Monkeypox: ಲೈಂಗಿಕ ಸಂಪರ್ಕದಿಂದಲೂ ಮಂಕಿಪಾಕ್ಸ್ ಹರಡುತ್ತದೆ!; ಸಂಶೋಧನೆ ಏನು ಹೇಳುತ್ತದೆ?
ಮಾರಕ ಕೊರೊನಾ ಸಾಂಕ್ರಾಮಿಕದ ನಂತರ ಇಡೀ ಜಗತ್ತು ಮತ್ತೊಂದು ಸಾಂಕ್ರಾಮಿಕದ ಭೀತಿಯಲ್ಲಿದ್ದು, ಭಾರತವೂ ಸೇರಿದಂತೆ ಹಲವು ದೇಶಗಳಲ್ಲಿ ಕಾಣಿಸಿಕೊಂಡಿರುವ ಮಂಕಿಪಾಕ್ಸ್ ಲೈಂಗಿಕ ಸಂಪರ್ಕದಿಂದಲೂ ಹರಡುತ್ತದೆ ಎಂಬ ಆಘಾತಕಾರಿ ಅಂಶವನ್ನು ಸಂಶೋಧಕರು ಹೊರ ಹಾಕಿದ್ದಾರೆ.
Published: 26th July 2022 08:48 PM | Last Updated: 27th July 2022 10:03 PM | A+A A-
ಮಂಕಿಪಾಕ್ಸ್
ಮಾರಕ ಕೊರೊನಾ ಸಾಂಕ್ರಾಮಿಕದ ನಂತರ ಇಡೀ ಜಗತ್ತು ಮತ್ತೊಂದು ಸಾಂಕ್ರಾಮಿಕದ ಭೀತಿಯಲ್ಲಿದ್ದು, ಭಾರತವೂ ಸೇರಿದಂತೆ ಹಲವು ದೇಶಗಳಲ್ಲಿ ಕಾಣಿಸಿಕೊಂಡಿರುವ ಮಂಕಿಪಾಕ್ಸ್ ಲೈಂಗಿಕ ಸಂಪರ್ಕದಿಂದಲೂ ಹರಡುತ್ತದೆ ಎಂಬ ಆಘಾತಕಾರಿ ಅಂಶವನ್ನು ಸಂಶೋಧಕರು ಹೊರ ಹಾಕಿದ್ದಾರೆ.
ಮಂಕಿಪಾಕ್ಸ್ ತನ್ನ ನಿಗೂಡತೆ ಮತ್ತು ಭೀಕರತೆಯಿಂದಲೇ ಜನರಲ್ಲಿ ಮತ್ತೊಮ್ಮೆ ಭಯವನ್ನು ಸೃಷ್ಟಿಸುತ್ತಿದ್ದು, ಮಂಕಿಪಾಕ್ಸ್ ನಿಕಟ ದೈಹಿಕ ಸಂಪರ್ಕದ ಮೂಲಕ ಹರಡುತ್ತದೆ ಎಂದು ಕೆಲವು ಅಧ್ಯಯನಗಳು ಹೇಳಿವೆ. ಹೀಗಾಗಿ ಈ ಕುರಿತು ಕಾಳಜಿ ಕೂಡ ಹೆಚ್ಚಿದ್ದು, ಅಮೆರಿಕದಲ್ಲಿ ಮಂಕಿಪಾಕ್ಸ್ ಹರಡುವಿಕೆಯನ್ನು ಗಮನಿಸಿದರೆ, ಇದು ಲೈಂಗಿಕವಾಗಿ ಹರಡುವ ಕಾಯಿಲೆಯಂತಿದೆ. WHO ಪ್ರಕಾರ ಮಂಕಿಪಾಕ್ಸ್ ಯಾವುದೇ ರೀತಿಯ ನಿಕಟ ಸಂಪರ್ಕದ ಮೂಲಕ ಹರಡಬಹುದು, ಚುಂಬನ, ಸ್ಪರ್ಶ, ಮೌಖಿಕ ಲೈಂಗಿಕ್ರಿಯೆ ಅಥವಾ ಸಂಭೋಗದ ಮೂಲಕ ಹರಡುವ ಸಾಂಕ್ರಾಮಿಕವಾಗಿದೆ ಎಂದು ತಜ್ಞರು ಹೇಳಿದ್ದಾರೆ.
