ಬೆಂಗಳೂರು ಟೆಕ್ಕಿಗೆ ಮಿಸ್ ಸುಪ್ರನ್ಯಾಷನಲ್ 2016 ಕಿರೀಟ

ಬೆಂಗಳೂರು: ಪೋಲೆಂಡ್ ನಲ್ಲಿ ನಡೆದ ಮಿಸ್ ಸುಪ್ರನ್ಯಾಷನಲ್ ಅವಾರ್ಡ್ ಸೌಂದರ್ಯ ಸ್ಪರ್ಧೆಯಲ್ಲಿ ಬೆಂಗಳೂರಿನ ಎಂಜಿನೀಯರ್, ಬೆಡಗಿ ಶ್ರೀನಿಧಿ ಶೆಟ್ಟಿ ವಿಜೇತರಾಗಿದ್ದಾರೆ.

ವೆನಿಜುವೆಲಾದ ವಲೆರಿಯಾ ವೆಸ್ಪೋಲಿ ಮೊದಲ ರನ್ನರ್ ಅಪ್, ಸುರಿ ನೇಮ್ ನ ಜಲಿಸಾ ಪಿಗಾಟ್ ಎರಡನೇ ರನ್ನರ್ ಅಪ್ ಆಗಿದ್ದಾರೆ. ಫೈನಲ್ ನಲ್ಲಿ ಸ್ಪರ್ಧಿಗಳಾದ ಫಿಲಿಪೈನ್ಸ್ ಒರ್ನೆಲಾ ಮರಿಯಮ್ ಮತ್ತು ಶ್ರೀಲಂಕಾದ ಜಯಸಿರಿ ಗುಣಶೇಖರೆ ಅವರನ್ನು ಹಿಂದಿಕ್ಕಿದ ಶ್ರೀನಿಧಿ ಶೆಟ್ಟಿ ವಿಜೇತರಾದರು.

81 ಕ್ಕೂ ಅಧಿಕ ದೇಶಗಳ ಸ್ಪರ್ಧಿಗಳು ಭಾಗವಹಿಸಿದ್ದ ಮಿಸ್ ಸುಪ್ರನ್ಯಾಷನಲ್ ಸ್ಪರ್ಧೆಯಲ್ಲಿ ವಿಜೇತರಾಗಿರುವುದಕ್ಕೆ ಸಂತಸವಾಗುತ್ತಿದೆ. ನಂಬಲು ಆಗಲಿಲ್ಲ ಎಂದು ಶ್ರೀನಿಧಿ ಶೆಟ್ಟಿ ಹೇಳಿದ್ದಾರೆ.

2014 ರಲ್ಲಿ ನಡೆದ ಮಿಸ್ ಸುಪ್ರನ್ಯಾಷನಲ್ ಸ್ಪರ್ಧೆಯಲ್ಲಿ ಭದ್ರಾವತಿ ಬೆಡಗಿ ಆಶಾ ಭಟ್ ವಿಜೇತರಾಗಿದ್ದರು.ಮೂರು ವರ್ಷಗಳ ನಂತರ ಮತ್ತೆ ದೇಶಕ್ಕೆ ಮಿಸ್ ಸುಪ್ರನ್ಯಾಷನಲ್ ಕಿರೀಟ ಸಿಕ್ಕಿದೆ.

30 ಸಾವಿರ ಡಾಲರ್ ನಗದು ಹಾಗೂ ಟೈಟಲ್ ಶ್ರೀನಿಧಿ ಪಾಲಾಗಿದೆ, ಕಾಲೇಜಿನಲ್ಲಿರುವಾಗಲೇ ಮಾಡೆಲಿಂಗ್ ಕ್ಷೇತ್ರದ ಬಗ್ಗೆ ಆಸಕ್ತಿ ಇತ್ತು. ಹೀಗಾಗಿ ನಾನು ಕಷ್ಟಪಟ್ಟೆ, ಅದಕ್ಕೆ ತಕ್ಕ ಪ್ರತಿಫಲ ಸಿಕ್ಕಿದೆ ಎಂದು ಸಂತೋಷ ವ್ಯಕ್ತಪಡಿಸಿದ್ದಾರೆ.