರಿ. ನಂತರ ಒಣ ಮೆಣಸಿನ ಕಾಯಿ ಹಾಕಿ ಫ್ರೈ ಮಾಡಿ. ನಂತರ ಇದು ತಣ್ಣಗಾಗಲು ಬಿಡಿ.
- ನಂತರ ಇದನ್ನು ಒಂದು ಮಿಕ್ಸಿ ಜಾರಿಗೆ ಹಾಕಿ. ಅದಕ್ಕೆ ಜೀರಿಗೆ, ಬೆಳ್ಳುಳ್ಳಿ, ಮಾವಿನಕಾಯಿ, ಉಪ್ಪು, ತೆಂಗಿನ ತುರಿ ಹಾಗೂ ಸ್ವಲ್ಪ ಬೆಲ್ಲ ಹಾಕಿ ತರಿ ತರಿಯಾಗಿ ರುಬ್ಬಿಕೊಳ್ಳಿ.
- ನಂತರ ಒಂದು ಒಗ್ಗರಣೆ ಪಾತ್ರೆಗೆ ಎಣ್ಣೆ ಹಾಕಿ ಅದಕ್ಕೆ ಸಾಸಿವೆ, ಇಂಗು, 2 ಒಣಮೆಣಸು, ಕರಿಬೇವು ಹಾಕಿ. ಅದು ಕೆಂಪಗಾದಾಗ ರುಬ್ಬಿಕೊಂಡ ಚಟ್ನಿಗೆ ಹಾಕಿ, ಕಡಿಮೆ ಉರಿಯಲ್ಲಿ 5 ನಿಮಿಷಗಳ ಕಾಲ ಬೇಯಿಸಿಕೊಂಡರೆ ರುಚಿಕರವಾದ ಮಾವಿನ ಚಟ್ನಿ ಸವಿಯಲು ಸಿದ್ಧ.