ಹೀಗಾಗಿ ಮೈಯಲ್ಲಿ ಯಾವುದೇ ಹೊಸ ರೀತಿಯ ದದ್ದುಗಳು ಮೂಡಿದಾಗ ನೀವು ಲೈಂಗಿಕ ಕ್ರಿಯೆಯಿಂದ ದೂರವಿರುವುದು ಒಳಿತು ಎಂದು ವೈದ್ಯರು ಎಚ್ಚರಿಸಿದ್ದು, ಈ ರೋಗವು ಇತರ ಸಾಂಕ್ರಾಮಿಕ ರೋಗಗಳಾದ ಚಿಕನ್ಪಾಕ್ಸ್ ಹರ್ಪಿಸ್ ಮತ್ತು ಸಿಫಿಲಿಸ್ ಅನ್ನು ಹೋಲುತ್ತದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಮಂಕಿಪಾಕ್ಸ್ ರೋಗ ವ್ಯಕ್ತಿಯಲ್ಲಿ ಉಲ್ಬಣಿಸಲು 5 ರಿಂದ 13 ದಿನ ಬೇಕು: ಎಚ್ಚರಿಕೆ ವಹಿಸಲು ತಜ್ಞರ ಸಲಹೆ
ಈ ಕುರಿತು ಮಾತನಾಡಿರುವ ಸರ್ ಗಂಗಾ ರಾಮ್ ಆಸ್ಪತ್ರೆಯ ತುರ್ತು ಚಿಕಿತ್ಸಾ ತಜ್ಞ ಮತ್ತು ಹಿರಿಯ ಸಮಾಲೋಚಕರಾದ ಡಾ ಧೀರೇನ್ ಗುಪ್ತಾ, 'ಮಂಕಿಪಾಕ್ಸ್ ವೈರಸ್ ವೀರ್ಯದಲ್ಲಿ ಕಂಡುಬಂದಿದ್ದರೂ, ಇದು ವೀರ್ಯ ಅಥವಾ ಯೋನಿ ದ್ರವಗಳ ಮೂಲಕ ಹರಡಬಹುದೇ ಎಂಬುದು ತಿಳಿದಿಲ್ಲ. ಆದರೆ ಲಾಲಾರಸದ ಮೂಲಕ ವೈರಸ್ ಹರಡುವ ಸಾಧ್ಯತೆ ಇದ್ದು, ದೇಹದ ಮೇಲಿನ ಹುಣ್ಣುಗಳು, ಗಾಯಗಳು ಅಥವಾ ಗಾಯದ ಕೀವು ಸಹ ಸಾಂಕ್ರಾಮಿಕವಾಗಬಹುದು. ಸೋಂಕಿತ ವ್ಯಕ್ತಿಯೊಂದಿಗೆ ಸಂಪರ್ಕದಲ್ಲಿರುವ ವಸ್ತುಗಳು - ಉದಾಹರಣೆಗೆ ಬಟ್ಟೆ, ಹಾಸಿಗೆ, ಟವೆಲ್‌ಗಳು - ಅಥವಾ ತಿನ್ನುವ ಪಾತ್ರೆಗಳಂತಹ ವಸ್ತುಗಳು ಸಹ ಸೋಂಕಿನ ಮೂಲವಾಗಿರಬಹುದು ಎಂದು ಹೇಳಿದ್ದಾರೆ.
ಅಂತೆಯೇ 'ಲೈಂಗಿಕ ಸಂಪರ್ಕದ ಸಮಯದಲ್ಲಿ ಮಂಕಿಪಾಕ್ಸ್ ಹರಡುವಿಕೆ ಹೆಚ್ಚಾಗುತ್ತದೆ. ಈ ಸಂಪರ್ಕವು ನಿಕಟ ಸಂಪರ್ಕದ ಸಮಯದಲ್ಲಿ ಸಂಭವಿಸಬಹುದು. ಮೌಖಿಕ, ಗುದ ಮತ್ತು ಯೋನಿ ಸಂಭೋಗ ಅಥವಾ ಜನನಾಂಗಗಳನ್ನು (ಶಿಶ್ನ, ವೃಷಣಗಳು, ಯೋನಿ) ಮಂಕಿಪಾಕ್ಸ್ ಹೊಂದಿರುವ ವ್ಯಕ್ತಿಯ ಯೋನಿ ಅಥವಾ ಗುದದ್ವಾರ (ಬಟ್‌ಹೋಲ್) ಸಂಪರ್ಕಿಸಿದಾಗ ಸೋಂಕು ಪ್ರಸರಿಸುವ ಅಪಾಯವಿದೆ. ಅಪ್ಪಿಕೊಳ್ಳುವುದು, ಮಸಾಜ್ ಮಾಡುವುದು ಮತ್ತು ಪರಸ್ಪರ ಚುಂಬಿಸುವುದು ಮತ್ತು ದೀರ್ಘಾವಧಿಯ ಮುಖಾಮುಖಿ ಸಂಪರ್ಕವು ಕೂಡ ವೈರಸ್‌ನ ಸಂಕೋಚನಕ್ಕೆ ಕಾರಣವಾಗಬಹುದು ಎಂದು ಡಾ ಗುಪ್ತಾ ಹೇಳಿದ್ದಾರೆ.
ಇದನ್ನೂ ಓದಿ: ಮಂಕಿಪಾಕ್ಸ್ ರೋಗದ ಬಗ್ಗೆ ನಿಮಗೆ ತಿಳಿದಿರಬೇಕಾದ ಅಂಶಗಳು...
