ಬೆಂಗಳೂರು: ಸಾಲ ಕೊಟ್ಟವರನ್ನು ಆರೋಪಿಸಿ ವಿಡಿಯೋ ಮಾಡಿ ಆತ್ಮಹತ್ಯೆ ಮಾಡಿಕೊಂಡ ವ್ಯಕ್ತಿ

ಬೆಂಗಳೂರು: ದಂಪತಿಯಿಂದ ಸಾಲ ಪಡೆದುಕೊಂಡು ತೀರಿಸಲಾಗದೆ ಅವರ ಒತ್ತಡ ತಾಳಲಾರದೆ ವ್ಯಕ್ತಿಯೊಬ್ಬ ವಿಡಿಯೋ ಮಾಡಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಕೆಂಗೇರಿ ಸಮೀಪ ನಡೆದಿದೆ.

ರಾಣೋಜಿ ರಾವ್ ಎಂಬಾತ 12.30ರಿಂದ 1 ಗಂಟೆ ಸುಮಾರಿಗೆ ಆತ್ಮಹತ್ಯೆ ಮಾಡಿಕೊಂಡಿದ್ದು, ವಿಡಿಯೋದಲ್ಲಿ, ತಾನು ದಂಪತಿಯೊಬ್ಬರಿಂದ 4.5 ಲಕ್ಷ ರೂಪಾಯಿ ಸಾಲ ಪಡೆದುಕೊಂಡಿದ್ದೆ. ವಾಣಿ ಮತ್ತು ಮಹೇಶ್ ಎಂಬವರಾದ ಅವರಿಬ್ಬರೂ ವಕೀಲರು. ತಮ್ಮ ಆತ್ಮಹತ್ಯೆಗೆ ಅವರೇ ಕಾರಣ ಎಂದು ನೇರವಾಗಿ ಆರೋಪಿಸಿದ್ದಾರೆ.

ಕಳೆದ ಕೆಲ ಸಮಯಗಳಿಂದ ಇನ್ಟ್ಸಾಲ್ ಮೆಂಟ್ ಮೂಲಕ ಬಡ್ಡಿ ಜೊತೆಗೆ ಸಾಲ ಕಟ್ಟುತ್ತಿದ್ದೆ. ಕೆಲವು ತಿಂಗಳಿನಿಂದ ಹಣ ಕಟ್ಟಲು ಸಾಧ್ಯವಾಗಿಲ್ಲ. ಕಳೆದ ಡಿಸೆಂಬರ್ ನಲ್ಲಿ ತಮ್ಮ ಜಮೀನನ್ನು 9.6 ಲಕ್ಷಕ್ಕೆ ಮಾರಾಟ ಮಾಡಿದ್ದೆ. ಆದರೆ ನೋಟುಗಳ ಅಮಾನ್ಯತೆಯಿಂದಾಗಿ ಸರಿಯಾಗಿ ಹಣ ಬಂದಿಲ್ಲ. ತನಗೆ ಮಗ, ಮಗಳು, ಪರಿತ್ಯಕ್ತ ಪತ್ನಿ, ತಾಯಿ ಮತ್ತು ನಾಲ್ವರು ಸೋದರರು ಇದ್ದಾರೆ ಎಂದು ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ. 

ರಾಣೋಜಿ ಗಾರ್ಮೆಂಟ್ಸ್ ವ್ಯಾಪಾರ ಮಾಡುತ್ತಿದ್ದರು. ಸಾಲವನ್ನು ಹಿಂತಿರುಗಿಸಲು ಬ್ಯಾಂಕಿಗೆ ಹಾಕಿದ ಚೆಕ್ ಬೌನ್ಸ್ ಆಗಿ ಬಂದಿತ್ತು. ಅದು ರಾಣೋಜಿಯನ್ನು ಇಂತಹ ಕಠಿಣ ನಿರ್ಧಾರ ತೆಗೆದುಕೊಳ್ಳುವಂತೆ ಮಾಡಿತ್ತು.