ಬೆಂಗಳೂರು: ಸೆಪ್ಟೆಂಬರ್ ತಿಂಗಳು ಅಲ್ಝೈಮರ್ ಕಾಯಿಲೆ ಬಗ್ಗೆ ಜಾಗೃತಿ ಮೂಡಿಸುವ ತಿಂಗಳು. ಅನೇಕ ಯುವಕರು, 'ಓಹ್, ನಾನು ನನ್ನ ಮನೆಕೆಲಸವನ್ನು ಮರೆತಿದ್ದೇನೆ.. ಇದು ಆಲ್ಝೈಮರ್ ಇರಬೇಕು' ಅಥವಾ 'ನನಗೆ ಡಿಮೆನ್ಶಿಯಾ ಇದೆ ಎಂಬುದು ನನಗೆ ಖಚಿತವಾಗಿದೆ, ನಾನು ತುಂಬಾ ಮರೆಯುತ್ತಿದ್ದೇನೆ'. ಹೀಗೆ ಹೇಳುತ್ತಿರುತ್ತಾರೆ. ಆದರೆ, ನಮ್ಮಲ್ಲಿ ಬಹುತೇಕರ ದೊಡ್ಡ ಸಮಸ್ಯೆ ಎಂದರೆ, ಮಿದುಳಿನ ಹಾನಿ ಬಗ್ಗೆ ತಿಳಿದುಕೊಳ್ಳುವುದು ಎಷ್ಟು ಕಷ್ಟ ಎಂಬುದನ್ನು ಅರ್ಥಮಾಡಿಕೊಳ್ಳದೆ ಬಾಯಿಗೆ ಬಂದದ್ದನ್ನು ಬಳಸುವುದು.
ಇದ್ದಕ್ಕಿದ್ದಂತೆ ಗೊಂದಲ ಮಾಡಿಕೊಳ್ಳುವುದು, ಸಣ್ಣ ವಿಷಯಗಳನ್ನು ಮರೆತುಬಿಡುವುದು, ಹೆಸರುಗಳನ್ನು ಮರೆತುಬಿಡುವುದು, ಪದಗಳಿಗಾಗಿ ತಡಕಾಡುವುದು ಅನೇಕರಿಗೆ ದೊಡ್ಡ ಸಮಸ್ಯೆಯಂತೆ ಭಾಸವಾಗುತ್ತದೆ. ಅನೇಕ ವಯಸ್ಸಾದ ಜನರು ಮರೆವು, ನೆನಪಿನ ಶಕ್ತಿ ಕೊರತೆ, ಅಸ್ಥಿರ ನಡಿಗೆ, ಸಣ್ಣ ಸಣ್ಣ ವಿಚಾರಗಳಿಗೂ ಅಳುವ ದೂರುಗಳೊಂದಿಗೆ ವೈದ್ಯರ ಬಳಿಗೆ ತೆರಳುತ್ತಾರೆ. ವೈದ್ಯರೇ, ನನಗೆ ಡಿಮೆನ್ಶಿಯಾ ಇದೆಯೇ?’ ಎಂದು ಅವರು ಕೇಳುತ್ತಾರೆ...
ವಯಸ್ಸಾದ ವ್ಯಕ್ತಿ, ತಾಯಿ ಅಥವಾ ತಂದೆ ಅಥವಾ ಅಜ್ಜಿಯ ಬಗ್ಗೆ ಸಾಮಾನ್ಯವಾಗಿ ದೂರುಗಳ ಸುರಿಮಳೆಯನ್ನು ಹೊಂದಿರುವ ಅಂತಹ ಜನರ ಆರೈಕೆದಾರರು ಪ್ರದರ್ಶಿಸುವ ಅಸಹನೆ ಮತ್ತು ಒರಟುತನವನ್ನು ಗಮನಿಸಿರುವುದಾಗಿ ಡಾ. ಪೂರ್ಣಿಮಾ ನಾಗರಾಜ ಹೇಳಿದ್ದಾರೆ. ಅವರು ಇದ್ದಕ್ಕಿದ್ದಂತೆ ಕಿರಿಕಿರಿ ಮತ್ತು ಅವರನ್ನು ಸುಧಾರಿಸುವಲ್ಲಿ ಕಷ್ಟವನ್ನು ಎದುರಿಸುತ್ತಾರೆ. ಮರೆವು ಬಹುಶಃ ವಯಸ್ಸಾದವರ ಅವಿಭಾಜ್ಯ ಅಂಗವಾಗಿದೆ ಹೊರತು ಡಿಮೆನ್ಶಿಯಾ ಅಲ್ಲ. ಇದು ಚಿಂತನೆ, ತಾರ್ಕಿಕತೆ, ನೆನಪಿಟ್ಟುಕೊಳ್ಳುವುದು ಮತ್ತು ಕಲಿಕೆಯಂತಹ ಉನ್ನತ ಮಾನಸಿಕ ಕಾರ್ಯಗಳ ನಷ್ಟವನ್ನು ಒಳಗೊಂಡಿರುತ್ತದೆ. ಒಬ್ಬರ ಗುಣಮಟ್ಟದ ಜೀವನಕ್ಕೆ ಅಡ್ಡಿಪಡಿಸುವ ಮಟ್ಟಿಗೆ ವರ್ತನೆಯ ಸಾಮರ್ಥ್ಯಗಳ ನಷ್ಟವೂ ಇರಬಹುದು.
