ಗೂಗಲ್ ಅಂದರೆ ಬರೀ ಸರ್ಚ್ ಎಂಜಿನ್ ಅಲ್ಲ, ಬರೀ ಈಮೇಲ್ ಅಲ್ಲ, ಬರೀ ಆಂಡ್ರಾಯ್ದ್ ಮೊಬೈಲ್ ಫೋನ್ ಅಲ್ಲ! ಈಗ ಗೂಗಲ್ ನಿಂದ ಹೊಸದೊಂದು ಕೊಡುಗೆ - ಗೂಗಲ್ ಜಾಣ ಚಮಚ!
ಕೈ ನಡುವುದರಿಂದ ನರಳುತ್ತಿರುವವರಿಗೆ ಅಥವಾ ಪಾರ್ಕಿನ್ ಸನ್ ರೋಗದಿಂದ ನರಳುತ್ತಿರುವವರಿಗೆ ಚಮಚದಿಂದ ಊಟ ತಿನ್ನುವುದು ಬಹಳ ಕಷ್ಟ. ಆದರೆ ಇನ್ನು ಮುಂದೆ ಹಾಗಿಲ್ಲ. ಈ ಗೂಗಲ್ ಸ್ಮಾರ್ಟ್ ಸ್ಪೂನ್ ಬಳಸಿ ಊಟ ತಿಂದರೆ ಆ ಚಮಚ ನಡುಗುವುದು ೭೬% ಕಡಿಮೆಯಾಗುತ್ತದೆ, ಹಾಗೆಯೇ ಊಟ ಸರಾಗವಾಗಿ ಬಾಯಿ ಸೇರುತ್ತದೆ.
ಭಾರತೀಯ ಮೂಲದ ಅನುಪಮ್ ಪಾಠಕ್ ಅವರ ಕೂಸಿನ ಸಂಸ್ಥೆ "ಲಿಫ್ಟ್ ಲ್ಯಾಬ್" ಅನ್ನು ಗೂಗಲ್ ಈ ವರ್ಷದ ಮೊದಲ ಭಾಗದಲ್ಲಿ ಕೊಂಡುಕೊಂಡಿತ್ತು. ವೈದ್ಯಕೀಯ ಕ್ಷೇತ್ರದಲ್ಲಿ ಆವಿಷ್ಕಾರಗಳನ್ನು ಮಾಡುತ್ತಿದ ಈ ಸಂಸ್ಥೆಯ ಯೋಜನೆಯಾಗಿತ್ತು ಈ ಚಮಚ.
ವಿಶ್ವದಾದ್ಯಂತ ಪಾರ್ಕಿನ್ ಸನ್ ರೋಗದಿಂದ ಸುಮಾರು ೧೦ ದಶಲಕ್ಷ ಜನ ನರಳುತ್ತಾರೆ. ಗೂಗಲ್ ಸಂಸ್ಥೆಯ ಸಂಸ್ಥಾಪಕರಲ್ಲಿ ಒಬ್ಬರಾದ ಸೆರ್ಜರಿ ಬ್ರಿನ್ ಅವರ ತಾಯಿ ಕೂಡ ಈ ರೋಗದಿಂದ ನರಳುತ್ತಿದ್ದರು. ಬ್ರಿನ್ ಈ ಸಂಸೋಧಂಗೆ ೫೦ ದಶಲಕ್ಷ ಡಾಲರ್ ದಾನ ನೀಡಿದ್ದರು.
Advertisement