ಇದಲ್ಲದೆ ಮಂಕಿಪಾಕ್ಸ್ ಹೊಂದಿರುವ ವ್ಯಕ್ತಿಯು ಬಳಸಿದ ಮತ್ತು ಸೋಂಕುರಹಿತವಾಗಿರದ ಹಾಸಿಗೆ, ಟವೆಲ್ ಮತ್ತು ಲೈಂಗಿಕ ಆಟಿಕೆಗಳು, ಬಟ್ಟೆಗಳು ಮತ್ತು ವಸ್ತುಗಳನ್ನು ಲೈಂಗಿಕ ಸಮಯದಲ್ಲಿ ಸ್ಪರ್ಶಿಸಿದರೆ, ಅದೇ ವಸ್ತುಗಳನ್ನು ಆರೋಗ್ಯವಂತ ವ್ಯಕ್ತಿ ವ್ಯಕ್ತಿಯು ಸ್ಪರ್ಶಿಸಿದಾಗ ಆತ ಕೂಡ ರೋಗಕ್ಕೆ ತುತ್ತಾಗಬಹುದು ಎಂದು ಹೇಳಿದ್ದಾರೆ.
12 ವಾರಗಳವರೆಗೆ ಕಾಂಡೋಮ್ ಬಳಸಲು ಸಲಹೆ
ಆದರೆ ಮುಂಜಾಗ್ರತಾ ಕ್ರಮವಾಗಿ ಮಂಕಿಪಾಕ್ಸ್ ಸೋಂಕು ಹೊಂದಿರುವವರು ಚೇತರಿಸಿಕೊಂಡ ಬಳಿಕ 12 ವಾರಗಳವರೆಗೆ ಕಾಂಡೋಮ್‌ಗಳನ್ನು ಬಳಸಲು ಸಲಹೆ ನೀಡಲಾಗುತ್ತಿದೆ. ಚೇತರಿಕೆಯ ನಂತರದ ಅವಧಿಯಲ್ಲಿ ವೈರಸ್‌ನ ಮಟ್ಟಗಳು ಮತ್ತು ವೀರ್ಯದಲ್ಲಿನ ಸಂಭಾವ್ಯ ಸೋಂಕಿನ ಬಗ್ಗೆ ಹೆಚ್ಚು ತಿಳಿಯುತ್ತದೆ.
ಕಾಂಡೋಮ್ ಧರಿಸುವುದು ಮಂಕಿಪಾಕ್ಸ್‌ನಿಂದ ನಿಮ್ಮನ್ನು ರಕ್ಷಿಸುವುದಿಲ್ಲ, ಆದರೆ ಇದು ನಿಮ್ಮನ್ನು ಮತ್ತು ಇತರರನ್ನು STI (sexually transmitted infections-ಲೈಂಗಿಕವಾಗಿ ಹರಡುವ ಸೋಂಕುಗಳು) ಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದ್ದಾರೆ.
ವ್ಯಕ್ತಿಯೊಂದಿಗೆ ನಿಕಟ ಸಂಪರ್ಕ ವೈರಸ್ ಲೈಂಗಿಕ ಸಂಪರ್ಕದ ಮೂಲಕ ಮಾತ್ರ ಹರಡುವುದಿಲ್ಲ, ಆದರೆ ಸೋಂಕಿಗೆ ತುತ್ತಾಗಿರುವ ವ್ಯಕ್ತಿಯೊಂದಿಗೆ ಯಾವುದೇ ರೀತಿಯ ನಿಕಟ ಸಂಪರ್ಕದ ಮೂಲಕವೂ ಸೋಂಕು ಹರಡುತ್ತದೆ. ಒಂದೇ ಮನೆಯಲ್ಲಿ ವಾಸಿಸುವ ವ್ಯಕ್ತಿಗಳು ಹೆಚ್ಚಿನ ಅಪಾಯದಲ್ಲಿದ್ದು, ಮಂಕಿಪಾಕ್ಸ್ ಆಗಬಹುದಾದ ರೋಗಲಕ್ಷಣಗಳನ್ನು ಹೊಂದಿದರೆ ಕೂಡಲೇ ವೈದ್ಯರನ್ನು ಸಂಪರ್ಕಿಸಿ. ಮಂಕಿಪಾಕ್ಸ್ ಅಪಾಯವು ಲೈಂಗಿಕವಾಗಿ ಸಕ್ರಿಯವಾಗಿರುವ ಜನರಿಗೆ ಅಥವಾ ಪುರುಷರೊಂದಿಗೆ ಲೈಂಗಿಕ ಸಂಪರ್ಕ ಬೆಳೆಸುವ ಪುರುಷರಿಗೆ ಸೀಮಿತವಾಗಿಲ್ಲ. ರೋಗಲಕ್ಷಣಗಳನ್ನು ಹೊಂದಿರುವ ಯಾರೊಂದಿಗಾದರೂ ನಿಕಟ ಸಂಪರ್ಕ ಹೊಂದಿರುವ ಎಲ್ಲರೂ ಅಪಾಯದಲ್ಲಿರುತ್ತಾರೆ. ಆದರೆ ಹಲವು ಪ್ರಕರಣಗಳನ್ನು ಪುರುಷರೊಂದಿಗೆ ಲೈಂಗಿಕ ಸಂಬಂಧ ಹೊಂದಿರುವ ಪುರುಷರಲ್ಲಿ ಗುರುತಿಸಲಾಗಿದೆ ಎಂದು ಹೇಳಿದ್ದಾರೆ.