ಡಿಮೆನ್ಶಿಯಾ ಜನರಿಗೆ ಭಾಷೆ, ವಸ್ತುಗಳನ್ನು ಹೆಸರಿಸುವುದು ಮತ್ತು ಗಮನ ಹರಿಸುವ ಸಮಸ್ಯೆಗಳು ಇರುತ್ತವೆ. ಕೆಲವರು ಭ್ರಮೆಗಳನ್ನು (ಸುಳ್ಳು ನಂಬಿಕೆಗಳು) ಮತ್ತು ಮರುಳನ್ನು (ಸುಳ್ಳು ಗ್ರಹಿಕೆಗಳು) ಬೆಳೆಸಿಕೊಳ್ಳಬಹುದು. ವ್ಯಕ್ತಿತ್ವದಲ್ಲಿನ ಬದಲಾವಣೆ, ಕೋಪ, ದುಃಖ, ಗೊಂದಲ ಮತ್ತು ಮನಸ್ಥಿತಿ ಬದಲಾವಣೆಗಳು ಸಹ ಇಂತವರಲ್ಲಿ ಸಾಮಾನ್ಯವಾಗಿರುತ್ತವೆ. ಮೂತ್ರ ಮತ್ತು ಕರುಳಿನ ಅಸಂಯಮವು ಆರೈಕೆಯನ್ನು ಮತ್ತಷ್ಟು ಸಂಕೀರ್ಣಗೊಳಿಸುತ್ತದೆ ಮತ್ತು ಹಿಂದೆ ಸ್ವತಂತ್ರ ಮತ್ತು ತೀಕ್ಷ್ಣ ಮನಸ್ಸಿನ ವ್ಯಕ್ತಿಯ ಸ್ವಾಭಿಮಾನದ ಮೇಲೆ ಪರಿಣಾಮ ಬೀರುತ್ತದೆ.
ಹೀಗಾಗಿ ಮರೆವು ಇರುವ ಪ್ರತಿಯೊಬ್ಬ ವಯಸ್ಸಾದ ವ್ಯಕ್ತಿಯು ಡಿಮೆನ್ಶಿಯಾ ದಿಂದ ಬಳಲುತ್ತಿರುವುದಿಲ್ಲ. ಸಾಮಾನ್ಯ ವಯಸ್ಸಾದ ಮತ್ತು ಡಿಮೆನ್ಶಿಯಾ ನಡುವಿನ ಕೆಲವು ಸಾಮಾನ್ಯ ವ್ಯತ್ಯಾಸಗಳು ಇಲ್ಲಿವೆ:
ಸಾಮಾನ್ಯ ವಯಸ್ಸಾಗುವಿಕೆ
* ದಿನಚರಿಗಳನ್ನು ಮರೆಯುವುದು
* ಮಾಡಬೇಕಾದ ಕೆಲಸವನ್ನು ಮತ್ತು ಕೆಲವೊಮ್ಮೆ ಪದಗಳನ್ನು ಮರೆಯುವುದು
* ವಾರ ಅಥವಾ ತಿಂಗಳ ದಿನಗಳನ್ನು ಮರೆಯುವುದು ಆದರೆ ನಂತರ ನೆನಪಿಸಿಕೊಳ್ಳುವುದು
* ಕಾಲಕಾಲಕ್ಕೆ ವಸ್ತುಗಳನ್ನು ಕಳೆದುಕೊಳ್ಳುವುದು
* ಮೂಡಿ ಮತ್ತು ಮುಂಗೋಪಿಯಾಗಬಹುದು
*ನಿದ್ರಾಹೀನತೆ ಮತ್ತು ಚಡಪಡಿಕೆ ಸಾಮಾನ್ಯವಾಗಿರುವುದು
ಡಿಮೆನ್ಶಿಯಾ ಆರಂಭಿಕ ಲಕ್ಷಣಗಳು
