ಕಾರ್ಯಕ್ರಮದಲ್ಲಿ ಉಡಗಿ ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲೆಯ ಪೂಜಾ ನೀಲಕಂಠ, ತನ್ನ ಮನೆಯಲ್ಲಿ ಶೌಚಾಲಯ ನಿರ್ಮಿಸಲು ಪೋಷಕರ ಮೇಲೆ ಒತ್ತಡ ಹೇರಲು ಉಪವಾಸ ಮಾಡುತ್ತಿರುವುದಾಗಿ ಹೇಳಿದ್ದಳು. ಅದನ್ನು ಕೇಳಿದ ಕೊರ್ಲಪಾಟಿ, ಉಪವಾಸ ಬಿಡುವಂತೆಯೂ ಆಕೆಯ ಪೋಷಕರ ಮನವೊಲಿಸಿ ಮನೆಯಲ್ಲಿ ಶೌಚಾಲಯ ನಿರ್ಮಿಸಿಕೊಡುವುದಾಗಿ ಭರವಸೆ ನೀಡಿದರು. ಅದರಂತೆ ಪೂಜಾ ಪೋಷಕರಲ್ಲಿ ಮಾತನಾಡಿ ಶೌಚಾಲಯ ನಿರ್ಮಿಸಲು ಅವರು ಕೂಡ ಒಪ್ಪಿಕೊಂಡಿದ್ದಾರೆ. ಆದರೂ ಕೂಡ ಶೌಚಾಲಯ ನಿರ್ಮಾಣ ಕೆಲಸ ಪ್ರಾರಂಭವಾಗುವವರೆಗೂ ತನ್ನ ಉಪವಾಸ ಮುಂದುವರಿಸುವುದಾಗಿ ಪೂಜಾ ಕೂತಿದ್ದಳು.
