ಮಡಿಕೇರಿ: ದಸರಾ ಅಂಗವಾಗಿ ವಿಜಯದಶಮಿಯಂದು ನಡೆಯುವ ಐತಿಹಾಸಿಕ ಜಂಬೂಸವಾರಿ ಮೆರವಣಿಗೆಯಲ್ಲಿ ಪಾಲ್ಗೋಳ್ಳುವ 15 ಆನೆಗಳನ್ನು ಅರಣ್ಯ ಇಲಾಖೆ ಆಯ್ಕೆ ಮಾಡಿದೆ.
ಮೈಸೂರು ಸಮೀಪದಲ್ಲಿರುವ ದುಬಾರೆ ಮತ್ತು ಮತ್ತಿಗೋಡು ಆನೆ ಶಿಬಿರಗಳಿಂದ 15 ಆನೆಗಳನ್ನು ಆರಿಸಲಾಗಿದೆ. ಈ ಆನೆಗಳು ಹಲವು ವರ್ಷಗಳಿಂದ ಜಂಬೂಸವಾರಿಯಲ್ಲಿ ಪಾಲ್ಗೋಳ್ಳುತ್ತಿವೆ.
ಮತ್ತಿಗೋಡು ಶಿಬಿರದಿಂದ 7 ಹಾಗೂ ದುಬಾರೆ ಯಿಂದ 6, ಕ್ಯಾತರದೇವಗುಡಿ ಮತ್ತು ಬಲ್ಲೆ ಕ್ಯಾಂಪ್ ನಿಂದ ತಲಾ ಒಂದೊಂದು ಆನೆ ಮರವಣಿಗೆಯಲ್ಲಿ ಭಾಗವಹಿಸಲಿವೆ. ಬಲ್ಲೆ ಕ್ಯಾಂಪ್ ನ ಅರ್ಜುನ (57) ಚಿನ್ನದ ಅಂಬಾರಿ ಹೊರಲಿದೆ.
ಕಳೆದ 18 ವರ್ಷಗಳಿಂದ ಕ್ಯಾತದೇವರ ಗುಡಿ ಆನೆ ಶಿಬಿರದಿಂದ ಗಜೇಂದ್ರ(62) ಜಂಬೂಸವಾರಿಯಲ್ಲಿ ಪಾಲ್ಗೋಳ್ಳುತ್ತಿದ್ದು, ಇದು ಅತಿ ಹಿರಿಯ ಆನೆಯಾಗಿದೆ.
