ಬೆಳಗಾವಿಯಿಂದ ಮುಂಬೈಗೆ ಉಡಾನ್ ಯೋಜನೆಯಡಿ ವಿಮಾನ ಹಾರಾಟಕ್ಕೆ ಚಾಲನೆ

ಕೇಂದ್ರದ ಉಡಾನ್‌ ಯೋಜನೆಯಡಿ ಬಹುನಿರೀಕ್ಷಿತ ಸ್ಪೈಸ್‌ಜೆಟ್‌ ಸಂಸ್ಥೆಯಿಂದ ಬೆಳಗಾವಿ-ಮುಂಬಯಿ ನಡುವೆ ವಿಮಾನಯಾನ ...

Published: 21st June 2019 12:00 PM  |   Last Updated: 21st June 2019 09:56 AM   |  A+A-


A view of Belagavi airport

ಬೆಳಗಾವಿ ವಿಮಾನ ನಿಲ್ದಾಣ

Posted By : SUD SUD
Source : The New Indian Express
ಬೆಳಗಾವಿ : ಕೇಂದ್ರದ ಉಡಾನ್‌ ಯೋಜನೆಯಡಿ ಬಹುನಿರೀಕ್ಷಿತ ಸ್ಪೈಸ್‌ಜೆಟ್‌ ಸಂಸ್ಥೆಯಿಂದ ಬೆಳಗಾವಿ-ಮುಂಬಯಿ ನಡುವೆ ವಿಮಾನಯಾನ ಆರಂಭವಾಗಿದೆ. ಇದಕ್ಕೆ ಬೆಳಗಾವಿಯ ಸಾಂಬ್ರಾ ವಿಮಾನ ನಿಲ್ದಾಣದಲ್ಲಿ ಶಾಸಕ ಅಭಯ ಪಾಟೀಲ ನಿನ್ನೆ ಚಾಲನೆ ನೀಡಿದರು. 

ಈ ವಿಮಾನ ಬೆಂಗಳೂರು-ಬೆಳಗಾವಿ-ಮುಂಬಯಿ ನಡುವೆ ನಿತ್ಯ ಹಾರಾಟ ನಡೆಸುತ್ತದೆ. ಹಲವು ಉದ್ಯಮಿಗಳಿಗೆ ಮತ್ತು ಕೈಗಾರಿಕೋದ್ಯಮಿಗಳಿಗೆ ಇದರಿಂದ ನೆರವಾಗಲಿದೆ. ಮೇ ತಿಂಗಳಿನಿಂದಲೇ ಇಲ್ಲಿಂದ ಅಹಮದಾಬಾದ್‌, ಪುಣೆ ಮತ್ತು ಹೈದರಾಬಾದ್‌ಗೆ ವಿಮಾನಗಳ ಸಂಚಾರವಿದ್ದು, ಬೆಳಗಾವಿಗೆ ಉಡಾನ್‌ ಯೋಜನೆಯಲ್ಲಿ ಮಂಜೂರಾಗಿರುವ 13 ಮಾರ್ಗಗಳಲ್ಲಿ ನಾಲ್ಕು ಚಾಲನೆ ಪಡೆದಂತಾಗಿದೆ. 

ನಿನ್ನೆ ಉದ್ಘಾಟನೆಯಾದ ದಿನವೇ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದ್ದು 55 ಪ್ರಯಾಣಿಕರು 92 ಸೀಟುಗಳ ವಿಮಾನದಲ್ಲಿ ಪ್ರಯಾಣಿಸಿದ್ದರು. ಜನರ ಬೇಡಿಕೆ ಹಿನ್ನಲೆಯಲ್ಲಿ ಮುಂಬೈಗೆ ದಿನನಿತ್ಯದ ವಿಮಾನ ಹಾರಾಟ ಆರಂಭಿಸಲಾಗಿತ್ತು. 

ಈ ವಿಮಾನ ಬೆಂಗಳೂರಿನಿಂದ ಬೆಳಗಾವಿಗೆ ಮಧ್ಯಾಹ್ನ 12.05ಕ್ಕೆ ಆಗಮಿಸಿ 12.25ಕ್ಕೆ ಮುಂಬೈಗೆ ಪ್ರಯಾಣಿಸಲಿದೆ. ಆನಂತರ ಮುಂಬೈಯಿಂದ ಬೆಳಗಾವಿಗೆ ಸಂಜೆ 4.05ಕ್ಕೆ ಬಂದು ಬೆಂಗಳೂರಿಗೆ 4.25ಕ್ಕೆ ಹೊರಡುತ್ತದೆ. 
Stay up to date on all the latest ರಾಜ್ಯ news
Poll
Parliament

ಸಂಸತ್ತಿನ ಈ ಮುಂಗಾರು ಅಧಿವೇಶನವು ಪ್ರಜಾಪ್ರಭುತ್ವದ ಕಗ್ಗೊಲೆಗೆ ಸಾಕ್ಷಿಯಾಯಿತೇ?


Result
ಹೌದು
ಇಲ್ಲ
ಗೊತ್ತಿಲ್ಲ
flipboard facebook twitter whatsapp