ಡಿಸೆಂಬರ್ 15ರಿಂದ ಆರಂಭವಾಗಿರುವ ಎಕುವೆರಿನ್ ಜಂಟಿ ಸಮರಾಭ್ಯಾಸ ಡಿಸೆಂಬರ್ 28ರವರೆಗೆ ನಡೆಯಲಿದ್ದು, ಇದು ಭಾರತೀಯ ಸೇನೆ ಮತ್ತು ಮಾಲ್ಡೀವ್ಸ್ ಸೇನೆಯ ನಡುವಿನ 8ನೇ ಆವೃತ್ತಿಯ 'ಎಕುವೆರಿನ್' ಜಂಟಿ ತಾಲಿಮಾಗಿದೆ. ಬೆಳಗಾವಿಯ ಮರಾಠ ಸೆಂಟರ್ ಸೇನಾ ಶಿಬಿರದಲ್ಲಿ ಸಮರಾಭ್ಯಾಸ ಆರಂಭವಾಗಿದ್ದು, ಭಾರತೀಯ ವಾಯು ಸೇನೆಯ ಹೆಲಿಕಾಪ್ಟರ್ ಕೆಂಪು ಬಾವುಟ ಪ್ರದರ್ಶನ ಮಾಡುವ ಜಂಟಿ ತಾಲೀಮಿಗೆ ಚಾಲನೆ ನೀಡಿತು. ಪರಸ್ಪರ ಕಾರ್ಯಸಾಧ್ಯತೆ ಈ ಜಂಟಿ ತಾಲೀಮಿನ ಪ್ರಮುಖ ಉದ್ದೇಶವಾಗಿದ್ದು, ಬ್ರಿಗೇಡಿಯರ್ ಗೋವಿಂದ್ ಕಲ್ವಾದ್ ಅವರು ಜಂಟಿ ಸಮರಾಭ್ಯಾಸದ ನೇತೃತ್ವ ವಹಿಸಿಕೊಂಡಿದ್ದಾರೆ.