ಬೆಂಗಳೂರು: ಕೃಷಿ ಮೇಳದಲ್ಲಿ ಚಿಕ್ಕಬಳ್ಳಾಪುರ ಮಹಿಳೆಗೆ 'ಅತ್ಯುತ್ತಮ ರೈತ ಮಹಿಳೆ' ಪ್ರಶಸ್ತಿ

ಬೆಂಗಳೂರು: ಪರಿಶ್ರಮಪಟ್ಟಕ್ಕೆ ತಕ್ಕ ಪ್ರತಿಫಲ ಇದ್ದೇ ಇರುತ್ತದೆ ಎಂಬುದಕ್ಕೆ ಶಾರದಮ್ಮ ಅವರು ಪ್ರೇರಣೆಯಾಗಿದ್ದಾರೆ. ಕೃಷಿ ಕ್ಷೇತ್ರದಲ್ಲಿ ಸಾಧನೆಗಳನ್ನು ಮಾಡಿರುವ ಶಾರದಮ್ಮ ಅವರು, ಈ ವರ್ಷದ ಅತ್ಯುತ್ತಮ ರೈತ ಮಹಿಳೆ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. 

ಚಿಕ್ಕಬಳ್ಳಾಪುರದ 50 ವರ್ಷದ ಮಹಿಳೆ ಶಾರಮ್ಮ ಎಂಬುವವರಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಅತ್ಯುತ್ತಮ ರೈತ ಮಹಿಳೆ ಪ್ರಶಸ್ತಿ ನೀಡಿ ಭಾನುವಾರ ಗೌರವಿಸಿದ್ದಾರೆ. ಉತ್ತಮ ರೈತ ಪುರುಷರಲ್ಲಿ ಸಿ. ರಾಧಾಕೃಷ್ಣ, ರಾಜು ಸೇತಪ್ಪ ಬೈರೇಗೌಡ ಅವರಿಗೆ ಉತ್ತಮ ತೋಟಗಾರಿಕೆ ಕೃಷಿಕ ಪ್ರಶಸ್ತಿ, ಹೆಸರಘಟ್ಟದ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯ ತರಕಾರಿ ಬೆಳೆಗಳ ವಿಭಾಗದ ಮುಖ್ಯಸ್ಥ ಡಾ.ಎ.ಟಿ. ಸದಾಶಿವ ಅವರಿಗೆೇ ಡಾ.ಎಂ.ಹೆಚ್. ಮರಿಗೌಡ ರಾಷ್ಟ್ರೀಯ ದತ್ತಿ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. 

ಬರಡು ಭೂಮಿಯಾಗಿದ್ದ 5 ಎಕರೆ ಭೂಮಿಯನ್ನು ಶಾರಮ್ಮ ಅವರು ಫಲವತ್ತಾದ ನೆಲವಾಗಿ ಬದಲಾಯಿಸಿತ್ತು. ಇದೀಗ ಆ ಭೂಮಿಯಲ್ಲಿ ಹಲವು ಬೆಳೆಗಳನ್ನು ಬೆಳೆಯುತ್ತಿದ್ದಾರೆ. ಅಲ್ಲದೆ, ಇದೇ ಭೂಮಿಯಲ್ಲಿ ಹಸು, ಕುರಿ ಹಾಗೂ ಹಂದಿಗಳನ್ನು ಸಾಕುತ್ತಿದ್ದಾರೆ. 

ಒಂದು ಕಾಲದಲ್ಲಿ ನೀರಿಗಾಗಿ ನಾವು ಸಾಕಷ್ಟು ಸಮಸ್ಯೆಯನ್ನು ಎದುರಿಸುತ್ತಿದ್ದೆವು. ಇದೀಗ ನಮ್ಮ ಭೂಮಿಯಲ್ಲಿ ಕರಿಬೇವು, ಬದನೆಕಾಯಿ, ಮಲ್ಲಿಗೆ ಹಾಗೂ ನೇರಳೆಯನ್ನು ಬೆಳೆಯುತ್ತಿದ್ದೇವೆಂದು ಶಾರದಮ್ಮ ಅವರು ಹೇಳಿದ್ದಾರೆ. 

ಹನಿ ನೀರಾವರಿ ವ್ಯವಸ್ಥೆಯನ್ನು ನಾವು ಅಳವಡಿಸಿಕೊಂಡಿದ್ದೆವು. ವಾಟಲ್ ಬಾಟಲಿಗಳನ್ನು ಬಳಸಿಕೊಂಡು ಬೆಳೆಗಳಿಗೆ ನೀರನ್ನು ಒದಗಿಸಲು ಆರಂಭಿಸಿದ್ದೆವು ಎಂದು ತಿಳಿಸಿದ್ದಾರೆ. 

ಶಾರದಮ್ಮ ಅವರು ಇದೀಗ 4 ಹಸುಗಳು, 15 ಕುರಿಗಳು ಹಾಗೂ 30 ಹಂದಿಗಳನ್ನು ಸಾಕುತ್ತಿದ್ದಾರೆ.  ಗುಡಿಬಾಂಡೆ ತಾಲ್ಲೂಕಿನ ಹಾಲು ಸಹಕಾರ ಸಂಘದ ನಿರ್ದೇಶಕರಾಗಿ ಶಾರದಮ್ಮ ಅವರು ಸೇವೆ ಸಲ್ಲಿಸಿದ್ದಾರೆ.