ಎಂಡಿಪಿಯ ಈ ಯಶೋಗಾಥೆಯನ್ನು ಹುಡುಕಿ ಹೊರಟರೆ 2004 ರ ಸಮಯದ ಪುಟಗಳು ತೆರೆದುಕೊಳ್ಳುತ್ತವೆ, 2004 ರಲ್ಲಿ ಮಹಾರಾಷ್ಟ್ರದ ಪುಣೆಯಲ್ಲಿ ಒಂದು ಕಾಫಿ ಶಾಪ್ ತೆಗೆಯಲು ಪ್ರಸಿದ್ಧ ಐಟಿ ಕಂಪನಿಯಿಂದ ಅವಕಾಶ ಸಿಗುತ್ತದೆ. ಅಂದು ಪ್ರಾರಂಭವಾದ ಕಾಫಿ ಶಾಪ್ ಒಂದು ಹತ್ತಾಗಿ.., ಹತ್ತು ನೂರಾಗಿದೆ. ಇಂದು ಭಾರತದ ಉದ್ದಗಲಕ್ಕೂ ಕಾರ್ಪೊರೇಟ್ ವಲಯದಲ್ಲಿ ಇಂದು ಎಂಡಿಪಿ ಶಾಖೆಗಳಿವೆ. ಇನ್ಫೋಸಿಸ್ ಮತ್ತು ಟಿಸಿಎಸ್ ನಂತಹ ದೈತ್ಯ ಐಟಿ ಕಂಪನಿಗಳು ಎಂಡಿಪಿಯನ್ನ ಬೆಸ್ಟ್ ವೆಂಡರ್ ಪಾರ್ಟ್ನರ್ ಎಂದು ಗುರುತಿಸಿ ಸನ್ಮಾನಿಸಿವೆ. ಹೀಗೆ ಕೋಪರ್ಪೊರೇಟ್ ವಲಯದಲ್ಲಿ ಮತ್ತು ಅಲ್ಲಿನ ಐಟಿ ಪ್ರೊಫೆಷನಲ್ಗಳ ಮನಸ್ಸಿನಲ್ಲಿ ಎಂಡಿಪಿ ಜಾಗ ಪಡೆದಿದೆ. ನಿರಂತರವಾಗಿ ಉತ್ತಮ ಗುಣಮಟ್ಟ ಕಾಯ್ದುಕೊಂಡಿರುವುದು, ನಗುಮುಖದಿಂದ ಗ್ರಾಹಕರಿಗೆ ಸೇವೆ ನೀಡುವುದರ ಜೊತೆಗೆ ರುಚಿ ಮತ್ತು ಶುಚಿತ್ವ ಎಂಡಿಪಿಯ ಟ್ರೇಡ್ ಮಾರ್ಕ್!