ಅನಾರೋಗ್ಯಕರ ಆಹಾರಗಳಲ್ಲೂ ಆರೋಗ್ಯಯುತವಾದ ಪ್ರಯೋಜನಗಳಿವೆಯೇ ಎಂದು ಶೀರ್ಷಿಕೆ ನೋಡಿ ಗೊಂದಲಕ್ಕೀಡಾಗಬೇಡಿ. ನಿಮ್ಮ ಅಚ್ಚರಿಯ ಉದ್ಘಾರಕ್ಕೆ ಹೌದು ಎಂಬುದೇ ಉತ್ತರ.
ಒತ್ತಡದ ಜೀವನಶೈಲಿಯಲ್ಲಿ ಸಿಲುಕಿ ಸಮಯದ ಜೊತೆಗೆ ಹೆಜ್ಜೆಹಾಕಬೇಕಾದ ಅನಿವಾರ್ಯತೆಯಿಂದ ಬಹುತೇಕ ಜನರು ಅನಾರೋಗ್ಯಕರ ಆಹಾರಗಳನ್ನೇ ಸೇವಿಸುತ್ತಿರುತ್ತಾರೆ. ಆದರೆ ಈ ರೀತಿಯಾದ ಅನಾರೋಗ್ಯಕರ ಆಹಾರಗಳನ್ನು ಮಿತವಾಗಿ ಸೇವಿಸುವುದರಿಂದ ಆರೋಗ್ಯಕರ ಫಲಿತಾಂಶಗಳನ್ನು ಪಡೆಯಬಹುದಾಗಿದೆ.
ಆ ಅನಾರೋಗ್ಯಕರ ಆಹಾರಗಳು ಯಾವುವು ಅದರಿಂದ ಆರೋಗ್ಯ ಹೇಗೆ ಪಡೆಯಬಹುದು ಇಲ್ಲಿದೆ ಮಾಹಿತಿ
ಆಲೂಗಡ್ಡೆ: ಗ್ಲೈಸೆಮಿಕ್ ಸೂಚ್ಯಂಕ ಇರುವುದರಿಂದ ಆಲೂಗಡ್ಡೆ ಆರೋಗ್ಯಕ್ಕೆ ಹಾನಿಕರ ಎನ್ನುತ್ತಾರೆ. ಆದರೆ ಇದರಲ್ಲಿರುವ ಪೊಟ್ಯಾಸಿಯಮ್ ಅಂಶ ಸ್ನಾಯುಗಳಿಗೆ ಅವಶ್ಯಕವಾಗಿದ್ದು ವಿಟಮಿನ್ ಸಿ ಯಥೇಚ್ಛವಾಗಿ ದೊರೆಯುತ್ತವೆ.
ಬೆಣ್ಣೆ ಮತ್ತು ಸ್ಯಾಚುರೇಟೆಡ್ ಫ್ಯಾಟ್: ಅತಿ ಹೆಚ್ಚು ಕೊಬ್ಬಿನ ಅಂಶ ಇರುವುದರಿಂದ ಇವುಗಳು ಆರೋಗ್ಯಕ್ಕೆ ಹಾನಿಕಾರಕ ಆದರೆ ವಿಟಮಿನ್ ಎ, ಡಿ, ಇ, ಕೆ ಗಳೂ ಹೇರಳವಾಗಿರುವುದರಿಂದ ಆರೋಗ್ಯಕ್ಕೆ ಉತ್ತಮ ರೋಗ ನಿರೋಧಕ ಶಕ್ತಿ ನೀಡಬಲ್ಲವು
ಚಾಕೊಲೇಟ್ಗಳು: ಹೆಚ್ಚು ಸಕ್ಕರೆ ಅಂಶವಿರುವುದರಿಂದ ಆರೋಗ್ಯಕ್ಕೆ ಹಾನಿಕಾರಕ ಆದರೆ, ಫ್ಲವೊನಾಯ್ಡ್ ಅಂಶ ಹೃದಯಕ್ಕೆ ಒಳ್ಳೆಯದಾಗಿದೆ,
ಕೆಚಪ್ಗಳು ಮತ್ತು ಸಲಾಡ್ ಡ್ರೆಸ್ಸಿಂಗ್: ಕೃತಕ ಬಣ್ಣ ಹಾಗೂ ಸಂರಕ್ಷಕಗಳು ಇರುವ ಕಾರಣ ಇದನ್ನು ಆರೋಗ್ಯಕ್ಕೆ ಹಾನಿಕಾರಕ ಎನ್ನಲಾಗುತ್ತದೆ. ಆದರೆ ಇವುಗಳನ್ನು ಮಿತವಾಗಿ ಸೇವಿಸಿದರೆ ಉತ್ಕರ್ಷಣ ನಿರೋಧ (antioxidant) ಆಗಿ ಕಾರ್ಯನಿರ್ವಹಿಸಬಲ್ಲವು
ಬೀರ್: ಕ್ಯಾಲೊರಿಗಳ ದೃಷ್ಟಿಯಿಂದ ಆರೋಗ್ಯಕ್ಕೆ ಹಾನಿಕಾರಕ ಆದರೆ ಮೂಳೆ ಖನಿಜ ಸಾಂದ್ರತೆ ಉತ್ತಮಗೊಳಿಸುವುದಕ್ಕೆ ಮಿತವಾದ ಬೀರ್ ಸೇವನೆ ಸಹಕಾರಿಯಾಗಲಿದೆ. ಅಂದರೆ ಒಂದು ಬಾಟಲ್ ಬೀರ್ ಕುಡಿದರೆ ಕಿಡ್ನಿ ಸ್ಟೋನ್ ಉಂಟಾಗುವ ಸಾಧ್ಯತೆ ಶೇ.40 ರಷ್ಟು ಕಡಿಮೆಯಾಗಲಿದೆ.
ಬರ್ಗರ್ ಹಾಗೂ ಪಿಜ್ಜಾ: ಹೆಚ್ಚು ಕ್ಯಾಲೊರಿಗಳು ಹಾಗೂ ಕಾರ್ಬೋಹೈಡ್ರೇಟ್ಗಳ ಕಾರಣದಿಂದ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಆದರೆ ಇವುಗಳನ್ನು ಮಿಲೆಟ್ ಗಳ ಜೊತೆ ಸೇವಿಸಿದರೆ ಪೌಷ್ಟಿಕಾಂಶದ ಮೌಲ್ಯವು ಹೆಚ್ಚಾಗುತ್ತದೆ.
ಅನ್ನ: ಅನ್ನ ಹೆಚ್ಚು ಸೇವಿಸುವುದರಿಂದ ಬೊಜ್ಜು ಹೆಚ್ಚಾಗುತ್ತದೆ. ಆದರೆ ಗ್ಲೈಕೋಜೆನ್ ಪ್ರಮಾಣ ಹೆಚ್ಚಾಗಲು ಹಾಗೂ ಸ್ನಾಯುವಿನ ಬೆಳವಣಿಗೆಗೆ ಸಹಕಾರಿಯಾಗಿದೆ.
