ಮಂಗಳೂರು: ನೈತಿಕ ಪೊಲೀಸ್ ಗಿರಿಯ ಭಯದಲ್ಲಿ ಪ್ರೇಮಿಗಳ ದಿನಾಚರಣೆ

ಮಂಗಳೂರು: ದೇಶಾದ್ಯಂತ ಫೆಬ್ರವರಿ 14 ನೇ ತಾರೀಖಿನಂದು ಪ್ರೇಮಿಗಳ ದಿನಾಚರಣೆ ಆಚರಿಸಲಾಗುತ್ತಿದೆ. ಮಂಗಳೂರಿನಲ್ಲೂ ಕೂಡ ಪ್ರೇಮಿಗಳ ದಿನಕ್ಕೆ ಎಲ್ಲಾ ಸಿದ್ಧತೆ ನಡೆಸಿದ್ದು, ನೈತಿಕ ಪೊಲೀಸ್ ಗಿರಿಯ ಕರಿನೆರಳು ಆವರಿಸಿದೆ.

ಮುಂಬಯಿಯಂತೆ ಮಂಗಳೂರಿನ ಹಲವು ರೆಸ್ಟೊರೆಂಟ್ ಗಳು ಪ್ರೇಮಿಗಳಿಗಾಗಿ ವಿಶೇಷವಾಗಿ ಅಲಂಕರಿಸಲ್ಪಟ್ಟಿತ್ತು ಹಲವು ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಪ್ರೀತಿಸುವ ಜೀವಗಳಿಗಾಗಿ ಹಲವು ಆಫರ್ ಗಳನ್ನು ನೀಡಲಾಗಿದೆ. ಆದರೆ ಸುರಕ್ಷತೆಯ ದೃಷ್ಟಿಯಿಂದಾಗಿ ಎಲ್ಲೆಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂಬ ಸ್ಥಳದ ಬಗ್ಗೆ ಮಾಹಿತಿ ಬಹಿರಂಗ ಪಡಿಸಿಲ್ಲ ಎಂದು ಲಕ್ಷ್ಮಿ ಶೆಣೈ ಎಂಬುವರು ತಿಳಿಸಿದ್ದಾರೆ. ಈ ಬಗ್ಗೆ ಮಾತನಾಡದಂತೆ ಮಂಗಳೂರಿನಾದ್ಯಂತ ಅಲಿಖಿತ ನಿಯಮ ಜಾರಿಯಾಗಿದೆ. 

ಕೆಲ ಜೋಡಿಗಳು ನೈತಿಕ ಪೊಲೀಸ್ ಗಿರಿಗೆ ಹಾಗೂ ಮತ್ತೆ ಕೆಲವು ಜೋಡಿಗಳು ಪೊಲೀಸರಿಗೆ ಭಯಗೊಂಡಿದ್ದಾರೆ.

ಇತ್ತೀಚೆಗೆ ಪಿಳಿಕುಳದಲ್ಲಿ ಪೊಲೀಸರ ಮುಂದೆಯೇ ಯುವತಿಗೆ ಥಳಸಿರುವ ಘಟನೆ ನಡೆದಿದ್ದು, ಹಲವರು ಭಯಬೀತಗೊಂಡಿದ್ದಾರೆ.  ಆದರೂ ನಾಲ್ಕು ವರ್ಷಗಳ ನಂತರ ನಗರದಲ್ಲಿ ವ್ಯಾಲೆಂಟೈನ್ ಡೇ ಆಚರಿಸಲು ತಯಾರಾಗುತ್ತಿದೆ ಎಂದು ಹೂ ಮಾರಾಟಗಾರ ತಿಳಿಸಿದ್ದಾರೆ.

ಪ್ರೇಮಿಗಳ ದಿನದ ಆಚರಣೆಗಾಗಿ ಈ ಮೊದಲು 1500 ನಿಂದ 2000 ರು ವರೆಗೂ ಹೂಗುಚ್ಚಗಳ ಮಾರಾಟವಾಗುತ್ತಿತ್ತು. ಆದರೆ ಶೇ.25 ರಷ್ಟು ಹೂಗುಚ್ಚಗಳ ತಯಾರಿಕೆಯನ್ನು ಕಡಿಮೆ ಮಾಡಲಾಗಿದೆ. ಆನ್ ಲೈನ್ ವ್ಯಾಪಾರದಿಂದಾಗಿ ನಮ್ಮ ವ್ಯಾವಾಪ ವಹಿವಾಟಿನ ಮೇಲೆ ಪರಿಣಾಮ ಬೀರಿದೆ ಎಂದು ಹೇಳಿದ್ದಾರೆ.