ಹಾಸನ: ಕುಡಿದ ಮತ್ತಿನಲ್ಲಿ ಅಪರಿಚಿತ ಯುವಕನೊಬ್ಬ ಸಂಚಾರಿ ಪೊಲೀಸ್ ಕ್ಯಾಪ್ ಕಸಿದುಕೊಂಡು ಇಲಾಖೆಯ ಕೋಬ್ರಾ ಬೈಕ್ ಓಡಿಸಿ ಹುಚ್ಚಾಟ ಪ್ರದರ್ಶಿಸಿರುವ ಘಟನೆ ಭಾನುವಾರ ಸಂಜೆ ನಡೆಸಿದೆ.
ಸಂಜೆ 7 ಗಂಟೆ ಸುಮಾರಿಗೆ ನಗರದ ಬಿಎಂ ರಸ್ತೆಯ ಸಂತೆಪೇಟೆ ಬಳಿ ಪೊಲೀಸರು ವಾಹನಗಳ ತಪಾಸಣೆಯಲ್ಲಿ ತೊಡಗಿದ್ದರು. ಈ ವೇಳೆ ಕುಡಿದ ಅಮಲಿನಲ್ಲಿ ತನ್ನ ಸ್ನೇಹಿತರೊಂದಿಗೆ ಬಂದ ಅಪರಿಚಿತ ಯುವಕ ಏಕಾಏಕಿ ಪೊಲೀಸರ ಬೈಕ್ ಮೇಲೆ ಇಟ್ಟಿದ್ದ ಕ್ಯಾಪ್ ಧರಿಸಿ ಕೋಬ್ರಾ ಬೈಕ್ ಏರಿ ಓಡಿಸಿಕೊಂಡು ಹೋಗಿದ್ದಾನೆ.
ಇದರಿಂದ ದಂಗಾದ ಪೊಲೀಸರು ಮತ್ತೊಂದು ಬೈಕಿನಲ್ಲಿ ಅರ್ಧ ಕಿ.ಮೀ ಹಿಂಬಾಲಿಸಿಕೊಂಡು ಹೋಗಿ ಆತನನ್ನು ಹಿಡಿದು ಬೈಕ್ ಅನ್ನು ವಶಪಡಿಸಿಕೊಂಡಿದ್ದಾರೆ. ನಂತರ ಆತನನ್ನು ವಿಚಾರಣೆ ನಡೆಸಿದಾಗ ಸೆಲ್ಫಿ ಹುಚ್ಚಿನಿಂದ ಕುಡಿದ ಅಮಲಿನಲ್ಲಿ ಈ ರೀತಿ ಮಾಡಿದ್ದಾಗಿ ಹೇಳಿದ್ದಾನೆ.
