ಕ್ಯಾನ್ಸರ್ ನಲ್ಲಿಯೂ ಹಲವಾರು ರೀತಿಯ ರೋಗಗಳಿವೆ. ಅದರಲ್ಲಿಯೂ ಹೈಗ್ರೇಡ್ ಕ್ಯಾನ್ಸರ್ ಅಂತೂ ದೇಹದ ಮೇಲೆ ಗಂಭೀರ ರೀತಿಯ ಪರಿಣಾಮ ಬೀರುತ್ತದೆ. ಇದರಲ್ಲಿ ಕೋಶಗಳ ಒಂದು ಸಮೂಹವು ಅನಿಯಂತ್ರಿತ ಬೆಳವಣಿಗೆಯನ್ನು ತೋರಿಸುತ್ತವೆ. ಆದರೆ, ಸಾಮಾನ್ಯಕ್ಕಿಂತಲೂ ಮಿತಿ ಮೀರಿದ ಕೋಶಗಳ ವಿಭಜನೆಯಾಗುತ್ತವೆ. ಶರೀರದ ಒಂದು ಭಾಗದಲ್ಲಿ ಒಂದು ಕಡೆ ಕಾಣಿಸಿಕೊಂಡರೆ, ಅಕ್ಕಪಕ್ಕದ ಕೋಶಗಳನ್ನೂ ಕೂಡ ನಾಶಪಡಿಸುತ್ತದೆ. ದೇಹದ ಇತರೆ ಭಾಗಗಳಿಗೆ ವೇಗವಾಗಿ ಪಸರಿಸುತ್ತದೆ. ಸಾಮಾನ್ಯವಾಗಿ ಕ್ಯಾನ್ಸರ್ ಎಂಬುದು ದೇಹದ ಯಕೃತ್, ಶ್ವಾಸಕೋಶಗಳು, ದುಗ್ಧರಸ ಗ್ರಂಥಿಗಳು ಹಾಗೂ ಮೂಳೆಗಳಲ್ಲಿ ಕಾಣಿಸಿಕೊಳ್ಳುತ್ತವೆ.