ಖಾರ-ಸಿಹಿ ಕಡುಬು - Kara and sweet kadubu Recipe in Kannada

ಖಾರದ ಕಡುಬು

ಬೇಕಾಗುವ ಪದಾರ್ಥಗಳು...

• ಉದ್ದಿನಬೇಳೆ – 1 ಲೋಟ

• ಅಕ್ಕಿತರಿ – 2 ಲೋಟ

• ನೆನಸಿದ ಕಡ್ಲೆಬೇಳೆ – 3 ಚಮಚ

• ಜೀರಿಗೆ – 2 ಚಮಚ

• ಕರಿಮೆಣಸಿನತರಿ – 1 ಚಮಚ

• ಉಪ್ಪು- ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ...

ಉದ್ದಿನಬೇಳೆಯನ್ನು 8 ಗಂಟೆ ನೆನೆಸಿ, ನೀರು ಬಸಿದು ನುಣ್ಣಗೆ ರುಬ್ಬಿ, ಅಕ್ಕಿ ತರಿ ತೊಳೆದು ಸೇರಿಸಿ. ಮಿಕ್ಕೆಲ್ಲಾ ಪದಾರ್ಥಗಳನ್ನು ಸೇರಿಸಿ ಕಲೆಸಿ. 8 ಗಂಟೆ ಮುಚ್ಚಿಟ್ಟು, ನಂತರ ಬಾಳೆ ಎಲೆಗೆ 3 ಚಮಚ ಹಾಕಿ, ಸುತ್ತಿ ಇಡ್ಲಿ ಸ್ಟ್ಯಾಂಡಿನಲ್ಲಿಟ್ಟು, ಆವಿಯಲ್ಲಿ 15 ನಿಮಿಷ ಬೇಯಿಸಿ, ಆರಿದ ನಂತರ ತೆಗೆದಿಡಿ ಇದೀಗ ರುಚಕರವಾದ ಖಾರದ ಕಡುಬು ಸವಿಯಲು ಸಿದ್ಧ.

ಸಿಹಿಕಡುಬು

ಬೇಕಾಗುವ ಪದಾರ್ಥಗಳು...

• ಅಕ್ಕಿ – 2 ಲೋಟ

• ತೆಂಗಿನತುರಿ – 2 ಬಟ್ಚಲು

• ಬೆಲ್ಲದಪುಡಿ – 2 ಬಟ್ಚಲು

• ಏಲಕ್ಕಿಪುಡಿ – 1 ಚಮಚ

• ಬಾಳೆ ಎಲೆ

ಮಾಡುವ ವಿಧಾನ...

• ಅಕ್ಕಿಯನ್ನು ಒಂದು ಅಥವಾ ಎರಡು ಗಂಟೆಗಳ ಕಾಲ ನೆನೆಸಿಡಿ. ಇದರ ನೀರನ್ನೆಲ್ಲಾ ಬಸಿದು ತೆಂಗಿನಕಾಯಿ, ಬೆಲ್ಲ, ಉಪ್ಪು, ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಇದನ್ನು ಒಂದು ಪಾತ್ರೆಗೆ ವರ್ಗಾಯಿಸಿಡಿ. ಇನ್ನೊಂದೆಡೆ, ತೆಂಗಿನಕಾಯಿ ಮತ್ತು ಬೆಲ್ಲದ ತುರಿಯನ್ನು ಏಲಕ್ಕಿ ಕಾಳುಗಳೊಂದಿಗೆ ಮಿಶ್ರಣ ಮಾಡಿಟ್ಟು ಹೂರಣ ತಯಾರಿಸಿ.

• ಈಗ ಬಾಳೆ ಎಲೆಗಳ ಮೇಲೆ ಅಕ್ಕಿ ಪೇಸ್ಟ್‌ನ ತೆಳುವಾದ ಪದರವನ್ನು ಅನ್ವಯಿಸಿ. ಇದರ ಮಧ್ಯೆ ಬೆಲ್ಲ ಹಾಗೂ ತೆಂಗಿನತುರಿಯ ಮಿಶ್ರಣವನ್ನಿಟ್ಟು ಎಲೆಯನ್ನು ನೀಟಾಗಿ ಮಡಚಿಕೊಳ್ಳಿ. ಇದನ್ನು ಬಾಳೆ ಎಲೆಯಲ್ಲಿ ಇಟ್ಟು ಫೋಲ್ಡ್ ಮಾಡಿ.

• ಈಗ ಕುದಿಯುವ ನೀರಿನೊಂದಿಗೆ ಒಂದು ಪಾತ್ರೆ ಸಿದ್ಧವಾಗಿರಲಿ. ನಂತರ ಎಲೆಗಳ ಒಂದು ಬದಿಯನ್ನು ಇನ್ನೊಂದು ಬದಿಯಲ್ಲಿ ಉದ್ದವಾಗಿ ಮಡಿಸಿ. ಎಲೆಯ ಅಂಚುಗಳನ್ನು ಲಘುವಾಗಿ ಒತ್ತಿರಿ, ಇದರಿಂದ ಪೇಸ್ಟ್ ಒಟ್ಟಿಗೆ ಅಂಟಿಕೊಳ್ಳುತ್ತದೆ ಮತ್ತು ಬೆಲ್ಲ ಕರಗಿದಾಗ ಉಕ್ಕಿ ಹರಿಯುವುದಿಲ್ಲ. ಅಕ್ಕಿ ತುಂಬಿದ ಎಲ್ಲಾ ಎಲೆಗಳನ್ನು ಒಂದೊಂದಾಗಿ 10-12 ನಿಮಿಷಗಳ ಕಾಲ ಆವಿಯಲ್ಲಿ ಬೇಯಿಸಿ ತೆಗೆಯಿರಿ.