ಕಾಣದಂತೆ ಕೂರುವಂತಿಲ್ಲ!

ಮುಂಬೈ: ಇನ್ನು ಮುಂದೆ ಮುಂಬೈನ ಯಾವುದೇ ಪ್ರದೇಶದಲ್ಲಿ 'ಜೋಡಿ'ಗಳು 'ಕಾಣ'ದೇ ಕುಳಿತುಕೊಳ್ಳುವಂತಿಲ್ಲ.
ಈ ಬಗ್ಗೆ ಮುಂಬೈ ಪೊಲೀಸ್ ಆಯುಕ್ತರು ಆದೇಶ ಹೊರಡಿಸಿದ್ದು, ಇನ್ನು ಮುಂದೆ ಏಕಾಂತ ಸ್ಥಳಗಳು, ಸಾರ್ವಜನಿಕ ಪ್ರದೇಶಗಳ ರಹಸ್ಯ ಸ್ಥಳಗಳಲ್ಲಿ, ಜನ ವಿರಳ ಸಮುದ್ರ ದಡದಲ್ಲಿ ಜೋಡಿಗಳು ಕುಳಿತುಕೊಳ್ಳುವಂತಿಲ್ಲ ಎಂದು ಸೂಚಿಸಿದ್ದಾರೆ.
ಈ ರೀತಿ ಕುಳಿತುಕೊಂಡಲ್ಲಿ ಗಸ್ತು ಕಾಯುವ ಪೊಲೀಸರು ಬಂದು ನಿಮ್ಮನ್ನು ಏಳಿಸಿ ಕಳುಹಿಸಬಹುದು, ಇದನ್ನು ನೀವು 'ಏಕೆ' ಎಂದು ಪ್ರಶ್ನಿಸುವಂತಿಲ್ಲ ಎಂದು ಅವರು ಹೇಳಿದ್ದಾರೆ.  ಆದರೆ ಈ ನಿರ್ಧಾರಕ್ಕೆ ಆಕ್ಷೇಪ ವ್ಯಕ್ತವಾದ ಹಿನ್ನೆಲೆಯಲ್ಲಿ ಈ ಪ್ರದೇಶಗಳಲ್ಲಿ ಪೊಲೀಸರಿಂದ ಹೆಚ್ಚಿನ ಭದ್ರತೆ ಒದಗಿಸುತ್ತೇವೆ ಎಂದಿದ್ದಾರೆ.
ತಂಗಿಗೆ ಕಿರುಕುಳ, ತಂದೆಯನ್ನೇ ಕೊಂದ...
ಇಂದೋರ್: ತಂಗಿಗೆ ಲೈಂಗಿಕ ಕಿರುಕುಳ ನೀಡಿದ ತಂದೆಯನ್ನೇ ಮಗನೊಬ್ಬ ಹತ್ಯೆ ಮಾಡಿದ್ದಾನೆ. ಈತ ತನ್ನ ಅಜ್ಜ ಮತ್ತು ಚಿಕ್ಕನೊಂದಿಗೆ ಸೇರಿಕೊಂಡು ಕೊಡಲಿಯಿಂದ ಕತ್ತರಿಸಿ ಹತ್ಯೆ ಮಾಡಿದ್ದಾನೆ. ಬಳಿಕ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದಾನೆ.