ಬೆಂಗಳೂರು ನಗರದಲ್ಲಿರುವ 134 ಇಂದಿರಾ ಕ್ಯಾಂಟೀನ್ ಗಳಲ್ಲಿ ಊಟ, ತಿಂಡಿ ಪೂರೈಸಲು 12 ಅಡುಗೆಮನೆಗಳಿವೆ. ಉಳಿತ 64 ಅಡುಗೆ ಮನೆಗಳು ಈ ತಿಂಗಳು ಆರಂಭವಾಗುವ ನಿರೀಕ್ಷೆಯಿದೆ. 27 ಅಡುಗೆ ಮನೆ ಮತ್ತು 198 ಕ್ಯಾಂಟೀನ್ ಗಳನ್ನು ಹೊಂದುವುದು ಮಹಾನಗರ ಪಾಲಿಕೆಯ ಗುರಿಯಾಗಿದೆ. ತಿಂಡಿ ಪ್ರತಿದಿನ ಬದಲಾಗುತ್ತದೆ. ಆದರೆ ಬೆಲೆ ಮಾತ್ರ ಒಂದೆಯಾಗಿದೆ. ಉಪಾಹಾರಕ್ಕೆ 5 ರೂಪಾಯಿ ಮತ್ತು ಮಧ್ಯಾಹ್ನ ಮತ್ತು ರಾತ್ರಿಯ ಊಟಕ್ಕೆ 10 ರೂಪಾಯಿಯಾಗಿದೆ. ಒಂದು ಪ್ಲೇಟು ಇಡ್ಲಿ, ರವ ಕಿಚಿಡಿ ಮತ್ತು ಪುಳಿಯೋಗರೆ, ಖಾರಾಬಾತ್ ಗೆ ಬೆಳಗಿನ ಹೊತ್ತು ಉದ್ದ ಸಾಲಿನಲ್ಲಿ ನಿಲ್ಲಬೇಕು. ಇನ್ನು ಮಧ್ಯಾಹ್ನ ಪುಲಾವ್, ಅನ್ನ-ಸಾಂಬಾರಕ್ ಅಥವಾ ಬಿಸಿ ಬೇಳೆ ಬಾತ್ , ಮೊಸರನ್ನಕ್ಕೆ ಸಹ ಉದ್ದದ ಸಾಲಿನಲ್ಲಿ ನಿಲ್ಲಬೇಕಾಗುತ್ತದೆ.