* ದಿಕ್ಕುಗಳನ್ನು ಮರೆಯುವುದು ಅಥವಾ ಕಳೆದುಹೋಗುವುದು
* ಸಮಯ, ಜನರು ಮತ್ತು ಸ್ಥಳಗಳ ಬಗ್ಗೆ ಗೊಂದಲ
* ಮೂಡ್ ಸ್ವಿಂಗ್ಸ್, ಸುಖಾ ಸುಮ್ಮನೆ ಅಳುವುದು, ಕೋಪ
* ಮತ್ತೆ ಮತ್ತೆ ಕೇಳಿದ ಪ್ರಶ್ನೆಗಳನ್ನೇ ಕೇಳುವುದು
* ಬಾಲ್ಯದ ಘಟನೆಗಳು ನೆನಪಿರುತ್ತವೆ ಆದರೆ, ಅರ್ಧ ಗಂಟೆ ಹಿಂದೆ ತಿಂಡಿಯನ್ನು ಮರೆಯುವುದು
* ಮಾತನ್ನು ಪುನರಾವರ್ತಿಸುವುದು
* ಕಳಪೆ ಸ್ವಯಂ ಆರೈಕೆ, ಸ್ನಾನ ಮಾಡದಿರುವುದು, ಸರಿಯಾಗಿ ತಿನ್ನದಿರುವುದು, ಅಸುರಕ್ಷಿತ ಮತ್ತು ಕೆಲವೊಮ್ಮೆ ಅನುಚಿತವಾಗಿ ವರ್ತಿಸುವುದು
* ಆಗಾಗ್ಗೆ ವಸ್ತುಗಳನ್ನು ಕಳೆದುಕೊಳ್ಳುವುದು
* ಪದಗಳಿಗಾಗಿ ತಡವರಿಸುವುದು
* ಮಣ್ಣಾದ ಬಟ್ಟೆಗಳು
ಹೆಚ್ಚಿನ ಸಮಯದಲ್ಲಿ ಈ ಬದಲಾವಣೆಗಳ ಬಗ್ಗೆ ತಿಳಿದಿರುವುದಿಲ್ಲ ಮತ್ತು ಇಂತಹ ನಡವಳಿಕೆಗಳನ್ನು ಸಾಮಾನ್ಯವಾಗಿ ಅವರ ಕುಟುಂಬ ಮತ್ತು ಸ್ನೇಹಿತರು ಗಮನಿಸಬಹುದು. ಡಿಮೆನ್ಶಿಯಾ ದಲ್ಲಿ ಅನೇಕ ಚಯಾಪಚಯ ಮತ್ತು ನರವೈಜ್ಞಾನಿಕ ಬದಲಾವಣೆಗಳು ನಡೆಯುತ್ತವೆ. ಇವುಗಳು ನಿಯಂತ್ರಣದಲ್ಲಿಲ್ಲದಿದ್ದರೆ ಅಧಿಕ ರಕ್ತದೊತ್ತಡ, ಮಧುಮೇಹ ಮತ್ತು ಇತರ ಚಯಾಪಚಯ ತೊಂದರೆಗಳು ಒಳಗೊಂಡಿರುತ್ತವೆ. ಸಾಮಾನ್ಯವಾಗಿ ವಯಸ್ಸಾದವರು ನೆನಪಿನ ಶಕ್ತಿ ನಷ್ಟ ಮತ್ತು ಸಹಜ ಶಕ್ತಿ ನಷ್ಟವನ್ನು ಒಳಗೊಂಡಿದ್ದರೂ, ಡಿಮೆನ್ಶಿಯಾ ಮತ್ತು ಆಲ್ಝೈಮರ್ಸ್ ಹೆಚ್ಚು ಸಾಮ್ಯತೆಯ ಲಕ್ಷಣಗಳನ್ನು ಹೊಂದಿವೆ.
Advertisement