ಹಾಸನ: ಬೈಕ್ ಅಪಘಾತ, ದಂಪತಿ ಸಾವು

ಹಾಸನ: ಹಾಸನ ಜಿಲ್ಲೆಯ ಆಲೂರು ಬಳಿ ಬೈಕ್​ ಗೆ ಗ್ಯಾಸ್​ ಟ್ಯಾಂಕರ್​ ಡಿಕ್ಕಿಯಾದ ಪರಿಣಾಮ ದಂಪತಿ ಮೃತಪಟ್ಟಿದ್ದಾರೆ. ಹಾಸನದ ಆಲೂರು ಸಮೀಪದ ಆಲೂರು ಪಾಳ್ಯದಲ್ಲಿ ಈ ದುರ್ಘಟನೆ ನಡೆದಿದೆ. 

ರಾಷ್ಟ್ರೀಯ ಹೆದ್ದಾರಿ 75 ರಲ್ಲಿ ಬೈಕ್ ​ನಲ್ಲಿ ತೆರಳುತ್ತಿದ್ದ ಜಯರಾಮ್​ ದಂಪತಿಗೆ ಗ್ಯಾಸ್​ ಟ್ಯಾಂಕರ್​ ಡಿಕ್ಕಿ ಆಗಿದ್ದು ದಂಪತಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.ಮೃತರು ದುದ್ದ ಗ್ರಾಮದವರೆನ್ನಲಾಗಿದ್ದು ಆಲೂರು ಪೊಲೀಸ್​ ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ.