ವಿಶ್ವವಿದ್ಯಾನಿಲಯದ ಐಟಿ ತಂಡ ನೀಡಿರುವ ವರದಿಯನ್ವಯ ಸೋರಿಕೆಯಾಗಿದೆ ಎಂದು ಹೇಳಲಾದ ಪ್ರಶ್ನೆ ಪತ್ರಿಕೆಯು ನಕಲಿ ಪ್ರಶ್ನೆಪತ್ರಿಕೆಯಾಗಿದ್ದು ಕೆಲ ಪುಂಡರು ರಚಿಸಿರುವ ನಕಲಿ ಪ್ರಶ್ನಾವಳಿಗಳು ಇದರಲ್ಲಿದೆ ಎಂದು ವಿಟಿಯು ಅಧಿಕಾರಿಗಳು ಹೇಳಿದ್ದಾರೆ. ಅದಾಗ್ಯೂ ಅಂತಹಾ ಕೃತ್ಯ ನಡೆಸಿದವರ ಮೂಲ ತಿಳಿದುಕೊಳ್ಳಲು ವಿಶ್ವವಿದ್ಯಾನಿಲಯ ತನಿಖಾ ಸಮಿತಿಯೊಂದನ್ನು ಆಯೋಜಿಸಿದೆ. "ಇದೇನೂ ಮೊದಲ ಬಾರಿ ನಡೆಯುತ್ತಿಲ್ಲ, ಈ ಹಿಂದೆ ಸಹ ನಕಲಿ ಪ್ರಶ್ನೆಪತ್ರಿಕೆಗಳು ಬಹಿರಂಗವಾಗಿದ್ದವು. ಇದೀಗ ನಾವು ಈ ಸಂಬಂಧ ತನಿಖೆ ನಡೆಸಲು ಸಮಿತಿಯನ್ನು ರೂಪಿಸಿದ್ದೇವೆ" ಅಧಿಕಾರಿಗಳು ಹೇಳಿದ್ದಾರೆ.